Intembauzyo 39
39
Kumupati wabasikwiimba, Jedutuni. Intembauzyo ya-Davida
1 #
1 Bam 2:4; Tus 4:26,27; Heb 2:1; Kol 4:5 Ndakati, Ndame inzila zyangu,
Kuti ntabisyi amilomo yangu;
Nsinke mulomo wangu acisinsyo,
Basizibi nibacili kubusyu bwangu.
2Lino ndakaba cimuumu,
Koonse akububotu ndakaumuna buyo;
Pele aya akabusya buusu bwangu.
3 #
Jer 20:9
Moyo wangu wakapya mukaango kangu;
Nindakacili kuyeeya, mulilo wakayaka.
Lino ndakaamba alulimi lwangu, ndati,
4O Jehova, undizibye mamanino aabuumi bwangu,
Amweelwe wamazuba aangu mbuubede,
Nzibe na ndapona mazuba ongaye,
5 #
Int 90:4
Wacita mazuba aangu mbuli bwaamba bwajanza,
Myaka yangu njabuyo mumeso aako,
Ncobeni muntu woonse uuimvwi ngwabuyo.
Sela.
6Ncobeni bantu boonse baleendeenda mbuli bana bantuulu.
Ncobeni kupakasya kwabo nkwabuyo.
Balalundika imbono, pele tabezi na ngwani uuyoozitola.
7Lino Mwami, ncinzi ncencilangila?
Kusyoma kwangu kuli kulinduwe.
8Undivune kunsotoko zyangu zyoonse;
Utandibiki kuti mbe uusampaulwa kubafubafuba.
9Ndaba cimuumu, nsiasami amulomo wangu,
Nkaambo nduwe wakacicita.
10Undigwisizye iŋondo yako,
Nkaambo kuzyuumo zyajanza lyaka ndamaninina.
11Notapatila muntu akumuuma nkaambo kazibi zyakwe,
Ulamanya kubota kwakwe mbuli mapempya.
Ncobeni muntu woonse ngwabuyo.
12 #
Lev 25:23; 1 Mak 29:15 Swiilila cikombyo cangu, O Jehova,
Cenjeka kutwi kukukwiila kwangu;
Utaumuni buyo nowabona misozi yangu:
Nkaambo ndi mweenzu wako buyo,
Ndi simutuntuli, mbubonya mbubakabede bamatata boonse.
13 #
Job 10:20,21 Undigwisizye minkusa yako, kuti mbotelwe,
Nentana kwiinkila limwi.
Currently Selected:
Intembauzyo 39: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.