KASAUKAN 2
TMT
2
1Ginio noyo baal ru napasaukan ra limbowon am tana' ti am ngaangai' suang no. 2#Ibr. 4:4, 10 #Kai. 20:11Paat orou ra katulu', nopongo ri Aki Kapuuno' kandoi Nano am tangus Io boo. 3Nambarakat i Aki Kapuuno' ra orou ra katulu' ti am orou raginio sinauk ra orou patimpokon sabap ra paat orou raginio tumangus i Aki Kapuuno' ra nopongo noyo kandoi Nali. 4Koon raginio noyo baal ru napasaukan ra limbowon am tana' ti.
Taman Idin
Paat ra Tuhan#Tuhan: Ralalom pangaligan ra ragu ti “Tuhan” iono nogondo' ra inggalan Ibrani Yahweh ondo' natutunan sabiton ra Yahweh, am mokoondo' niayuk ondo' manabit ra Yehowa. i Aki Kapuuno' nambaal ra limbowon am tana' ti, 5kolondo' poyo unor ondo' tuminuu' am niayuk kolondo' poyo tutuu' ra tana' ti, sabap ri Aki Kapuuno' kalo poyo naparatu' ra rasam am kolondo' poyo ulun mangandoi ra tana' ti. 6Kaa' timug tumalimpuun sumabak intor ra ragana' am mamasa' ra ralimbou ru tana' ti.
7 # 1 Kor. 15:45 Alap boo Tuhan i Aki Kapuuno' ra sanganu tana' am pambaal Io ra ulun#tana'…ulun: Ragu “ulun” am “tana'” ralalom ragu Ibrani mokobolos ra mogondo'. am sampuyo' boo ra painawo ondo' mapakaayag ralalom luang ru arung no; am ulun no maayag boo.
8 Tuhan i Aki Kapuuno' pana nambaal boo ra Taman giu' ra Idin ra tampilon sirangon am pinaayan ulun ondo' binaal Nali ra giu' no. 9#Pin. 2:7; 22:2, 14Napatuu' Io ra ngaangai' puun ondo' mongoonsoi am mapasalula' ra kawa' ondo' moonsoi. Giu' ra tatanga' ru Taman no mokoondo' puun ondo' tuminuu' ondo' mangani' ra bayag am puun ondo' mangani' ra kapandayan ra baal ondo' moonsoi am niayuk malaat.#kapandayan ra baal ondo' moonsoi am niayuk malaat; kapoam kapandayan intor ra ngaangai' no.
10Rondo' sungoi ondo' tumilis intor ra Idin manimug ra Taman raginio; ra lisar ru Idin, sungoi ti mokoondo' apat ngantayaran ringai'. 11Sungoi kasaa', ininggalanan ra Pison, ondo' tumilis lumiput ra pagun Gawila. 12Giu' no mokoondo' mas kopoyo, timug mangaamis owou ondo' mapagon maalap am niayuk batu ra manguliat. 13Sungoi karuo, ininggalanan ra Gigon, ondo' tumilis lumiput ra pagun Kus.#Kus (giu' ra Misopotamia); kapoam Itiopia. 14Sungoi katalu, ininggalanan ra Tigris, ondo' tumilis ra tampilon sirangon ru Asyur am sungoi kaapat ti ininggalanan ra Iprat.
15 Tuhan i Aki Kapuuno' napaayan boo ra ulun raginio ra Taman Idin koson mangandoi am mantamung ra Taman no. 16Indagu i Aki Kapuuno' ra ulun no, “Maakan mu kinawa' intor ra ngaangai' puun ra Taman ti, 17kaa' ondo' ayuk kalo maakan no intor ra puun ondo' mangani' ra kapandayan ra baal moonsoi am niayuk malaat. Kawa' no kalo maakan mu; amon ru akanon mu, maaru' matoi kou ra orou raginio niayuk.”
18Indagu boo Tuhan i Aki Kapuuno', “Kalo niayuk moonsoi ulun maayag misangulun. Mambaal Aku sangulun rangan ondo' maaya' toojo koson mangindangan riso.” 19Ginio ra alap Io sanganu tana' am baalo' ra ngaangai' salinut ru bibiag ru lantur am susuit. Ngaangai' no inibit ri Aki Kapuuno' ra ulun no koson mampakito ra atan painggalanon ra bibiag raginio. Ginio noyo pupuun ru bibiag ru lantur am susuit makainggalan ru sigagama'. 20Ulun raginio nanginggalan ra ngaangai' bibiag ru lantur am susuit; kaa' kolondo' rondo' pana masauk ra rangan ondo' maaya' toojo mangindangan riso.
21 Tuhan i Aki Kapuuno' napalunus boo ra ulun no. Liliwa' io makalunus toojo, ingkualo' ri Aki Kapuuno' rondo' intor ra bungul tiagang ru ulun no, am babaya' no tinauban saguli' ra kual. 22Intor ra bungul tiagang no, nambaal Io sangulun ruandu' am ibito' No boo ra ungkuyon no. 23Indagu boo ulun no,
“Gitio noyo io, ulun nogondo' raki' –
bungul no intor ra bungul kuno,
am kual no intor ra kual kutu.
Inggalan no ruandu',
sabap inalap io intor ra ungkuyon.”#Ralalom ragu Ibrani ragu ra “ungkuyon” iono ISH, am ragu ra “ruandu'” iono ISHA.
24 # Mat. 19:5; Mrk. 10:7-8; 1 Kor. 6:16; Ip. 5:31 Ginio nai ra ungkuyon manatang ra ama' am ina' nano am masimpung ra andu' nano am ilo pana masauk rondo'.
25Ungkuyon am ruandu' no magibaang kaa' kalo makaliman mauyu'.

Hakcipta © Bible Society of Malaysia 2013 Copyright © Bible Society of Malaysia 2013

Learn More About Tanou Moonsoi Timugon