Luka 1
1
1Banjibanji mbobakasoleka kulungulula makani aya aakacitwa cakasimpe akati kesu, 2#Joh 15:27mbubonya mbobakatwaambila ngao, abakali kwaabona ameso kuzwa kumatalikilo, abakali basimilimo bamakani, 3#Inc 1:1mbwendazibisya oonse kuzwa kumazwido, ambebo ndati, ncibotu kuti ndikulembele, Teofile omulemu, 4kuti uzibe kusinizya kwamakani ayo ngookaiisigwa.
Kwaambwa kuzyalwa kwa-Johane
5 #
1 Mak 24:10
Kumazuba aa-Heroda, mwami waku-Judaya, kwakali mupaizi uwakali kutegwa Zakariya, wamubulizi bwa-Abiya, wakalijisi mukaintu wakubana ba-Aroni, izina lyakwe wali Elizabeta. 6Boonse bobile bakaliluleme kumeso aa-Leza, bakali kweenda mumilazyo emilao yoonse ya-Jehova, tabakwe nobakajisi kaambo. 7Pele tabakali kujisi mwana nkaambo Elizabeta takali kuzyala, alimwi boonse bobile bakalicembeede.
8Elyo mbwaakali kumana mulimo wabupaizi kumbele lya-Leza, kubulizi bwakwe, 9#Kul 30:7mbubonya mbuli ciyanza cabupaizi, ngonguwe uwakasalwa kunjila muntempele ya-Jehova kuumpa tununkilizyo twakupaizya. 10Abantu boonse bali kukombela anze kuciindi cakuumpa tununkilizyo. 11Mpoonya awo kwakalibonya kulinguwe angelo wa-Jehova uliimvwi kululyo lwacitulilo catununkilizyo. 12Naakamubona wakatumpuka Zakariya, wayoowa. 13Nkabela angelo wakati kulinguwe, Utayoowi, Zakariya, ukukomba kwako kwamvwigwa, mukaintu wako Elizabeta uzookuzyalila mwana mulombe, ngozooulika zina lya-Johane. 14Yebo uzooba akukondwa akusekelela, alimwi banjibanji bayoobotelwa kukuzyalwa kwakwe. 15#My 6:3; Bab 13:4,5; 1 Sam 1:11Unoozooli mupati mumeso aa-Jehova, takoozoonywa waini niiba mbote, unoozoozywide Muuya Uusalala kuzwa kukuzyalwa kwakwe. 16Abanjibanji kubana baIsrayeli uyoobasandwida kuli-Jehova, Leza wabo. 17#Mal 3:1; 4:5-6; Mt 17:11-13Uyooenda kumbele lyakwe amuuya enguzu zya-Eliya, kuti aboozye myoyo yamawisi kubana, abaabo abatamvwi kuluzibo lwabaluleme, akabambile Jehova bantu balulamikidwe. 18#Matl 18:11Zakariya wati kuli-angelo, Iniinga aya ndilaaziba buti? Nendacembaala kale mebo, amukaintu wangu ujisi myaaka minjiminji.
19 #
Dan 8:16; 9:21; Heb 1:14 Angelo wamuvuwa kuti, Ndime Gabriyeli uuima kubusyu bwa-Leza, ndatumwa kuti ndyaambe kulinduwe, ndikuletele aya makani mabotu. 20#Lk 1:45Langa, ulaba cimuumu yebo, tokoonookonzya kwaambaula mane do kubuzuba mbwaayoocitwa makani aya, nkaambo tosyomede majwi aangu, aayooba kuciindi cao. 21Abantu bakali kumulindilila Zakariya, bakagambwa kuti wamuka kuzwa muntempele. 22Naakazwa mumo wakakakilwa kwaambaula abalo, nkabela bakaziba kuti wabona cilengaano muntempele, uya butondaika kulimbabo, ngu cimuumu. 23Elyo nocakamana ciindi camilimo yakwe, wakainka kuŋanda yakwe. 24Munsi lyamazuba ayo Elizabeta, mukaintu wakwe, wakamita, walivundika myeezi yosanwe wati, 25#Matl 30:23Jehova wandicita bobuya mumazuba ngaandilanga kundigwisya masampu akati kabantu.
