Intembauzyo 88
88
Lwiimbo. Intembauzyo yabana ba-Kora. Kumupati wabasikwiimba; lwiimbwe mbuli lwiimbo lwa-Mahalata Leanotu. Lwiiyisyo lwa-Hamani mu-Ezara
1O Jehova, Leza walufutuko lwangu,
Isikati amasiku ndakwiila kubusyu bwako.
2Cikombyo cangu cisike kulinduwe;
Cenjeka kutwi kwako kukukwiila kwangu.
3Nkaambo moyo wangu ulizwide mapenzi;
Buumi bwangu buli afwaafwi kukabanda.
4Ndabalwa antoomwe abaabo baselukila mudindi;
Ndaba mbuli muntu uubula inguzu,
5Mbuli muntu uusowedwe akati kabafu,
Mbuli bajayidwe balede mukabanda,
Mbotaciyeeyi limbi,
Bakoswedwe kuzwa kujanza lyako.
6Wandibika mudindi lyabafwide,
Mumasena aansi aasia mbi.
7Bukali bwako bwandilemena;
Wandipenzya amayuwe aako, Sela.
8Beenzuma wabatola kulaale;
Wandicita cisesemyo kulimbabo;
Ndajalilwa, ndakacilwa kuzwa,
9Liso lyangu lyayuminina nkaambo kamapenzi;
Mazuba oonse ndakwiilila nduwe, O Jehova.
Ndatandabika maanza aangu kulinduwe,
10Sa ulacita maleele akati kabafu?
Sa basangu balabuka kuti bakutembaule?
Sela.
11Sa luzyalo lwako lulaambwa mukabanda?
Alusyomo lwako sa lulaambwa mukati kalunyonyooko?
12 #
Job 10:21; Int 31:12; Muk 8:10 Sa maleele aako alazibwa mumudima?
Abululami bwako munyika yakuluba?
13Pele mebo ndakwiilila nduwe, O Jehova;
Cifumo cikombyo cangu cilasika nkobede.
14Ino wandisowelanzi, O Jehova?
Ulasisilanzi busyu bwako kulindime?
15 #
Job 6:4; Is 53:8; Dan 9:26 Ndipengede, ndi silufu kuzwa kubwanike bwangu
Kukulemenwa ziyoosyo zyako ndawizuka.
16Bukali bwako bwandibbizya,
Ziyoosyo zyako zyandijaya.
17Buzuba boonse zindizyunguluka mbuli lwizi,
Zyandisinkila koonse koonse.
18 #
Job 19:13
Bayandwi bangu abazolwani bangu wabatola kulaale;
Beenzuma bali mumudima.
Currently Selected:
Intembauzyo 88: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
