Matayo 5
5
Jesu mbwaakakambauka atala acilundu
(Luka 6:20-49)
1 #
Lk 6:20-49
Lino naakabona makamu makamu aabantu wakatanta acilundu. Akale buyo, basikwiiya bakwe bakaswena kulinguwe, 2elyo wakabbanuna mulomo wakwe, wakabaiisya kuti,
3 #
Is 57:15
Bali acoolwe bacete mumuuya, nkaambo Bwami bwakujulu mbubwabo.
4 #
Is 61:2; Int 126:5; Ciy 7:17 Bali acoolwe abo balila, nkaambo bazooumuzigwa.
5 #
Int 37:11
Bali acoolwe abo balibombya, nkaambo bazoovuba nyika.
6 #
Is 55:1-2
Bali acoolwe abo bafwa inzala yabululami anyota yambubo, nkaambo bazookuta.
7 #
Jak 2:13
Bali acoolwe beetelezi, nkaambo mbabonya bazooetelelwa,
8 #
Int 24:3-4; 51:10; 73:1; 1 Joh 3:2,3 Bali acoolwe abo basalala mumyoyo, nkaambo bazoobona Leza.
9 #
Heb 12:4
Bali acoolwe basikutontozya, nkaambo bazootegwa bana ba-Leza.
10 #
1 Pet 3:14
Bali acoolwe abo bapenzegwa nkaambo kabululami, nkaambo Bwami bwakujulu mbubwabo.
11 #
1 Pet 4:14
Inywe muli acoolwe nibazoomutukila akumupenzya akumutamikizya zintu zibi zyoonse zyakubeja nkaambo kandime. 12#2 Mak 36:16; Inc 7:52; Jak 5:10; Heb 11:33-38Amukondwe akusekelela, nkaambo bulumbu bwanu bwakujulu mbupati, nkaambo mbubonya obo mbubakapenzya basinsimi ibakali kunembo lyanu.
13 #
Lk 14:34-35
Ndinywe munyo wanyika, pele munyo kuti wasampuka, ulungwe buti? tuucikwe milimo pele kusowegwa buyo akulyataulwa abantu. 14#Joh 8:12; 9:5Ndinywe mumuni wanyika. Munzi uuyakidwe atala acilundu tuukonzyi kusiswa. 15#Mk 4:21; Lk 8:16; 11:33Alimwi bantu nibamunika ilampi tabalibiki munsi lyalusuwo, pe, balalibika acibikilo kuti limunikile boonse bali muŋanda, 16#1 Pet 2:12; Ef 5:8,9Mbubonya obo mumuni wanu umunike kunembo lyabantu, kuti babone milimo yanu mibotu, balemeke Usowanu uuli kujulu.
Ziyanza zyakalekale aziyanza zipya
17 #
Mt 3:15; Rom 3:31; 10:4 Mutayeeyi kuti ndeza kuzoojaya Mulao nibaba basinsimi. Teensi kujaya nkunzidide pe, ndizide kukulondola. 18#Lk 16:17; 21:33Nkaambo ndamwaambila cakusinizya kuti, Ijulu anyika zyoonse zilakonzya kumana, pele tacikonzeki kuti kamane kabala nikaba komwe nikaba kazila komwe kamu-Mulao mane lumwi zintu zyoonse zikacitwe. 19#Jak 2:10; 1 Kor 15:9Nkaambo kaako umwi aumwi uusotoka nikaba komwe kaniini akati kamilazyo eyi, alimwi ulaiisya bantu mbubonya obo, oyo uzootegwa muniini mu-Bwami bwakujulu, pele umwi aumwi uuilomya, alimwi ulaiisya, oyo uzootegwa mupati mu-Bwami bwakujulu. 20Nkaambo ndamwaambila kuti, Bululami bwanu kuti kabutaindi bululami bwabalembi abwaba-Farisi, tamukanjili mu-Bwami bwakujulu.
21 #
Kul 20:13; 21:12; Lev 24:17; Dt 5:17; 17:8 Mwamvwa bantu bakalekale mbubakaambilwa kuti, Utajayi, umwi aumwi uujaya uleelede kubetekwa. 22#1 Joh 3:15Pele mebo ndamwaambila kuti, Umwi aumwi uukalalila munyina uleelede kubetekwa. Alimwi umwi aumwi uusampaula munyina uleelede lubeta lupati. Pele umwi aumwi uutukila uleelede mulilo wa-Gehena, 23#Mk 11:25Nkaambo kaako kuti koli mukutuula cipo cako acipaililo, nkabela awo waibulukwa kuti munyoko ulijisi kaambo kulinduwe, 24usie cipo cako nkukonya oko kunembo lyacipaililo, uye, ukasaangune kuyanzana amunyoko, elyo musule uboole kuzootuula cipo cako. 25Fwambaana kuzuminana asinkondonyoko nocili awe munzila, kuti sinkondonyoko atakutoli kumubetesi, alakwe mubetesi atakutoli kumupolisa, utakabikwi muntolongo. 26Ncobeni ndamwaambila kuti tokoozoozwa omo mane ukaliye kakobili nikaba kasyaalizi.