Kwaambwa kuzyalwa kwa-Jesu
26Kumweezi wamusanu muumwi Leza wakatuma angelo Gabriyeli kuya kumunzi waku-Galilaya, uutegwa Nazareta, 27#Mt 1:16,18; Lk 2:5kumusimbi uwakatangidwe kumwaalumi uwali kutegwa Josefa, weŋanda ya-Davida, izina lyamusimbi wakali Maliya. 28#Bab 5:24Angelo wakamunjilila wati, Wabonwa oopedwe luzyalo, Jehova uli ayebo. 29Pele walo wakatumpuka kapati kumajwi aakwe wayeeya kuti, Nkwaanzyanzi oku? 30Angelo wakamwaambila kuti, Utayoowi, Maliya, wajana luzyalo kuli-Leza, 31#Mt 1:21-23; Bab 13:3; Is 7:14Langa, ulamita, uzootumbuka mwana mulombe, ngozooulika zina lya-Jesu. 32#2 Sam 7:12,13,16; Is 9:7Unoozooli mupati, uzootegwa Mwana a-Sijulu lyamajulu, Jehova Leza uzoomupa cuuno cabwami cawisi Davida, 33#Mik 4:7; Dan 7:14uyooendelezya ŋanda ya-Jakobo mane kukabe kutamani, ubwami bwakwe tabukooyoomana. 34Maliya wakati kuli-angelo, Ino oku kuzooba buti neentazi amwaalumi pe? 35#Kul 13:12; Mt 1:18,20Angelo wakamuvuwa kuti, Muuya Uusalala uzooza alinduwe, enguzu zya-Sijulu lyamajulu zikuvunikile, ayooyo Uusalala uti tumbukwe uzooambwa kuti Mwana a-Leza, 36Alimwi langa, Elizabeta musazinyoko, ulimisi mwana mulombe mubucembele bwakwe, umweezi uno ngwasanu muumwi kulinguwe uwakali kutegwa tazyali. 37#Matl 18:14Nkaambo taakwe ijwi ilizwa kuli-Leza ilibula nguzu. 38Maliya wakateeti, Ndi muzike wa-Jehova mebo, akube kulindime mbubonya mbuli kwaamba kwako. Nkabela angelo wakainka.
Maliya mbwaakaswaya Elizabeta, enyimbo zyabo
39Mumazuba ayo wakabweza Maliya, wafwambaana wainka kumalundu kumunzi waku-Juda, 40wakanjila muŋanda ya-Zakariya, waanzya Elizabeta, 41#Lk 1:15; Matl 25:22Mpoonya awo Elizabeta amvwe buyo kwaanzya kwa-Mariya, mwana wasamba mwida lyakwe, alimwi Elizabeta wakazula Muuya Uusalala, 42#Dt 28:9; Bab 5:24woompolola ejwi ipati wati, Uli acoolwe yebo akati kabakaintu, awalo mwana uuli mwida lyako uli acoolwe. 43Ino caba buti kulindime kuti banyina Mwami wangu baboole kulindime? 44Nkaambo ijwi lyakwaanzya kwako licimvwigwa buyo mumatwi aangu, mwana wasamba mwida lyangu akubotelwa. 45#Lk 1:20; 11:28Alimwi uli acoolwe walo uwakasyoma, nkaambo kuyoocitwa ukwakaambwa Jehova kulinguwe. 46#1 Sam 2:1-10Nkabela Maliya wakateeti,
Moyo wangu ulamulemya Jehova,
47Amuuya wangu ulabotelwa kuli-Leza, Mufutuli wangu,
48 #
1 Sam 1:11; Lk 1:25; Int 113:5,6; Lk 11:27 Nkaambo wayeeya bucete bwamuzike wakwe.
Kuzwida sunu mazyalani oonse anoondyaamba kuti nacoolwe.
49 #
Int 111:9
Nkaambo Singuzu wandicitila zintu zipati,
Lilasalala zina lyakwe.
50 #
Int 103:13,17 Uluzyalo lwakwe luli kumazyalani amazyalani,
Kulibaabo abamuyoowa.
51 #
Int 89:10; 2 Sam 22:28 Wacita milimo yenguzu ejanza lyakwe.
Wabamwaya abalisumpula mukuyeeya kwamyoyo yabo.
