ROMA 11
11
Makaasi' i Aki Kapuuno' ra ulun ru Israil
1 #
Plp. 3:5
Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin. 2Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono, 3#1 Raj. 19:10, 14“O Tuhan, pinatoi nilo noyo nabi-nabi Muno am linunsai nilo noyo altar-altar Muno. Raino aku ayuk sangulun nabi ondo' soroi ti, am mangkinam ilo mamatoi raki'.” 4#1 Raj. 19:18Atan taaman Nano riso? Kon ri Aki Kapuuno', “Soroi Raki' tulu' ngaribu ngaulun ondo' kalo igondo' siminamba ra tuhan sinungkalalaing Baal.” 5Koson niayuk ra raino ti, mokoondo' kukula' ngaulun pinili' ri Aki Kapuuno' maya' ra kataawan Nano. 6Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.
7Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'. 8#Sag. 29:4; Jis. 29:10Koson tinulisan ra Buuk Kitab, “I Aki Kapuuno' nampasauk risilo ra sasambungon; suku' orou raiti' kalo maimansaan am kalo matalinaasan nilo.” 9#Mzm. 69:23-24Kon niayuk ru raja' Daut ragili,
“Polosoon ilo malandak am rokopon ra bunsag nilo galama',
gama' ru maratu' am maukum ilo!
10Polosoon noyo mato nilono bolowon, maa' raginio kalo makakito ilo,
gama' ru ilo magail maimbolo' sabap ra kapaganan.”
11Ginio ra mangkuot aku po: Karatu' ulun ru Jaudi no koson luuson ilo kia ri Aki Kapuuno'? Maaru' kalo! Sabap ra tula ru ulun ru Jaudi, ondo' sala' ka Jaudi boo bayagon, koson ra ulun ru Jaudi no mangusolon boo risilo. 12Sabap ra tula ru ulun ru Jaudi no ulun-ulun ru tana' ti binarakat ri Aki Kapuuno', am sabap ra pangintapatan ru ulun ru Jaudi malawo, barakat ra ulun sala' ka Jaudi mauli'. Amon ru koson poyo raginio, mulu' poyo barakat ri Aki Kapuuno' ra ulun ru Jaudi no paat ra ilo ngai' sumaguli' Riso.
Ulun sala' ka Jaudi bayagon
13Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'. 14Intor raginio mangkinibit aku lair ra ulun ru bansa' kuno mangusolon am makapamayag i Aki Kapuuno' ra santayaran risilo. 15Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!
16Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan. 17Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi. 18Kaa' pai' pagasab risilo ondo' inindaanan noyo koson ra raan no! Pai' kano limbau! Sabap ra akau no raan ayuk. Sala' ka akau no nanambakat ra puun no, kaa' sotopot no bakat no ondo' mampatuu' ramuyun.
19Mokoondo' lair mindagu ra, “Kaa' raan inindaanan koson akai papaliton risilo.” 20Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min! 21Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun. 22Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No. 23Amon ru ulun ru Jaudi sumaguli' am mangintopot, patapulion ilo ra intok nilai, sabap ra makakuasa' i Aki Kapuuno' mambaal raginio. 24Akau ulun sala' ka Jaudi, koson ra raan puun jaitun lumayau ondo' pinakapit ra puun jaitun tinanom. Ginio kalo niayuk maya' ra kaindalaman. Atan poyo ulun ru Jaudi ondo' koson ra raan puun jaitun tinanom no? Maaru' maluoi i Aki Kapuuno' mampatapuli' risilo ra puun kopoyo.
Makaasi' i Aki Kapuuno' ra ngaangai' ulun
25Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'. 26#Jis. 59:20-21Koson raginio ngaangai' ulun ru Israil bayagon. Tinulisan noyo ra Buuk kitab;
“Intor ra bandar Sion matong Mamamayag no,
mangiru' Io ra ngaangai' kalaatan ru papag ri Jakub.
27 #
Jir. 31:33-34
Gitio noyo bantu' Kuno risilo
paat ra Aku mangampun ra tula nilai.”
28Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai. 29Sabap ra kalo makulau guang ri Aki Kapuuno' ra ulun pinili' am binarakat Nano. 30Ra galing i akau, ulun sala' ka Jaudi, kalo giminagaya' ri Aki Kapuuno', kaa' raino nakaapu kau ra asi' Nano sabap ra kalo nampagagayaan ru ulun ru Jaudi. 31Mogondo' niayuk ra ulun ru Jaudi ondo' raino#Kukula' naskhah nakalair kolondo' ra ragu: raino. kalo gumagaya' ri Aki Kapuuno', ilo pana makaapu ra asi' ri Aki Kapuuno' koson ra naapu min noyo. 32Ngaangai' ulun inukum noyo ri Aki Kapuuno' koson ra ulun inaput, sabap ra ilo ti kalo giminagaya' Riso. Maa' raginio makapangasi' Io ra ngaangai' ulun.
Omporon takau i Aki Kapuuno'
33 #
Jis. 55:8
Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano. 34#Jis. 40:13Koson tinulisan ra Buuk Kitab;
“Osoi kia makapandai ra guang ri Aki Kapuuno'?
Osoi kia makapanulu' Riso?
35 #
Ayp. 41:11
Mokoondo' kia nakapanaak ra atan-atan ra Tuhan,
saboi makibalos Riso?”
36 #
1 Kor. 8:6
Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.
