Intembauzyo 84
84
Kumupati wabasikwiimba. Lwiimbo lwakulizya a-Gititi. Intembauzya yabana ba-Kora
1 #
Int 26:8; 27:4; Heb 9:23,24 Cikalilo cako cabota loko,
o Jehova wamakamu!
2Moyo wangu ulisukeme, ulayandisya kunjila mucikalilo ca-Jehova;
Moyo wangu amubili wangu, zyoonse zilasekelela Leza muumi.
3Kayuni kalijanina iŋanda,
Sikamembya wajana citeente cakuzyalila bana bakwe,
Nkokuti kuzipaililo zyako,
o Mwami wangu, O Leza wangu.
4Bali acoolwe bakala muŋanda yako,
Bakutembaula lyoonse. Sela.
5Bali acoolwe bajana inguzu mulinduwe,
Bajisi migwagwa ya-Zioni mumyoyo yabo.
6Nebainda mukuti lya-Misozi,
Balisandula kuba busena bwatusensa;
Imvula intaanzi ilalisakatizya maziba.
7 #
Dt 16:16
Balaya bujata inguzu cakwiinda,
Boonse balabulika kubusyu bwa-Leza mu-Zioni.
8O Jehova Leza wamakamu, swiilila cikombyo cangu;
Cenjeka kutwi kwako, O Leza wa-Jakobo.
Sela.
9 #
Matl 15:1
Bona, O Leza intobo yesu;
Langa busyu bwamunanike wako.
10Nkaambo buzuba bomwe buyo bwamucikalilo cako
Mbubotu kwiinda mazuba aali cuulu aakumbi.
Cilandibotela kuba mulindizi wamulyango muŋanda ya-Leza wangu,
Kwiinda kukala muzilao zyabasizibi.
11Nkaambo Jehova Leza ndizuba, nintobo;
Jehova nguupa luzyalo abulemu; Takabakasyi cintu cibotu
Beenda cakululama.
12O Jehova wamakamu,
Uli acoolwe muntu uusyoma nduwe.
Currently Selected:
Intembauzyo 84: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
