Intembauzyo 40
40
Kumupati wabasikwiimba, Intembauzyo ya-Davida
1Kulindila ndakalindila Jehova,
Lino kacenjekede kutwi, waswiilila kukwiila kwangu.
2Wakandigwisya mudindi lyalunyonyooko,
Mumatope aabutinti,
Waimika maulu aangu agala,
Wandisimya kukweenda kwangu.
3Wabika lwiimbo lupya mumulomo wangu
Lwakutembauzya Leza wesu.
Lino banji balabona, balayoowa, Balasyoma Jehova.
4 #
Int 2:12
Uli acoolwe uusyoma Jehova,
Uutacebukili kulibasikamikami,
Baya butobela baleza bakubeja.
5 #
Is 55:8
Nzinji loko nzowakacita, O Jehova Leza wangu,
Nkokuti malele aako amakanze aako kulindiswe;
Taakwe uukonzya kukozyanizigwa ayebo.
Na njanda kuzikanana nanka kuzyaamba,
Nzinji loko, tazibaliki.
6 #
Heb 10:5-7; Hos 6:6; Mt 9:13 Zipaizyo azituuzyo, toziyandi pe,
Pele wandisinkwida matwi.
Zipaizyo azituuzyo, toziyandi,
7 #
Lk 24:44; Joh 5:39; Inc 10:43; Heb 10:7 Mpawo ndakati, Bona! Ndeza!
Mubbuku livungidwe mulilembedwe ndime, kuti,
8 #
Job 23:12; Jer 15:16; Joh 4:34; Rom 7:22 Ndakondwa kucita luyando lwako, O Leza wangu;
Mulao wako uli mumoyo wangu,
9 #
Int 139:2
Ndaluula makani mabotu aabululami mumbungano impati,
Teendakakasya milomo yangu kwaamba,
Mbuli mbozi, O Jehova.
10 #
Inc 20:20; Rom 1:16,17; Flp 3:9 Nsina kusisa bululami bwako mumoyo wangu;
Ndakaluula kusyomeka kwako alufutuko lwako,
Nsina kusisa luzyalo lwako alusinizyo lwako mumbungano impati.
11 #
Int 43:3
Lino webo, O Jehova, utandikasyi luzyalo lwako,
Buuya bwako alusinizyo lwako azindibambe lyoonse.
12 #
Int 38:4
Nkaambo zibi zitakonzya kubalwa zilindizyuungulukide,
Milandu yangu yandeenzya, lino ndakacilwa kubona,
Minji loko kwiinda masusu aakumutwe wangu;
Moyo wangu wawizuka.
13Zumina kundivuna, O Jehova;
Fwambaana kundigwasya, O Jehova.
14Bausigwe bweeme akuzingwa
Bayanda kundinyanzya buumi.
Bafutatulwe akufwisigwa bweeme
Basekelela kupenga kwangu.
15Bayoosegwe, cibe impindu yabweeme bwabo
Bandiwelela bati, Ehe! Ehe!
16Pele boonse bakuyandaula bakondwe akusekelela mulinduwe,
Boonse bayanda lufutuko lwako baambe lyoonse kuti,
Jehova alemekwe!
17 #
Neh 5:19; Joh 1:6 Mebo ndi mucete, ndipengede,
Pele Mwami ulandiyeeya.
Nduwe mugwasyi wangu, muvuni wangu,
Utamuki, O Leza wangu.
Currently Selected:
Intembauzyo 40: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.