Marko 16
16
Jesu mbwaakabuka
(Matayo 28:1-15; Luka 24:1-12; Johane 20:1-18)
1 #
Mt 28:1-8; Lk 24:1-12; Joh 20:1-10 Bumane buyo buzuba bwa-Sabata, ba-Mariya mu-Magadala a-Mariya banyina Jakobo a-Salome bakaula misamu yakunanika. 2Lino baka fuma loko kuya kucuumbwe mubuzuba bwakutaanguna ilimana Sabata, ciindi ncilyakapasula izuba. 3Nkabela bakali kuya bubuzyanya kuti, Ino nguni uti katukunkulusizye ibbwe ilili amulyango wacuumbwe? 4Elyo balange buyo bakabona kuti ibbwe elyo lilikunkulusidwe kale. Nkaambo lyakali ipati loko. 5Lino nibakanjila mucuumbwe bajana mukubusi uusamide zituba, ulikede kululyo, elyo bakayoowesya. 6Mpoonya awo wakabaambila kuti, Mutayoowi, ngu-Jesu muna-Nazareta, oyo iwakabambulwa aciingano, ngumuyandaula. Ulibukide, Tamo omuno pe, kamulanga mpaawa mpobakamubikide. 7#Mt 26:32; Mk 14:28Pele kamuya, mukalwiide basikwiiya bakwe a-Petro kuti walibeelezya kuya ku-Galilaya, nkukonya nkumuyoomubonena, mbuli mbwaakamwaambilide. 8Bazwe buyo mucuumbwe, bakacijana, nkaambo bakaliyoowede cakuzyangama. Nkabela teebakaambila muntu naba omwe, ikuti bakali kuyoowa.
Jesu mbwaakaboneka kubasikwiiya bakwe
9 #
Lk 8:2; Joh 20:11-18 Lino naakabuka cifumofumo kubuzuba butaanzi ilimana Sabata, wakataanguna kupompa kuli-Mariya mu-Magadala, nguwenya ngwaakatandila badaimona bali musanu ababili. 10Walo wakaakwaambila baabo bakali a-Jesu ibakali kuungumana akulila. 11Pele balo, bamvwe buyo kuti muumi akuti wakabonwa kulinguwe, bakakazya. 12#Lk 24:13-35Alimwi wakadunuka aciwa cimbi kubantu bobile bankamu yabo ibakali kuya bweendeenda kuya kuminzi. 13Abalo abo bakaakulwiida banamunji, pele alimwi bakakazya buyo.
14 #
Lk 24:36-49; Joh 20:19-23 Munsi alimwi wakapompa kulibaabo bali ikumi aumwi nibakali kulya. Elyo wakabatapatila nkaambo kakutasyoma akabuyumu bwamyoyo yabo, nkaambo teebakali kubazumina abo ibakamubona naakabuka. 15#Inc 1:8; Mt 28:18-20Lino wakabaambila kuti, Kamuya munyika yoonse, mukakambaukile bantu boonse Makani Mabotu. 16#Inc 2:38Oyo uuti kasyome akubapatizigwa uyoofutuka, pele oyo uutazumini uyoozulwa. 17#Inc 16:18; 2:4,11; 10:46Nkabela kulibaabo basyoma ayoocitwa malele aya. Bayootanda badaimona muzina lyangu, bayooamba myaambo mipya, 18#Lk 10:19; Inc 28:3-6; Jak 5:14,15bayoojata inzoka, alimwi nibayoonywa cijaya cili buti, tacikooyoobakola pe, nkabela nibayoobika maanza aabo abalwazi, bayoopona.
19 #
Inc 1:9-11; Lk 24:50-53; 1 Tim 3:16; Int 110:1; Inc 7:55; 2 Bam 2:11 Lino Mwami Jesu, amane buyo kubaambila boobo, wakatambulwa kujulu, waakukala kujanza lyalulyo lwa-Leza. 20#Heb 2:4Mpoonya awo bakaya bukambauka koonse koonse, alakwe Mwami mwini wakali kubeleka abo akukondezya makani kumalele ngobakali kucita. Ameni.
Currently Selected:
Marko 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.