52 #
Job 5:11; 12:19; Int 147:6; 1 Sam 2:7 Wagwisya bami azyuuno zyabo,
Wabasumpula balyeetezya,
53 #
1 Sam 2:5; Int 34:10; 107:9 Basinzala wabakusya zilweela,
Abavubi wabatanda buyo.
54 #
Is 41:8; Int 98:3 Wagwasya muzike wakwe Israyeli,
Kuti ayeeye luzyalo
55 #
Matl 17:7; 18:18; 22:17; Mik 7:20 Kuli-Abrahamu akubazukulu bakwe mane kukabe kutamani,
(Mbubonya mbuli kwaamba kwakwe kumatateesu),
56Maliya wakaakukala kulinguwe afwaafwi emyeezi yotatwe, nkokuya abweede kuŋanda yakwe.
Kuzyalwa kwa-Johane, alwiimbo lwa-Zakariya
57Eno nkabela ciindi ca-Elizabeta cakutumbuka cakasika, watumbuka mwana mulombe. 58Balo mbobakayakide abo abasazinyina bacimvwa kuti Jehova wakamucitila luzyalo lupati, bakasekelela anguwe. 59#Lev 12:3; Matl 17:12Elyo mubuzuba bwasanu mwaatatu bakasika kumupalula mwana, bati kamuulike zina lyawisi, ilyakuti Zakariya. 60#Lk 1:13Pele banyina bakakaka bati, Pe, ulategwa ngu-Johane. 61Bakati kulinguwe, Taakwe musazinyoko uwakaulikidwe zina elyo. 62Nkabela bakatondaika kuliwisi, na uyanda kuti aulikwe lyakutinzi. 63Walo wakakumbila cakulembela, walemba kuti, Izina lyakwe ngu-Johane. Bakaankamana boonse. 64Ndilyonya wakalakamuka mulomo wakwe, waanguluka mulaka wakwe, waambaula walumba Leza. 65Boonse mbobakayakide abo bakayoowa, amakani aya akaya mpuwo mucisi coonse camalundu a-Judaya. 66Boonse abakaamvwa bakaayobola mumyoyo yabo bati, Iniinga uyooba mwana uuli buti oyu? Nkaambo ijanza lya-Jehova lyakali kulinguwe. 67Zakariya wisi wakazula Muuya Uusalala, wakasinsima, wateeti,
68 #
Lk 7:16; Int 41:13; 72:18 Akulumbwe Jehova, Leza wa-Israyeli,
Nkaambo wayeeya bantu bakwe, wabanununa.
69 #
1 Sam 2:10; Int 18:2; 132:17 Watubusizya Mufutuli Singuzu
Muŋanda ya-Davida muzike wakwe,
70(Mbubonya mbwaakaamba kumilomo yabasinsimi bakwe abasalala, kuzwa kumatalikilo)
71 #
Int 106:10
Kutuvuna kulibasinkondoma, akumaanza aabaabo boonse abatusulide.
72 #
Int 105:8; 106:45; Matl 17:7; Lev 26:42 Kucita luzyalo akati kamatateesu,
Akuyeeya mulongo wakwe uusalala,
73 #
Matl 22:16,17; Mik 7:20 Icikonke ncaakakonka kuli-Abrahamu taateesu
74 #
Tit 2:12,14 Kutupa kuti, mbotwaangululwa kumaanza aabasinkondoma,
75Tumukombe cakutayoowa mukusalala amubululami
Kumbele lyakwe mazuba esu oonse.
76 #
Mal 3:1; Mt 3:3 Ayebo, omwana, uyootegwa musinsimi wa-Sijulu lyamajulu,
Nkaambo uyooenda kumbele lya-Mwami kululamika nzila zyakwe,
77 #
Jer 31:34
Kuzibya bantu bakwe lufutuko mukujatilwa kwazibi zyabo.
78 #
My 24:17; Is 60:1,2; Mal 4:2 Nkaambo kamoyo waluzyalo wa-Leza wesu,
Kulindulo bwatuyeeya bucedo bwakujulu,
79 #
Is 9:2; 58:8; Mt 4:16 Bukamunikile abakede mumudima amucimvule calufu,
Bukeenzye matende esu munzila yaluumuno.
80 #
Mt 3:1
Wakakomena mwana, waba anguzu kumuuya, wakalikede musokwe mane do kubuzuba mbwaakayubululwa kuli-Israyeli.
Currently Selected:
Luka 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.