Joshua 22
22
Bana ba-Rubeni aba-Godi acisela camukowa wa-Manase mbubakabweeda mutala lya-Jordano
1Elyo Joshua wakaita ba-Rubeni aba-Gadi acisela camukowa waManase, 2#My 32:20-32; Jos 1:12-15,16,17; Dt 3:18wakabaambila kuti, Mwabamba zintu zyoonse Musa mulanda wa-Jehova nzyaakamulailila, ambebo mwandiswiilila mumajwi oonse ngendamulailila, 3Teemwasia bakwanu pe, mazuba aya oonse manji mane kusikila kubuzuba obuno. Mwabamba kabotu mulazyo wa-Jehova Leza wanu. 4#My 32:33; Dt 29:8; Jos 13:8Lino sunu Jehova Leza wanu wabakazika kabotu bakwanu, mbubonya mbwaakabasyomezya. Nkaambo kako amubweede, muye kumaanda aanu mucisi calukono lwanu ncimwakapegwa a-Musa mulanda wa-Jehova mutala lya-Jordano. 5#Dt 6:6,17; 11:22; 2 Bam 10:31; Int 119:4; Mt 22:36; Rom 13:10; 1 Tim 1:5; Dt 10:12; Jos 23:11; Lk 11:42; Joh 15:9,10; 1 Joh 5:3; 2 Joh 1:6; Jud 1:21Pele amubike myoyo yanu kukubamba imbeta akucita mulao Musa mulanda wa-Jehova nzyaakamulailila. Amuyandisye Jehova Leza wanu, amweende munzila zyakwe, amubambe imbeta zyakwe, amukakatile kulinguwe, akumumanina milimo camoyo woonse acamiyeeyo yoonse. 6#Matl 47:7; Kul 39:43; Jos 14:13; 2 Sam 6:18; Lk 24:50Mpawo Joshua wakabalongezya akubatuma kuti bainke kumaanda aabo.
7 #
Jos 17:5
Lino cisela cimwi camukowa wabana ba-Manase, Musa wakabapede kale caabilo mucisi ca-Basana, acimwi cisela Joshua wakacipa caabilo akati kabakwabo mutala lya-Jordano kumbo, Nkabela Joshua wakabatuma kumaanda aabo akubalongezya. 8#My 31:27; 1 Sam 30:14Wakabaambila kuti, Kamuya kumaanda aanu alubono lunji aŋombe zinji ansiliva angolida amundalila abutale azyakusama zinji. Amwaabane abakwanu zisaalo zyabasinkondonyoko.
Cipaililo ncibakayaka ba-Rubeni aba-Gadi aba-Manase
9 #
My 32:26,29 Lino bana ba-Rubeni abana ba-Gadi acisela camukowa wa-Manase bakapambukana abana ba-Israyeli baku-Silo mucisi ca-Kanana, bakainka kuya kucisi ca-Gileadi, kucisi calukono lwabo ncibakaabilwa mbwaakalailila Jehova kumulomo wa-Musa. 10Nkabela nibakasika kunyika yamucisi caKanana iibambene a-Jordano, bana ba-Rubeni abana ba-Gadi acisela camukowa wa-Manase bakayaka cipaililo nkukonya ku-Jordano, Kacili cipaililo cipati kukulanga. 11#Lev 17:8; Dt 13:12; Bab 20:12Elyo bana ba-Israyeli bakamvwa kuti bana ba-Rubeni abana ba-Gadi abacisela camukowa wa-Manase bayaka cipaililo kunembo lya nyika ya-Kanana, mucisi cibambene a-Jordano kubbazu lyabo bana ba-Israyeli. 12#Bab 20:1Nkabela bana ba-Israyeli nibakamvwa obo, imbungano yoonse yabana ba-Israyeli yakayoboloka ku-Silo kuyoobalwisya.
13 #
Dt 13:14; Bab 20:12; Kul 6:25; My 25:7 Lino bana ba-Israyeli bakatumina bana ba-Rubeni abana ba-Gadi acisela camukowa wa-Manase, mucisi ca-Gileadi, Pinehasi mwana waEleazara mupaizi, 14#My 1:4abasilutwe bali ikumi, silutwe umwi umwi kuzwa kumikowa yoonse ya-Israyeli. Umwi aumwi kali silutwe waciinga cawisi akati kaziinga zyoonse zya-Israyeli. 15Nkabela nibakasika kubana baRubeni akubana ba-Gadi akucisela camukowa waba-Manase, mucisi caGileadi, bakabaambila kuti, 16#Dt 12:13-14; Lev 17:8,9; 1 Sam 15:23Mbuboobu mbwiiamba imbungano yoonse ya-Jehova, Ino ncinzi eci ncimwabisizya Leza wa-Israyeli? Mwalekelanzi buzuba obuno kutobela inzila ya-Jehova, nimwaliyakila cipaililo cakusampaula Jehova? 17#My 25:1-9; Dt 4:3Sa watuceela mulandu waku-Peori, ngututana kusalazigwa kulinguwo asunu, nekuba kuti imbungano ya-Jehova yakaumwa mafwabi. 18#Matl 18:23,25; My 16:22; Jos 7:11,12; 2 Sam 1:17; 1 Mak 21:1,14Inywe sunu mwaleya kuzwa kunzila ya-Jehova. Lino mbumwasampaula Jehova buzuba obuno, junza uyoonyemena imbungano yoonse buyo ya-Israyeli. 19#Lev 17:8,9; Jos 18:1Pele kuti nyika niimupedwe ilisofweede, amuzubuke munyika njavubide Jehova, molikede itente lya-Jehova, kuti mwaabilwe nyika akati kandiswe. Mutasampauli Jehova, alimwi mutatusampauli iswe, cakuliyakila cipaililo cimbi citali cipaililo ca-Jehova Leza wesu. 20#Jos 7:1-26; 1 Mak 2:6,7Sa Akani mwana wa-Zera teewakabisya kumakani aazintu zitondwa na? Sa teewakaletela imbungano yoonse ya-Israyeli bukali na? Kali muntu omwe buyo, pele teewakanyonyooka alike mukubisya kwakwe pe.
