Tusimpi 18
18
1Uulipambukanya ulayandaula zisusi zyakwe mwini,
Ulasowa kubeteka koonse kubotu.
2Mufubafuba tabotelwi kumvwisya,
Ulayanda kuyubununa miyeeyo yamoyo wakwe buyo,
3Na kwasika bubi, kasampusampu akalo kalasika;
Inzila zyuusya insoni zilaleta kusampaula.
4 #
Int 78:2
Majwi aamulomo wamuntu maanzi malamfu;
Kasensa kabusongo nkalonga katuntumuna meenda.
5 #
Lev 19:15; Dt 1:17; Job 13:7,8; Tus 24:23 Tacili cibotu kulanga ciimo camuntu sizibi,
Nanka kukakila muntu uululeme kubetekwa kabotu,
6Milomo yamufubafuba ilaleta inkondo;
Mulomo wakwe ulaita mibunda.
7Mulomo wamufubafuba ndunyonyooko lwakwe;
Milomo yakwe mwini ilamuca.
8Majwi aasikuvwiya ali mbuli cilyo cinono,
Alanjila mukati loko.
9Muntu mutolo mumilimo yakwe
Ngumweenzinyina sikunyonyoona.
10 #
2 Sam 22:3,51; Int 18:2 Izina lya-Jehova ningazi injumu;
Mululami ulacijila kulinjiyo, aboobo ulafutuka,
11Imbono zyamuntu muvubi ngumunzi wakwe muyumu;
Zili mbuli bulambo bulamfu bwakumuvuna,
12Lunyonyooko ka luta na kusika, moyo wamuntu ulalisumpula;
Pele kulibombya kulazulwida bulemu.
13Na muntu wavuwa katana kumvwa,
Mbufubafuba bwakwe ansoni.
14Moyo wamuntu ulayumuna bulwazi,
Pele moyo uutyokede, ngwani uukonzya kuuyumuna?
15 #
Ef 1:17
Moyo uucenjede ulalijanina luzibo,
Akutwi kwamusongo kulayandaula luzibo,
16 #
Matl 39:2-6; 41:14,38-44; Dan 1:17-20; 6:3 Cipo camuntu cilamujanina busena,
Cilamusisya kubusyu bwabantu balemu,
17Uutaanguna kwaamba uliluleme,
Mane mweenzinyina asike akumulingula.
18Makakata alalesya kukazyanya,
Alaandaanya basinguzu,
19Uugwasigwa munyina uli mbuli munzi muyumu,
Pele kukazyanya kuli mbuli impanda zyangazi,
20Kumicelo yamulomo wakwe muntu ulakuta;
Iizwa kumilomo yakwe ilamukutya.
21 #
Mt 12:37
Lufu abuumi, zyoonse zili mujanza lyalulimi;
Kufumbwa baluyanda balalya micelo yalo,
22Kufumbwa uujana mwanakazi wajana cintu cibotu,
Ulajana coolwe kuli-Jehova.
23 #
Matl 42:13-16; Jak 2:3 Batengwana balaamba cakukumbila,
Pele bavubi balavuwa cabukali,
24 #
Joh 15:14,15 Nkobali bazwalani basikuupaupa ameso,
Pele kuli muzwalani umwi walusinizyo kwiinda munyoko.
Currently Selected:
Tusimpi 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.