Currently Selected:
ROMA 11: TMT
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
ROMA 11
11
Makaasi' i Aki Kapuuno' ra ulun ru Israil
1 #
Plp. 3:5
Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin. 2Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono, 3#1 Raj. 19:10, 14“O Tuhan, pinatoi nilo noyo nabi-nabi Muno am linunsai nilo noyo altar-altar Muno. Raino aku ayuk sangulun nabi ondo' soroi ti, am mangkinam ilo mamatoi raki'.” 4#1 Raj. 19:18Atan taaman Nano riso? Kon ri Aki Kapuuno', “Soroi Raki' tulu' ngaribu ngaulun ondo' kalo igondo' siminamba ra tuhan sinungkalalaing Baal.” 5Koson niayuk ra raino ti, mokoondo' kukula' ngaulun pinili' ri Aki Kapuuno' maya' ra kataawan Nano. 6Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.
7Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'. 8#Sag. 29:4; Jis. 29:10Koson tinulisan ra Buuk Kitab, “I Aki Kapuuno' nampasauk risilo ra sasambungon; suku' orou raiti' kalo maimansaan am kalo matalinaasan nilo.” 9#Mzm. 69:23-24Kon niayuk ru raja' Daut ragili,
“Polosoon ilo malandak am rokopon ra bunsag nilo galama',
gama' ru maratu' am maukum ilo!
10Polosoon noyo mato nilono bolowon, maa' raginio kalo makakito ilo,
gama' ru ilo magail maimbolo' sabap ra kapaganan.”
11Ginio ra mangkuot aku po: Karatu' ulun ru Jaudi no koson luuson ilo kia ri Aki Kapuuno'? Maaru' kalo! Sabap ra tula ru ulun ru Jaudi, ondo' sala' ka Jaudi boo bayagon, koson ra ulun ru Jaudi no mangusolon boo risilo. 12Sabap ra tula ru ulun ru Jaudi no ulun-ulun ru tana' ti binarakat ri Aki Kapuuno', am sabap ra pangintapatan ru ulun ru Jaudi malawo, barakat ra ulun sala' ka Jaudi mauli'. Amon ru koson poyo raginio, mulu' poyo barakat ri Aki Kapuuno' ra ulun ru Jaudi no paat ra ilo ngai' sumaguli' Riso.
Ulun sala' ka Jaudi bayagon
13Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'. 14Intor raginio mangkinibit aku lair ra ulun ru bansa' kuno mangusolon am makapamayag i Aki Kapuuno' ra santayaran risilo. 15Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!
16Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan. 17Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi. 18Kaa' pai' pagasab risilo ondo' inindaanan noyo koson ra raan no! Pai' kano limbau! Sabap ra akau no raan ayuk. Sala' ka akau no nanambakat ra puun no, kaa' sotopot no bakat no ondo' mampatuu' ramuyun.
19Mokoondo' lair mindagu ra, “Kaa' raan inindaanan koson akai papaliton risilo.” 20Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min! 21Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun. 22Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No. 23Amon ru ulun ru Jaudi sumaguli' am mangintopot, patapulion ilo ra intok nilai, sabap ra makakuasa' i Aki Kapuuno' mambaal raginio. 24Akau ulun sala' ka Jaudi, koson ra raan puun jaitun lumayau ondo' pinakapit ra puun jaitun tinanom. Ginio kalo niayuk maya' ra kaindalaman. Atan poyo ulun ru Jaudi ondo' koson ra raan puun jaitun tinanom no? Maaru' maluoi i Aki Kapuuno' mampatapuli' risilo ra puun kopoyo.
Makaasi' i Aki Kapuuno' ra ngaangai' ulun
25Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'. 26#Jis. 59:20-21Koson raginio ngaangai' ulun ru Israil bayagon. Tinulisan noyo ra Buuk kitab;
“Intor ra bandar Sion matong Mamamayag no,
mangiru' Io ra ngaangai' kalaatan ru papag ri Jakub.
27 #
Jir. 31:33-34
Gitio noyo bantu' Kuno risilo
paat ra Aku mangampun ra tula nilai.”
28Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai. 29Sabap ra kalo makulau guang ri Aki Kapuuno' ra ulun pinili' am binarakat Nano. 30Ra galing i akau, ulun sala' ka Jaudi, kalo giminagaya' ri Aki Kapuuno', kaa' raino nakaapu kau ra asi' Nano sabap ra kalo nampagagayaan ru ulun ru Jaudi. 31Mogondo' niayuk ra ulun ru Jaudi ondo' raino#Kukula' naskhah nakalair kolondo' ra ragu: raino. kalo gumagaya' ri Aki Kapuuno', ilo pana makaapu ra asi' ri Aki Kapuuno' koson ra naapu min noyo. 32Ngaangai' ulun inukum noyo ri Aki Kapuuno' koson ra ulun inaput, sabap ra ilo ti kalo giminagaya' Riso. Maa' raginio makapangasi' Io ra ngaangai' ulun.
Omporon takau i Aki Kapuuno'
33 #
Jis. 55:8
Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano. 34#Jis. 40:13Koson tinulisan ra Buuk Kitab;
“Osoi kia makapandai ra guang ri Aki Kapuuno'?
Osoi kia makapanulu' Riso?
35 #
Ayp. 41:11
Mokoondo' kia nakapanaak ra atan-atan ra Tuhan,
saboi makibalos Riso?”
36 #
1 Kor. 8:6
Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.