Matayo 20
20
Cikozyano cabasimilimo
1 #
Mt 21:33
Nkaambo Bwami bwakujulu bulikozyene amuntu mwiniŋanda iwakazwa cifumofumo kuyoonjizya basimilimo mumuunda wakwe. 2Lino wakazuminana abasimilimo kuti bavoole isheleni lyomwe abuzuba, elyo wakabatuma mumuunda wakwe. 3Nkabela wakazwa acikasaalizi, wakabona bamwi baliimvwi buyo mucisambalilo. 4Mpawo wakabaambila kuti, Kamunjila mumuunda anywebo, ndamuvozya mbumweelede. Lino bakaya. 5Alimwi wakazwa isikati, wakacita obo, akuciindi nilyaungaunga. 6Alimwi kumazuba wakazwa, wajana bamwi baliimvwi buyo, wabaambila wati, Ino nkaambonzi muliimvwi buyo ano buzuba boonse? 7Bamwaambila bati, Nkaambo kakuti taakwe muntu iwakatunjizya mumilimo. Wabaambila wati, Kamunjila mumuunda anywebo. 8#Lev 19:13; Dt 24:15Lino nilyakaba igoko mwinimuunda wakaambila mubanzi wakwe wati, Ita basimilimo, ubape bulumbu bwabo, utaangune kubasyaalizi, umanine kubataanzi. 9Mpawo abo ibakasika kumazuba bakaboola, batambula umwi aumwi isheleni. 10Nkabela bataanzi nibakaboola, bakali kuyeeya kuti, Tulatambula kwiinda. Nekubaboobo abalo bakatambula umwi aumwi isheleni. 11Lino nibakalitambula bakatongaukila mwiniŋanda, 12bati, Aba basyaalizi babeleka kaindi kaniini buyo, nekubaboobo wabapa mbubonya mbuwatupa aswebo, nitwalemenwa ciminya cabuzuba boonse akubalwa izuba. 13Lino wakavuwa, waambila umwi akati kabo kuti, Mweenzuma, nsikubisisizye pe. Sa teetwazuminana ayebo kusheleni? 14Bweza lyako, uinke! Oyu musyaalizi alakwe ndayanda kumupa mbubonya mbundapa nduwe. 15#Rom 9:16,21; Mt 6:23Sa takululeme kuti mbelesye zintu zyangu mbuli mbunjanda? Sa wandifwida mulibu nkaambo ndi mwaabi? 16#Mt 19:30; Mk 10:31; Lk 13:30Mbubonya obo nkubali bamusule bazooba bataanzi, alimwi nkubali bataanzi bazooba bamusule.
Jesu mbwaakasinsima lufu lwakwe
(Marko 10:32-34; Luka 18:31-33)
17 #
Mk 10:32-34; Lk 18:31-33 Nkabela Jesu naakali kuya ku-Jerusalemu, wakatola basikwiiya bali ikumi ababili kumbali, lino wakabaambila munzila wati, 18#Mt 16:21; 17:22,23Amulange! tulaya ku-Jerusalemu, nkabela Mwana a-Muntu uyooabwa kubapaizi bapati abalembi. Lino bayoomupa mulandu kuti ajayigwe, 19nkabela bayoomwaabila bamasi kuti bamunonge akumukwipaula akumubambula aciingano, lino mubuzuba bwatatu uyoobuka.
Ncibakakumbila banyina Johane
(Marko 10:35-45)
20 #
Mk 10:35-45
#
Mt 10:2
Mpawo kwakamusikila banyina bana ba-Zebedayo abana bakwe, baza bumukomba akukumbila cintu kulinguwe. 21#Mt 19:28Lino wakabaambila wati, Ino ncinzi ncomuyanda? Balo bakamwaambila bati, Lailila kuti bana bangu aba bobile bakale, umwi kululyo lwako, umwi kucimwensi cako, mu-Bwami bwako. 22#Mt 26:39; Joh 18:11; Lk 12:50Nkabela Jesu wakavuwa, waamba wati, Tamuzi ncimukumbila. Sa mulakonzya kunywida mukanywido munti nywide ime? Bamwaambila bati, Tulakonzya. 23Wabaambila wati, Mulanywida mukanywido kangu ncobeni, pele kukala kululyo lwangu akucimwensi cangu, teensi ndime uukonzya kupa pe, nkukwabo abo bakabambilwa kwa-Taata. 24#Lk 22:24-26Lino bali ikumi nibakamvwa, bakakalalila abo babunyina bobile. 25#Lk 22:25-26Nkabela Jesu wakabaita, waamba wati, Mulizi kuti baami babamasi babacitila kami-kami, abalo bapati babo babeendelezya, 26#Mt 23:11; Mk 9:35; Lk 22:26Pele kulindinywe takuli boobo pe. Umwi aumwi uuyanda kuba mupati akati kanu uzooba mulanda wanu, 27alimwi umwi aumwi uuyanda kuba mutaanzi akati kanu uzooba muzike wanu. 28#Lk 22:27; Flp 2:7; 1 Tim 2:6Nkaambo mbubonya obo Mwana a-Muntu tazide kuti abelekelwe, wakeza kuti abeleke, alimwi akwaaba buumi bwakwe, bube cinunuzyo cabanji.
Boofu mbubakabononona ku-Jeriko
(Marko 10:46-52; Luka 18:35-43)
29 #
Mk 10:46-52; Lk 18:35-43 Lino nibakali kuzwa ku-Jeriko, kwakamutobela bantu banji loko. 30#Mt 15:22Nkabela kakuli boofu bobile ibakakede kumbali anzila. Bamvwe kuti Jesu uli mukwiinda, bakoongolola bati, Mwami, mwana a-Davida, tufwide luzyalo. 31Lino makamu akabatapatila kuti baumune. Nekubaboobo bakaindizya kuongolola kuti, Mwami, mwana a-Davida, tufwide luzyalo. 32Mpawo Jesu wakaima, wabaita, waamba wati, Ino ncinzi ncimuyanda kuti mucitile? 33Bamwaambila bati, Mwami, tulayanda kuti meso esu abononone. 34Lino Jesu wakabafwida luzyalo, waampa meso aabo. Nkabela ndilyonya bakabononona, elyo bakamutobela.
Currently Selected:
Matayo 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.