Intembauzyo 83
83
Lwimbo. Intembauzyo ya-Asafu
1O Leza, utaumuni buyo; Utatontoli tontolo, O Leza.
2 #
Int 2:1
Nkaambo basinkondonyoko balapyopyonganya,
Abaabo bakusulide basongomeka mitwe.
3 #
Int 27:5; Kol 3:3 Bavwiya bantu bako,
Balalayana kubisizya bayandika bako,
4 #
2 Sam 10:6; 2 Mak 20:1 Bati, Amuboole, tubalesye kuba cisi, Izina lya-Israyeli litayeeyegwi limbi.
5Balalayana camoyo omwe,
Batangana cizuminano kuti bakulwisye:
6Basizilao zya-Edomu aba-Ismayeli,
Ba-Moabu aba-Hagara,
7Ba-Gebali aba-Amoni aba-Amaleki,
Ba-Filisti abamu-Turo;
8Abalo ba-Asuri basangana abo,
Baba inguzu zyabana ba-Loti.
Sela.
9 #
My 31:7,8; Is 9:4; Bab 4:6-22; 7:1-23 Kobacitila mbubonya mbowakacitila ba-Midyani,
Ambowakacitila Sisera a-Jabini kumulonga wa-Kisoni,
10Ibakanyonyooka ku-Endori,
Bakaba mbuli bufumba bubikwa kumyuunda.
11 #
Bab 7:25; 8:12 Basilutwe babo babe mbuli Orebi a-Zcebi,
Abami babo boonse mbuli Zeba a-Zalimuna,
12Ibakaamba kuti, Atubavube,
Zikalilo zya-Leza zibe zyesu.
13O Leza wangu, ubacite mbuli lusuko lwakambizi,
Mbuli buungu bupupuluka kumuuwo.
14Mbuli mulilo uusyukutya cisaka,
Mbuli mabangabanga aatenta zilundu,
15Ubatande mbubonya obo aguwo lyako,
Akubayoosya akambizi kako.
16Lemya masyu aabo kunsoni,
Kuti bayandaule izina lyako, O Jehova.
17Bausigwe insoni akuzingwa lyoonse,
Bausigwe bweeme akunyonyooka.
18Bazibe kuti nduwe olike oojisi izina lya-Jehova,
Nduwe Mupatikampatila atala anyika yoonse.
Currently Selected:
Intembauzyo 83: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
