Intembauzyo 143
143
Intembauzyo ya-Davida
1Swiilila cikombyo cangu, O Jehova.
Cenjeka kutwi kwako kunkumbizyo zyangu,
Kondivuwa mukusyomeka kwako amubululami bwako.
2 #
Job 14:3; 4:17; Muk 7:20; Rom 3:20; Gal 2:16 Utabeteki mulanda wako,
Nkaambo mumeso aako taakwe muntu naba omwe uululeme.
3 #
Int 7:1-2
Nkaambo sinkondoma wandivwima;
Walyataula buumi bwangu ansi;
Wandikalika mumudima mbuli bafu baciindi.
4 #
Int 61:2
Muuya wangu wawizuka;
Moyo wangu wayoowa mukaango kangu,
5 #
Int 77:5,11 Ndayeeya mazuba aakale,
Ndaibaluka milimo yako yoonse,
Ndatweluka nzyaakacita maanza aako.
6 #
Int 28:2
Ndasumpula maanza aangu kulinduwe;
Moyo wangu ulisukeme mbuli nyika yacimpayuma. Sela,
7Fwambaana kundivuwa, O Jehova!
Moyo wangu wawizuka!
Utandisisili busyu bwako,
Kuti ntabi mbuli abo baselemukila mukabanda,
8Mvwe luzyalo lwako cifumo,
Nkaambo ndisyoma nduwe.
Undizibye inzila njinjeelede kweenda,
Nkaambo kulinduwe nkombikide moyo wangu.
9Undivune kulibasinkondoma, O Jehova,
Nkaambo mulinduwe monjubila.
10 #
Int 25:4; Joh 14:26; Rom 5:5; Ef 4:30; Gal 5:22-23 Undiiyisye kucita luyando lwako,
Nkaambo nduwe Leza wangu.
Muuya wako mubotu undeenzye munzila iiluleme.
11Undibusye, O Jehova, nkaambo kazina lyako;
Mubululami bwako gwisya buumi bwangu mumapenzi.
12Muluzyalo lwako lobya basinkondoma;
Nyonyoona boonse bandipenzya,
Nkaambo ndi mulanda wako.
Currently Selected:
Intembauzyo 143: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
