MAZMUR 149
149
Rimbai Pangamparan
1Omporo' noyo Tuhan!
Rimbayi' Tuhan no ra rimbai nakabagu;
omporo' Iono ralalom pantitimungan ru ulun Nano ondo' gumagaya'!
2Pakaansuk kano, ulun ru Israil, sabap ra Namangun mino;
pakaansuk kano, namagun ru Sion sabap ra Raja' mino!
3Omporo' noyo inggalan Nano ralalom ru ligo';
omporo' noyo inggalan Nano ondo' kayusin ra jitor am asasin ra tamburing.
4Maansukan Tuhan no ra ulun Nano;
pamanangon No ulun ra minggana' guang.
5Musiti' no maansukan ulun ri Aki Kapuuno' sabap ra namanang ilo,
am masuaban ilo maririmbai ra maansukan.
6Musiti' no magigindii ilo mongompor ri Aki Kapuuno',
liliwa' mampaguut ilo ra ilang malarom
7koson mampaala ilo ra ngaangai' bansa',
am mangukum ra ulun nilono;
8koson mamangkil ra ngaangai' raja'
am mamparantai ra tingganai nilono,
9koson mangukum ra ngaangai' bansa' sumugut ra susuban ri Aki Kapuuno'.
Ginio noyo kamanangan ru ulun ri Aki Kapuuno'.
Omporo' noyo Tuhan!
Currently Selected:
MAZMUR 149: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.