27 #
Kul 20:14; Dt 5:18 Mwakamvwa mbukwakaambwa kuti, Utaciti bumambi. 28#Job 31:1; 2 Pet 2:14Pele mebo ndamwaambila kuti umwi aumwi uulangilila mwanakazi cakumusukama ulimucitide kale bumambi mumoyo wakwe. 29#Mt 18:8,9; Mk 9:42,47; Kol 3:5Nkabela kuti liso lyako lyalulyo lyakulebya, uligwisye, ulisowe, nkaambo kulakubotela kuti ufwidwe cipanzi comwe kwiinda kusowelwa mu-Gehena mubili wako woonse. 30#Mt 18:8; Mk 9:43Alimwi kuti ijanza lyako lyalulyo lyakulebya, ulikosole, ulisowe, nkaambo kulakubotela kuti ufwidwe cipanzi comwe kwiinda kusowelwa mu-Gehena mubili wako woonse. 31#Dt 24:1-4; Mt 19:7; Mk 10:4Alimwi kwakaambwa kuti, Umwi aumwi uuleka mukaakwe amupe lugwalo lwacilekanino. 32#Mt 19:9; Mk 10:11-12; Lk 16:18; 1 Kor 7:10-11Pele mebo ndamwaambila kuti, umwi aumwi uuleka mukaakwe, nkutaamba kuti nkaambo kakuvuula kuli umbi, wamucitya bumambi. Nkabela umwi aumwi uukwata oyo mwanakazi uulekedwe wamucitya bumambi.
33 #
Lev 19:12; My 30:2; Dt 23:21; Kul 20:7 Mwakamvwa bantu bakalekale mbubakaambilwa kuti, Utakonki cakubeja, ucitile Jehova mbubonya obo mbuwakakonkezya. 34#Jak 5:12; Is 66:1; Mt 23:16-22; Inc 7:49Mebo ndamwaambila kuti, Utakonki pe, nikuba buniini, nikuba kujulu, nkaambo ncicuuno cabwami bwa-Leza, 35#Is 66:1; Int 48:2nikuba kunyika, nkaambo ncicuuno camaulu aakwe, nikuba ku-Jerusalemu, nkaambo ngumunzi wamwami mupati. 36Alimwi utakonki kumutwe wako, nkaambo tokonzyi kusandula kasusu nikaba komwe kuti katube na kasie. 37#2 Kor 1:17; Jak 5:12Kwaamba kwanu akube, Ii, ii, na Pe, pe, nkaambo zyoonse ziyungizigwa zilazwa kumubi.
38 #
Kul 21:24; Lev 24:20; Dt 19:21 Mwakamvwa mbukwakaambwa kuti, Liso kuliso, lino kulino. 39#Lk 6:27-36#Joh 18:22,23; Lev 19:18Mebo ndamwaambila kuti, Utamutonteeki muntu mubi, pele muntu umwi aumwi uukuuma isaya lyalulyo, umusandwide limwi alyalo. 40#1 Kor 6:7Alimwi muntu uuli buti uuyanda kukubika kaambo akunyanzya cikobela cako, mulekele acalo cibaki cako. 41Alimwi muntu uukusungilizya kuyumuna musinzo omwe, musindikile misinzo yobile. 42Umwi aumwi uukumbila kwako umupe, nkabela umwi aumwi uuyanda kukolota kwako utamufutatili pe.
43 #
Lev 19:18
Mwakamvwa mbukwakaambwa kuti, Yanda mweenzinyoko, pele sinkondonyoko umusule, 44#Kul 23:4,5; Rom 12:14,20; Lk 23:34; Inc 7:59Mebo ndamwaambila kuti, Amuyande basinkondonyoko, amubakombele bamupenzya, 45#Ef 5:1kuti mube bana bakwe Usowanu uuli kujulu, nkaambo ulapasuzya izuba lyakwe kubabi akubabotu, ulawisizya boonse imvula yakwe, baluleme abataluleme. 46Kuti kamuyanda abo bamuyanda, ino mbulumbunzi mbumujisi? Sa abalo basimutelo tabaciti mbubonya obo? 47Alimwi kuti kamujuzya banyokwanu balike, mwiinda buti? Sa abalo bamasi tabaciti obo? 48#Lev 19:2; Dt 18:13Nkaambo kaako amulondoke mbuli Usowanu uuli kujulu mbwalondokede.
Currently Selected:
Matayo 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.