ROMA 10
10
1Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon. 2Mampaintutun aku ra ilo ti mirot toojo mangandoi ri Aki Kapuuno', kaa' binaal nilono kalo inimpuun ra katutunan intor ri Aki Kapuuno'. 3Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.#ralan ri Aki Kapuuno' nampasauk ra ulun mobonsoi saguli' Riso; Harfiah: katapatan ri Aki Kapuuno'. 4Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.#mokopobonsoi saguli' ri Aki Kapuuno'; Harfiah: katapatan.
Osoi ayuk makiindangan ra Tuhan, bayagon io
5 #
Im. 18:15
Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.” 6#Sag. 30:12-14Kaa' gitio noyo kon ru Buuk Kitab intor ra ralan mobonsoi saguli' ri Aki Kapuuno' mansail ra pangintapatan Riso, “Pai' pampaguang, osoi maloi ra suruga'? (ioginio koson magibit ri Kristus tumuun ritakau.) 7Kapoam pai' pampaguang, osoi mongoi ra intok ru ulun namagatoi? (ioginio koson magibit ri Kristus magaloi intor ra kapatayan.)” 8Kon poyo ru Buuk Kitab, “Ragu ri Aki Kapuuno' mamaar ramuyun, masabit min am maguang min.” Gitio noyo tanou ondo' pabalaan mai; musiti' kau mangintopot ri Aki Kapuuno'. 9Amon ru mangakun kau ra i Jisus noyo Tuhan am mangintopot toojo ra Io binayag saguli' ri Aki Kapuuno' intor ra kapatayan, bayagon kau. 10Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon. 11#Jis. 28:16Kon poyo ru Buuk Kitab, “Osoi ayuk mangintopot Riso kalo mangkaus.” 12Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso. 13#Jl. 2:32Kon poyo ru Buuk Kitab, “Osoi ayuk makiindangan ra Tuhan, bayagon io.”
14Kaa' mailo ilo makiindangan ra Tuhan amon ru kalo poyo nangintopot ilo Riso. Mailo ilo mangintopot Riso amon ru kalo poyo nokorongog ilo ra tanou intor Riso. Mailo ilo mangkirongog ra tanou no amon ru kolondo' mampabala' risilo. 15#Jis. 52:7Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!” 16#Jis. 53:1Kaa' sala' ka ngaangai' ulun mangintopot ra Tanou Moonsoi. Kon ru nabi Jisaya, “O Tuhan, mokoondo' kia mangintopot ra tanou pabalaan maiti?” 17Ginio ra mansail ra pangkirangagan nilo ra tanou no mangintopot ilo, am morongog nilo tanou no sabap ra mokoondo' mambala' risilo ra tanou intor ri Kristus.
18 #
Mzm. 19:5
Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab,
“Bolos ru sinusub nakaralat noyo ra titikop ru tana' ti,
am ragu nilai nakasuku' noyo ra ujok ru mamagun.”
19 #
Sag. 32:21
Mangkuot aku poyo: Kalo kia nakarati' ulun ru Israil no? Maaru' nakarati' ilo. I nabi Musa kasaa' timinaam, “Gitio noyo kon ri Aki Kapuuno',
‘Saukon takamin mangusolon ra bansa' ondo' sala' ka pinili' Kuno,
am saukon takamin sumangit ra bansa' ondo' sasambungon.’ ”
20 #
Jis. 65:1
Makakau' poyo i nabi Jisaya mindagu,
“Gitio noyo kon ri Aki Kapuuno',
‘Matuum Aku ru ulun ondo' kalo maguyum Raki',
am tumalang Aku ra ulun ondo' kalo mangkuot Raki'.’ ”
21 #
Jis. 65:2
Kaa' koson ra ulun ru Israil, kon ri nabi Jisaya, “Gitio noyo kon ri Aki Kapuuno', ‘Monsongorou Aku maginaa risilo sumaguli' Raki', kaa' ilo no mokotog ulu am kalo gumagaya'.’ ”
Currently Selected:
ROMA 10: TMT
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
ROMA 10
10
1Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon. 2Mampaintutun aku ra ilo ti mirot toojo mangandoi ri Aki Kapuuno', kaa' binaal nilono kalo inimpuun ra katutunan intor ri Aki Kapuuno'. 3Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.#ralan ri Aki Kapuuno' nampasauk ra ulun mobonsoi saguli' Riso; Harfiah: katapatan ri Aki Kapuuno'. 4Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.#mokopobonsoi saguli' ri Aki Kapuuno'; Harfiah: katapatan.
