MATIUS 3
3
Mampatanou i Juanis Mampariu' ra pangilaan ri Aki Kapuuno'
(Mrk. 1:1-8; Luk. 3:1-18; Jua. 1:19-28)
1Paat ragili i Juanis Mampariu' timinalimpuun mampatanou giu' ra tana' kaagisan ra Judia, kono, 2#Mat. 4:17; Mrk. 1:15“Talikur kano intor ra tula mino sabap ra mamaar noyo i Aki Kapuuno' mamarinta!”#i Aki Kapuuno' mamarinta; Harfiah: Karajaan Suruga'. 3#Jis. 40:3I Juanis Mampariu' niayuk ondo' kon ru nabi Jisaya, kono,
“Makaulun mampipiau giu' ra agis limayak;
‘Pongoono' min ralan ru Tuhan,
baniso' noyo ralan Nano.’ ”
4 #
2 Raj. 1:8
Binayang ri Juanis no binaal intor ra bulu ru unta, am abot nano binaal intor ra kungkung. Akanon nano gapu' am ruu' ru maningot. 5Ulun ondo' rumatong mongoi ri Juanis, ilo ti intor ra bandar Jirusalim, titikop pagun ru Judia am niayuk libung ru Sungoi Jordan. 6Mangiou ilo ra tula nilai am riwon ilo ri Juanis ra Sungoi Jordan.
7 #
Mat. 12:34; 23:33 Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no? 8Bonsoyo' bayag mino sabap ra ginio noyo tatandu' ra akau timinalikur intor ra tula mino. 9#Jua. 8:33Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam! 10#Mat. 7:19Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin. 11Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku. 12Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”
I Jisus riniu'
(Mrk. 1:9-11; Luk. 3:21-22)
13Paat ragili minintor i Jisus intor ra libung ru Galilia mongoi pakiriu' ri Juanis giu' ra Sungoi Jordan. 14Kaa' i Juanis marara', kono, “Aku ti tupo riwon Mu, kaa' makiriu' Kou boo raki'!”
15Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.
16Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang. 17#Kas. 22:2; Mzm. 2:7; Jis. 42:1; Mat. 12:18; 17:5; Mrk. 1:11; Luk. 9:35Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”
Currently Selected:
MATIUS 3: TMT
Highlight
Copy
Compare
Share
Want to have your highlights saved across all your devices? Sign up or sign in
Hakcipta © Bible Society of Malaysia, 2013.