21 #
Tus 15:1; 18:3 Mpawo bana ba-Rubeni abana ba-Gadi acisela camukowa wa-Manase bakavwiila basilutwe baziinga zyaba-Israyeli kuti, 22#Kul 15:11; Dt 10:17; Int 82:1; Dan 2:47; Ciy 19:16; 1 Bam 8:39; Job 10:7; Int 44:21; Jer 12:3; Joh 2:25; 21:17; 2 Kor 11:11,31; Heb 4:13; Ciy 2:23Mwami Leza Jehova, Mwami Leza Jehova, ulizi, abalo ba-Israyeli bayooziba mbubonya, kuti teensi kusampaula na kubisizya Jehova (na mbuboobo, mutatufwidi insoni pe) 23#Dt 18:19; 1 Sam 20:16; Int 7:3,5; 10:13,14nkutuyakila cipaililo. Teensi kuleka kutobela Jehova nanka kutuula alincico zituuzyo azipaizyo azipo zyakutontozya nkutuyakila pe. Na mbuboobo, Jehova mwini atupe mulandu. 24Ncobeni twacicita nkaambo kakuti muyeeyo oyu watukataazya. Twakati, Mumazuba aali kunembo bana banu bayooambila bana besu kuti, Mujisi makaninzi nywebo a-Jehova Leza waIsrayeli? 25Jehova wakabika Jordano, ube mugaano akati kesu, iswe anywebo, nubana ba-Rubeni abana ba-Gadi. Tamujisi caabilo muli-Jehova pe. Aboobo bana banu bayoolesya bana besu kulemeka Jehova. 26Nciceeco ncitwakaambila kuti, Atucite obo, tuyake cipaililo, teensi kwaamba kuti cipaililo cakupaizya na cakutuuzya pe, 27#Matl 31:48; Jos 24:27; 1 Sam 7:12; Dt 12:5-27pele cikabe citondezyo kulindiswe akulindinywe akubana besu toonse baciza musule lyesu, cakutondezya kuti tuyoomanina Jehova milimo akumuletela zipaizyo azituuzyo azipo zyakutontozya. Aboobo mumazuba aaciza bana banu tabakooyookonzya kwaambila bana besu kuti, Inywe tamujisi caabilo muli-Jehova, 28Nkaambo kako twakati, Nibayootwaambila obo, iswe abana besu baciza, tuyooamba kuti, Amubone cipaililo eci ca-Jehova mbuciyakidwe. Ncencico bamatateesu ncibakayaka. Teecayakilwa zipaizyo naa zituuzyo pe, cakayakilwa bukamboni kulindiswe akulindinywe. 29#Dt 12:13,14Ncitutondedwe kusampaula Jehova, na kuleka sunu kutobela inzila ya-Jehova, na kuyaka cipaililo acimbi cazituuzyo acazipo acazipaizyo citali eco cipaililo ca-Jehova Leza wesu cili kunembo lyatente lyakwe.
30Mpawo Pinehasi mupaizi abapati bambungano abasilutwe baziinga zyaba-Israyeli mbaakali abo, nibakamvwa majwi ngibakaamba bana baRubeni abana ba-Gadi abana ba-Manase, makani akababotela. 31#Kul 25:8; 29:45; Lev 26:11,12; 2 Mak 15:2; Zek 8:23; 1 Kor 14:25; Ciy 21:3Nkabela Pinehasi mwana wa-Elezara wakaambila bana ba-Rubeni abana ba-Gadi abana ba-Manase kuti, Buzuba obuno twaziba kuti Jehova mpali akati kesu, mbumutana kubisizya Jehova obo. Lino mwavuna bana ba-Israyeli kubukali bwa-Jehova. 32Elyo Pinehasi mwana wa-Eleazara mupaizi abapati mbaakali abo bakapiluka kuzwa kubana ba-Rubeni abana ba-Gadi, kuzwa kucisi ca-Gileadi, kuya kucisi ca-Kanana kubana ba-Israyeli, akubaboozezya makani. 33#1 Mak 29:30; Neh 8:6; Dan 2:19; Lk 2:28Lino makani akababotela bana ba-Israyeli, nkabela bana baIsrayeli bakalumbaizya Leza, bakaleka kwaamba kuyoobalwisya akunyonyoona nyika eyo bana ba-Rubeni abana ba-Gadi mobakakede. 34#Jos 24:27Nkabela bana ba-Rubeni abana ba-Gadi bakaulika cipaililo kuti mbukamboni, nkaambo bakati, Mbukamboni kulindiswe akulindinywe kuti Jehova nguLeza.
Currently Selected:
Joshua 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
