Intembauzyo 89
89
Intembauzyo ya-Etani mu-Bzara
1Njooimbila luzyalo lwa-Jehova lyoonse;
Milomo yangu iyooluula lusyomo lwako kumazyalani oonse.
2Nkaambo ndakati, Luzyalo lwako luyooima nji,
Alusyomo lwako ulalusitikizya kujulu.
3 #
Ezk 34:23
Ndakatangana amusale wangu cizuminano,
Ndakakonkezya kuli-Davida mulanda wangu.
4 #
2 Sam 7:12-16; 1 Bam 9:5; 1 Mak 17:11-14; Is 9:6,7; Lk 1:32; Inc 2:30; Rom 1:3 Njoositikizya lunyungu lwako kukabe kutamani,
Njookazika cuuno cabwami bwako kumazyalani oonse.
Sela.
5Ijulu lilatembaula maleele aako, O Jehova,
Alusyomo lwako mumbungano yabasalala.
6Nkaambo ngwani uuli kujulu uukonzya kweelana a-Jehova?
Ngwani akati kabaangelo uuli mbuli Jehova?
7Ngu-Leza uuyoosya loko mumbungano yabasalali,
Uuyoowegwa kwiinda boonse bamweengelede.
8O Jehova Leza wamakamu,
Ngwani singuzu uuli mbuli nduwe, O Jehova?
Alwalo lusyomo lwako lulikuzyungulukide.
9 #
Job 38:11; Nah 1:4; Mt 8:26 Nduwe uuendelezya kuvuuma kwalwizi;
Mayuwe aale naafufumuka, ulaatontozya,
10 #
Is 30:7
Wakapwayaula Rahabu mbuli uujayidwe,
Akumwaya basinkondonyoko kujanza lyako ijumu.
11Ijulu ndilyako, ayalo nyika njiyako.
Luwa azyoonse zili mulindulo, nduwe wakazilenga.
12 #
Jos 19:22; 12:1; Bab 4:6 Kumusanza akunyika, koonse wakakulenga;
Tabori a-Herimoni zilasekelela muzina lyako.
13Kuboko kwako kuli anguzu,
Ijanza lyako ndijumu, ijanza lyako lyalulyo lilisumpukide.
14Bululami alusinizyo nintalisyo yacuuno cako,
Luzyalo alusyomo zili kubusyu bwako,
15 #
My 10:10
Bali acoolwe bantu bezi kusekelela,
Beenda mumumuni wabusyu bwake, O Jehova.
16Balatangala muzina lyako buzuba boonse,
Balasumpulwa mubululami bwako,
17Nkaambo nduwe bulemu bwanguzu zyabo,
Amuluse lwako luja lwesu molusumpulwa.
18 #
Hos 13:10
Nkaambo intobo yesu njiya-Jehova;
Mwami wesu ngwa-Uusalala wa-Israyeli.
19Mpoonya awo wakaambila musalali wako mucilengano,
Wakati, Ndibikide lugwasyo kulisinguzu,
Ndasumpula umwi uusalidwe akati kabantu,
20 #
1 Sam 13:14; 16:12; Inc 13:22 Ndajana Davida mulanda wangu,
Ndamunanika amafuta aangu aasalalisya.
21Ijanza lyangu linoomugwasya lyoonse,
Kuboko kwangu kunoomuyumya.
22Sinkondonyina takooyoomuzunda,
Amuntu sizibi takooyoomupenzya.
23Njoopwaya basikumulwisya kubusyu bwakwe,
Abaabo bamusulide njoobauma.
24 #
Int 61:7
Pele lusyomo lwangu aluzyalo lwangu zilakalilila kulinguwe,
Aluja lwakwe lulasumpulwa muzina lyangu.
25Njoobika ijanza lyakwe alwizi,
Ajanza lyakwe lyalulyo kumilonga.
26 #
2 Sam 7:14; 1 Mak 22:10; Joh 5:17 Uyoondaambila kuti, Nduwe taata,
Nduwe Leza wangu andomba yalufutuko lwangu.
27 #
Int 2:7; Ciy 1:5 Njoomubika kuti abe mwanaangu mutaanzi,
Mupati kubami baansi.
28Njoomubamba caluzyalo lyoonse,
Acizuminano cangu ciyookalilila kulinguwe,
29 #
Is 9:7; Jer 33:17; Dan 7:14; Dt 11:21 Njookazika lunyungu lwakwe mane kukabe kutamani,
Acuuno cabwami bwakwe mbuli mazuba aakujulu.
30 #
2 Sam 7:14; Jer 9:13 Na bana bakwe basowa mulao wangu,
Akuteenda mumbeta zyangu,
31Na basampaula malailile aangu,
Akutajatisya milazyo yangu,
32Njooswaya zibi zyabo ankoli,
Ansotoko zyabo acimboko,
33Nekubaboobo nsikooyoolobya luzyalo lwangu kulinguwe,
Nikuba kuupaupa mulusyomo lwangu.
34Nsikooyoojaya cizuminano cangu,
Nsikooyootyola makani aazwa mumilomo yangu,
35 #
Int 110:4; Heb 6:13,17; Am 4:2; 8:7 Ndakonkezya kale mubusalali bwangu,
Nsibeji kuli-Davida.
36 #
2 Sam 7:16; Lk 1:33; Joh 12:34 Lunyungu lwakwe lulaba lwalyoonse,
Cuuno cakwe ciyookalilila mbuli izuba kubusyu bwangu,
37 #
Jer 31:35
Ciyoojatilila mbuli mwezi mane kukabe kutamani,
Mbuli ijulu litayangali.
Sela.
38Pele webo wasowa buyo, wakaka,
Wakalalila munanike wako.
39 #
Malo 5:16
Watyola cizuminano camulanda wako,
Amusini wakwe wabwami wauwaala ansi.
40Wamwaya mabaya aakwe oonse,
Wanyonyoona zitabilizyo zyakwe.
41Boonse bainda munzila balamusaala,
Waba cisabulo akati kabeenzinyina.
42Wasumpula ijanza lyalulyo lyabaabo bamulwisya,
Wabotezya boonse basinkondonyina.
43Wapilusya musule ipanga lyakwe,
Tomugwasizye munkondo pe.
44Walesya kumwesya kwakwe;
Cuuno cakwe waciwisizya ansi.
45Mazuba aabwanike bwakwe waafwinsya;
Wamusamika insoni.
Sela.
46O Jehova, ulaleka lili? Sa unooyubide lyoonse!
Sa bukali bwako bunoopya mbuli mulilo?
47 #
Job 7:7
Ibuluka ciindi cangu mbucafwimpa,
Abantu boonse mbowakababumba kuba cabuyo!
48 #
Heb 11:5
Sa kuli muntu uukonzya kukalilila akutabona lufu?
Sa kuli muntu uukonzya kulivuna kunguzu zyakabanda?
Sela.
49 #
2 Sam 7:15; Is 55:3 O Mwami, luli kuli luzyalo lwako lwaciindi,
Ndowakakonkezya kuli-Davida mukusyomeka kwako?
50O Mwami ingasila kusampaulwa kwabalanda bako, Ambundalemenwa mumoyo wangu intuko zyabamasi,
51Nzibakasampauzya basinkondonyoko, O Jehova,
Nzibakasampauzya intaamu zyamunanike wako.
52Alumbwe Jehova lyoonse!
Akube boobo! Akube boobo!
Currently Selected:
Intembauzyo 89: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
