Intembauzyo 144
144
Intembauzyo ya-Davida
1 #
2 Sam 22:35
Alumbwe Jehova indomba yangu.
Ngonguwe uuiyisya maanza aangu inkondo
Aminwe yangu lumamba.
2Ndoluzyalo lwangu, mampangala aangu,
Macijilo aangu, muvuni wangu;
Nintobo yangu, ngonsyoma,
Uubombya bantu bangu mumaanza aangu,
3 #
Job 7:17-18; Int 8:4; Heb 2:6 O Jehova, ninzi muntu nomuyeeya,
Amwana amuntu nomubamba?
4Muntu uli mbuli muuya uuyooyegwa,
Mazuba aakwe ali mbuli cinzinzimwa ciindilila.
5 #
Is 64:1
O Jehova, obola majulu aako, useluke;
Ampa zilundu, zisuke busi.
6Mwesya malabo, ubamwaisye;
Fusa mivwi yako, ubapilinganye.
7 #
Int 69:1; Mal 2:11 Tambika ijanza lyako kuzwa kujulu;
Undifutule, undivune kumaanzi manji,
Kumaanza aabazwakule;
8Bali amilomo iiwamba cabuyo;
Ijanza lyabo lyalulyo ndijanza lyabubeji.
9 #
Int 33:2
O Leza, njookwiimbila lwiimbo lupya,
Njookutembaula akankobela kali aminjeya iili ikumi,
10Oopa bami lufutuko,
Oovuna Davida mulanda wako kupanga lyabubi.
11Undifutule, undivune kumaanza aabazwakule,
Bali amilomo iiwamba cabuyo,
Ajanza lyabo lyalulyo ndijanza lyabubeji,
12Bana besu balombe babe mbuli misamu iikula kubucece,
Abana besu basimbi mbuli mabwe mabeze aamuzyooko zyaŋanda yabwami.
13Matala esu azule zilyo zyamisyobo misyobo,
Imbelele zyesu zizyale zyuulu amakumi aazyuulu mumeembelelo esu.
14 #
Lev 26:17
Basune besu balemenwe imbono;
Kutabi uunjila canguzu mulinga, kutabi uuinka kulumamba;
Kutabi kweema mumigwagwa yesu.
15 #
Dt 33:29
Bali acoolwe bantu bali obo!
Bali acoolwe bantu bajisi Jehova kuba Leza wabo!
Currently Selected:
Intembauzyo 144: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
