UNTABAN 2
2
Intok ru moonong bansa' ralalom pangkiman
1Nanaak Tuhan ri Musa am i Arun ra panuluan ragitio. 2Paat ra ulun ru Israil mangkim, moonong ulun musiti' mangkim ragana' ru bandira' ru pulalai nano, am ragana' ru tatandu' ru bansa' nano. Kim-kim raginio musiti' tirongon ra liput ru Kim ru Tuhan kaa' kalo mamaar kaga'.
3-9Tampilon ra sirangon, ulun ragana' ru bandira' ru pulalai ri Jiuda musiti' mangkim sumugut ra pulalai boborok nilo, am tingganai ru sigagama':
| Bansa' | Tingganai | Suang ru Ulun |
|---|---|---|
| Jiuda | Nagason anak ri Aminadab | 74,600 |
| Isakar | Nitaniil anak ri Juar | 54,400 |
| Jibulon | Iliab anak ri Gilon | 57,400 |
| Suang: | 186,400 |
Pulalai ri Jiuda iono pulalai ondo' kasaa' minugar.
10-16Tampilon ra rabugus, ulun ragana' ru bandira' ru pulalai ri Rubin musiti' mangkim maya' ra pulalai nilo, am tingganai ru sigagama':
| Bansa' | Tingganai | Suang ru Ulun |
|---|---|---|
| Rubin | Ilijur anak ri Sidiur | 46,500 |
| Simion | Silumiil anak ri Jurisyadai | 59,300 |
| Gad | Ilyasap anak ri Riguil | 45,650 |
| Suang: | 151,450 |
Pulalai ri Rubin iono pulalai karuo ondo' minugar.
17Kopongo raginio, ulun ru Liwi ondo' mamikul ra Kim ru Tuhan musiti' mugar mangkilolot ra ruo ngampulalai ondo' kasaa' am ruo ngampulalai ondo' pupus. Moonong pulalai musiti' mugar sumugut ra pangaruan paat mangkim; sigagama' ra intok no am ragana' ru bandira' nano.
18-24Tampilon ra kalasaan, ulun ragana' ru pulalai ri Ipraim musiti' mangkim maya' ra pulalai nilo, am tingganai ru sigagama':
| Bansa' | Tingganai | Suang ru Ulun |
|---|---|---|
| Ipraim | Ilisama anak ri Amigud | 40,500 |
| Manasi | Gamaliil anak ri Pidajur | 32,200 |
| Binjamin | Abidan anak Gidioni | 35,400 |
| Suang: | 108,100 |
Pulalai ri Ipraim iono pulalai katalu ondo' musiti' mugar.
25-31Tampilon ra ralayo, ulun ragana' ru bandira' ru pulalai ri Dan musiti' mangkim sumugut ra pulalai nilo, am tingganai ru sigagama':
| Bansa' | Tingganai' | Suang ru Ulun |
|---|---|---|
| Dan | Agiijir anak ri Amisyadai | 62,700 |
| Asyir | Pagiil anak ri Okran | 41,500 |
| Naptali | Agira anak ri Inan | 53,400 |
| Suang: | 157,600 |
Pulalai ri Dan iono pulalai ra pupus ondo' minugar.
32Suang ru ulun ru Israil ondo' pinarijisto ralalom ru pulalai-pulalai raginio, bansa'-bansa', iono 603,550 ngaulun. 33Koson ra nanusuban ru Tuhan ri Musa, ulun ru Liwi kalo pinarijisto nabaya' ra ulun-ulun ru Israil ra bokon.
34Ulun ru Israil pana nambaal ra ngaangai' nanusuban ru Tuhan no ri Musa. Nangkim ilo ragana' ru bandira' ru sigagama', am minugar nabaya' ra bansa' ru sigagama'.
Currently Selected:
UNTABAN 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.