Intembauzyo 68
68
Kumupati wabasikwiimba. Intembauzyo ya-Davida. Lwiimbo
1Abuke Leza; basinkondonyina bamwayisigwe,
Abaabo bamusulide bacije kubusyu bwakwe.
2Busi mbubutandwa kumuuwo, ubatande mbubonya:
Bunzuka mbubweenzunuka kumulilo,
Basizibi bamaninine mbubonya kubusyu bwa-Leza.
3Pele baluleme basekelele,
Bakondwe kubusyu bwa-Leza,
Babotelwe loko.
4Amwiimbile Leza akutembaula izina lyakwe;
Amubambe mugwagwa wayooyo uuinda katantide munkanda;
Izina lyakwe ngu-Jehova; amusekelele kubusyu bwakwe.
5Wisaabo bamucaala, uubeteka bamukabafu,
Mbwabede Leza mucikalilo cakwe cisalala.
6 #
1 Sam 2:5
Leza ulakazika bamundike mumaanda;
Ulaangununa baange, kuti babe acoolwe;
Pele bapapila balakala munkanda.
7 #
Hab 3:13
O Leza, kuciindi eco nowakazulwida bantu bako,
Nowakaandulula munkanda,
8 #
Kul 19:18
Nyika yakakankama,
Amajulu akalosya imvula kubusyu bwa-Leza,
Oyo Sinai wakakankama kubusyu bwa-Leza, Leza wa-Israyeli.
9Wakalobonozya imvula, O Leza,
Wakabukulusya nyika yako niyakakulumpene.
10 #
Int 74:19
Inkamu yako yakakala mulinjiyo;
Mububotu bwako wakabambila bapengede, O Leza.
11Mwami watuma inkombe;
Banakazi baikanana ninkamu impati.
12Basilutwe bampi bacija, bacija!
Banakazi bakumaanda balaabana zisaalo,
13 #
Int 81:6; Ef 5:26,27 Nekuba kuti basyaala akati kazimpati zyambelele.
Bali mbuli inziba iili amababa aavumbilidwe insiliva,
Amapepe aayo aali angolida iibalangala.
14Singuzuzyoonse naakamwaisya bami nkuko,
Kwakawa caandwa cituba buu ku-Zalimoni,
15Cilundu ca-Basana ncilundu ca-Leza;
Cilundu ca-Basana ncilundu cilamfu.
16Ino mwalangilanzi abbivwe, nozilundu zilamfu,
Kucilundu Leza ncaakasala kuti akale mulincico?
Ncobeni Jehova ulikede nkuko lyoonse.
17 #
Dt 33:2
Inkalaki zya-Leza zili zyuulu zili makumi obile,
Zili zyuulu azyuulu.
Mwami wakazwa azyo ku-Sinai, wanjila mubusena busalalisya.
18 #
Bab 5:12; Int 78:60; Inc 1:9; 2:4; Ef 4:8; 1 Tim 1:13 Webo waya kujulu, watola baange,
Watambula zipo kubantu,
Akulibasikupapila, kuti Leza Jehova akale abo,
19Alumbwe Mwami uutuyumwide mazuba oonse,
Leza walufutuko lwesu. Sela.
20 #
Dt 32:39
Leza watubeda Leza wabuvuni;
Mwami Jehova nguutuyokola kulufu.
21Ncobeni Leza ulatambya mutwe wabasinkondonyina,
Inkama yamasusu yayooyo uuceenda bubisya,
22Mwami wakati, Ndabapilusya kuzwa ku-Basana,
Ndabapilusya kuzwa mumaanzi malamfu aamulwizi,
23Kuti musanzye zituta zyanu mubulowa,
Kuti indimi zyababwa bako zijane caabilo kulibasinkondonyoko.
24Balikubwene, O Leza, mbonjila mucikombelo;
Balibwene mboenda, O Leza wangu, Mwami wangu.
25Basikwiimba balazulwida, basituntimbwa bali musule,
Alimwi akatikati mpobabede basimbi basinsaka.
26Amulumbe Leza mumbungano;
Amulumbe Mwami, noluzubo lwa-Israyeli.
27Nguulya Benjamini muniini uuzulwida;
Mbaabo basilutwe ba-Juda ankamu yabo;
Mbaabo basilutwe ba-Zebuloni abasilutwe ba-Nafitali.
28Tondezya inguzu zyako, O Leza.
Ulipe inguzu, O Leza, yebo nowakatucitila,
29 #
Is 60:16
Nkaambo kantempele yako yaku-Jerusalemu
Bami balakuletela zipo,
30Tapatila zinyama zikede kumatete,
Ankamu yaba poho aboombe babantu.
Kolyataula bayandisya mali;
Mwaya bantu bayanda inkondo,
31 #
Is 19:19; 45:14; Zef 3:10; Inc 8:27,28 Kuyoozwa batabilizi kuzwa ku-Egepita,
Nyika ya-Kusi iyootambika maanza kuli-Leza.
32Amwiimbile Leza, nozisi zya ansi,
Amwiimbile Mwami intembauzyo.
33Ngonguwe uuenda butantide mumayoba aaciindi,
Ulaamba ajwi lyakwe, ijwi lyanguzu,
34Amupe Leza inguzu;
Bulemu bwakwe bulaboneka ku-Israyeli,
Anguzu zyakwe zili kujulu.
35 #
Is 41:10; Zek 10:12; Joh 15:5; Ef 6:10; Flp 4:13 Leza ulayoosya kucikombelo cakwe,
Leza wa-Israyeli ulapa bantu bakwe inguzu abukozu.
Alumbwe Leza!
Currently Selected:
Intembauzyo 68: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
