GOSIA 14
14
1Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”
Nakimasi' ri Gosia ra Israil
2Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'. 3Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai. 4Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”
Nambantu' Tuhan ra kaayagan bagu ra Israil
5Indagu Tuhan,
“Ulun Kuno ondo' timinalansiang ibiton Ku saguli'.
Tagamin Ku ilo ra sotopot ru guang,
sabap ra kalo boo sumangit Aku risilo.
6Tayar ru ulun ru Israil, koson Aku ra rasam
ondo' mamasa' ra tana' ondo' mapua'.
Mungkalar ilo koson ra busak,
am koson ra puun tataun giu' ra Libanon ondo' malandom bakat nano.
7Maayag ilo am sumuang toojo
koson ra tatanom ondo' masuang talantar nano,
am masauk ilo ra moonsoi koson ra puun ru jaitun.
Masauk ilo ra maamis owou
koson ra puun ru sidar giu' ra Libanon.
8Sumaguli' ilo Raki'
am maayag ralalom ru panindungan Kuno.
Mataki' ilo gumaai am lumanja' lumangkaya'
koson ra gandum timinuu' giu' ra umo ondo' malabung,
am koson ra umo ru anggur ondo' masuang ampos nano.
Mauligan ilo kaga' koson ra wain intor ra Libanon.
9Ulun ru Israil mamatir ra ngaangai' sinungkalalaing;
iowon Ku pakiasian nilo am magalung risilo.
Koson ra puun tataun sumansam ayuk sindungin Ku ilo;
Aku noyo puun ru ngaangai' barakat nilo.”
Pamupusan
10Gama' ru ulun ondo' mapintar makarati' ra atan ondo' tinulisan ti am niayuk guangon no toojo. Panuluan intor ra Tuhan noyo motopot, am ulun mapasau guang maayag sabap ra siminugut ra panuluan raginio. Kaa' ulun makatula nakasunsuyar am naratu', sabap ra kalo sinugut nilo panuluan raginio.
Currently Selected:
GOSIA 14: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.