Osoi ayuk makiindangan ra Tuhan, bayagon io
5 #
Im. 18:15
Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.” 6#Sag. 30:12-14Kaa' gitio noyo kon ru Buuk Kitab intor ra ralan mobonsoi saguli' ri Aki Kapuuno' mansail ra pangintapatan Riso, “Pai' pampaguang, osoi maloi ra suruga'? (ioginio koson magibit ri Kristus tumuun ritakau.) 7Kapoam pai' pampaguang, osoi mongoi ra intok ru ulun namagatoi? (ioginio koson magibit ri Kristus magaloi intor ra kapatayan.)” 8Kon poyo ru Buuk Kitab, “Ragu ri Aki Kapuuno' mamaar ramuyun, masabit min am maguang min.” Gitio noyo tanou ondo' pabalaan mai; musiti' kau mangintopot ri Aki Kapuuno'. 9Amon ru mangakun kau ra i Jisus noyo Tuhan am mangintopot toojo ra Io binayag saguli' ri Aki Kapuuno' intor ra kapatayan, bayagon kau. 10Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon. 11#Jis. 28:16Kon poyo ru Buuk Kitab, “Osoi ayuk mangintopot Riso kalo mangkaus.” 12Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso. 13#Jl. 2:32Kon poyo ru Buuk Kitab, “Osoi ayuk makiindangan ra Tuhan, bayagon io.”
14Kaa' mailo ilo makiindangan ra Tuhan amon ru kalo poyo nangintopot ilo Riso. Mailo ilo mangintopot Riso amon ru kalo poyo nokorongog ilo ra tanou intor Riso. Mailo ilo mangkirongog ra tanou no amon ru kolondo' mampabala' risilo. 15#Jis. 52:7Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!” 16#Jis. 53:1Kaa' sala' ka ngaangai' ulun mangintopot ra Tanou Moonsoi. Kon ru nabi Jisaya, “O Tuhan, mokoondo' kia mangintopot ra tanou pabalaan maiti?” 17Ginio ra mansail ra pangkirangagan nilo ra tanou no mangintopot ilo, am morongog nilo tanou no sabap ra mokoondo' mambala' risilo ra tanou intor ri Kristus.
18 #
Mzm. 19:5
Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab,
“Bolos ru sinusub nakaralat noyo ra titikop ru tana' ti,
am ragu nilai nakasuku' noyo ra ujok ru mamagun.”
19 #
Sag. 32:21
Mangkuot aku poyo: Kalo kia nakarati' ulun ru Israil no? Maaru' nakarati' ilo. I nabi Musa kasaa' timinaam, “Gitio noyo kon ri Aki Kapuuno',
‘Saukon takamin mangusolon ra bansa' ondo' sala' ka pinili' Kuno,
am saukon takamin sumangit ra bansa' ondo' sasambungon.’ ”
20 #
Jis. 65:1
Makakau' poyo i nabi Jisaya mindagu,
“Gitio noyo kon ri Aki Kapuuno',
‘Matuum Aku ru ulun ondo' kalo maguyum Raki',
am tumalang Aku ra ulun ondo' kalo mangkuot Raki'.’ ”
21 #
Jis. 65:2
Kaa' koson ra ulun ru Israil, kon ri nabi Jisaya, “Gitio noyo kon ri Aki Kapuuno', ‘Monsongorou Aku maginaa risilo sumaguli' Raki', kaa' ilo no mokotog ulu am kalo gumagaya'.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.