Intembauzyo 69
69
Kumupati wabasikwiimba. Lwiimbwe mbuli lwiimbo lwampana. Intembauzyo ya-Davida
1Undifutule, O Leza,
Nkaambo buumi bwangu bwazulilwa maanzi.
2Njabubbila mubutipa bulamfu, butakwe maimino;
Ndanjila mubbonze lyamaanzi, maanzi nkwaandibbizya,
3Ndawizuka mukukwiila kwangu; kameneno kangu kayuminina;
Meso aangu akataala kukulangila Leza wangu,
4 #
Int 35:19; Joh 15:25 Bandisulide nentakwe kaambo mbanji kwiinda masusu aakumutwe wangu;
Bayanda kundinyonyoona, basinkondoma buyo, mbasinguzu,
Ndapilusizya bantu ncindatakabanyanzya.
5Yebo, O Leza, ulizi bufubafuba bwangu;
Zibi zyangu taziyubi kulinduwe.
6Abo bakulangila batausigwi insoni nkaambo kangu,
O Mwami Jehova wamakamu;
Abo bakuyandaula batafwisigwi bweeme nkaambo kandime, O Leza wa-Israyeli.
7Ikuti nkenkakako nkensampaulilwa;
Buusu buli kubusyu bwangu.
8 #
Is 53:3; Joh 1:11 Ndaba mweenzu akati kabanama,
Muzwamasi akati kabana babama.
9 #
1 Bam 19:10; Int 119:139; Joh 2:17; Rom 15:3 Nkaambo busungu bwakuŋanda yako bwandilya;
Kusampaula kwabaabo ibakakusampaula kwawida ndime.
10Nindakapenzya moyo wangu kukuliimya zilyo,
Aya akaba aakundisampauzya.
11 #
1 Bam 9:7; Jer 24:9; Int 44:13,14 Nindakasama zyakusama zyamasaka,
Ndakaba cisabuzyo akati kabo,
12 #
Job 17:6; Malo 3:14 Abo bakala kumulyango wamunzi balandaamba;
Ndaba lwiimbo lwabakolwi.
13 #
Is 49:8; 2 Kor 6:2 Pele mebo ndakomba kulinduwe, O Jehova;
Kuciindi ncoyanda, O Leza, kukuvula kwaluzyalo lwako,
Undivwiile mukusyomeka kwalufutuko lwako.
14Undivune kubutope, ntabbili;
Mvunwe kulibaabo bandisulide akumaanzi malamfu,
15Lwizi lutandibbizyi,
Ibbonze litandimeneneni,
Idindi litandimumini mulomo,
16Undivwiile, O Jehova, nkaambo buuya bwako mbubotu;
Undifutatukile muluzyalo lwako lunji,
17Utasisi busyu bwako kumulanda wako;
Nkaambo ndi mumapenzi; fwambaana kundivuna.
18Swena kulindime kuzoofutula buumi bwangu;
Undinunune, nkaambo kabasinkondoma.
19 #
Int 22:6; Is 53:3; Heb 12:2 Webo ulizi kusampaulwa kwangu,
Ansoni zyangu abweeme bwangu;
Abaabo bandipenzya ulibabwene boonse.
20Kukusampaulwa moyo wangu walenda;
Ndawizauka loko.
Ndakalangila basikundifwida buuya, pele katakwe;
Abasikunduumbulizya, pele tabajaniki.
21 #
Mt 27:34; Mt 27:48; Mk 15:36; Lk 23:36; Joh 19:28-29 Bakandipa zilula, zibe zilyo zyangu,
Amunyota yangu bakandinywisya zipapa.
22 #
Rom 11:9-10; 2 Kor 3:14 Cilido cabo cibe kakole,
Azipaizyo zyabo zyakutontozya zibabede idiba.
23Meso aabo asie, kuti bataboni;
Zikungu zyabo zikankame lyoonse,
24Ubatilile bukali bwako;
Lunyemo lwako luyoosya lubeenzye.
25 #
Inc 1:20
Zilao zyabo zibe matongo;
Kutabi uukala mumalabba aabo.
26 #
Is 53:4
Nkaambo balapenzya oyo ngowakauma,
Ayooyo ngowakayasa balamuyungizizya macise.
27 #
Rom 9:31
Kobabikila milandu atala lyamilandu,
Batalulamikwi abuniini kulinduwe.
28 #
Kul 32:32; Lk 10:20; Flp 4:3; Heb 12:23; Ciy 3:5; 13:8; 17:8 Baziminganizigwe mubbuku lya buumi,
Batalembwi antoomwe abalulami.
29Pele mebo ndipengede, ndaciswa loko;
Lufutuko lwako lundisumpule, O Leza.
30Lino njootembaula izina lya-Leza alwiimbo,
Njoomulemeka cakulumba.
31Eci cilabotezya Jehova kwiinda musune,
Na mupoho uujisi meja ansumba.
32Bapengede babone, basekelele;
Nywebo nomuyandaula Leza, myoyo yanu ibukuluke.
33Nkaambo Jehova ulaswiilila bacete;
Tasampauli baange bakwe.
34Ijulu anyika zyoonse zimutembaule,
Lwizi azyoonse zili mumo.
35Nkaambo Leza ulafutula Zioni,
Ulayakulula minzi ya-Juda,
Lino bayookala mulinjiyo akwiivuba.
36Lunyungu lwabalanda bakwe luyooikona;
Abaabo bayandisya izina lyakwe bayookala nkukonya.
Currently Selected:
Intembauzyo 69: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
