Joshua 20
20
Minzi yakucijila
1 #
My 35:6-32; Dt 4:41-43; 19:1-13 Lino Jehova wakaambila Joshua kuti, 2#Kul 21:13; My 35:6-14; Dt 4:41-43; 19:2,9; Rom 8:1,33,34; Heb 6:18,19Ambila bana ba-Israyeli kuti, Amubike minzi yakucijila njindakamwaambila kumulomo wa Musa. 3Ibe yakulobokela kuliyooyo uujaya muntu anunzuunzu acakutaziba. Iyoomubeda cicijilo kulisikutema mulandu wabulowa. 4#Dt 21:19; Rut 4:1,2; Job 5:4; Jer 38:7Oyo sikujaya muntu akacijile kuluumwi waminzi eyi, akaimikile kumulyango wamunzi, aambe makani aakwe mumatwi aabapati bamunzi. Elyo bayoomutambula mulimbabo mumunzi akumupa busena kuti akale akati kabo. 5#My 35:12Lino sikutema mulandu wabulowa, amutobela, tabakooyooaba sikujaya mumaanza aakwe, nkaambo wakajaya mweenzinyina cakutaziba buyo, takamusulide kale pe. 6#My 35:12,25Nkabela uyookala mumonya mumunzi mane akaime kubusyu bwambungano kuti abetekwe, mane kusikila kulufu lwamupaizi mupati wakuciindi eco, elyo sikujaya nayoobweeda kumunzi wakwe akuŋanda yakwe, kumunzi oyo nkwaakazwa naakacija.
7 #
Jos 21:32; 1 Mak 6:76; Matl 33:18,19; Jos 21:21; 2 Mak 10:1; Jos 14:15; 21:11,13; Lk 1:39 Lino bakasala Kedesi mu-Galilaya muzilundulundu zya-Nafitali, a-Sekemu muzilundu zya-Efraimu, a-Kiriyati-ariba (ngonguwo Hebroni) muzilundu zya-Juda. 8#Dt 4:43; Jos 21:36,38; 1 Mak 6:78; 1 Bam 22:3; Jos 21:27Alimwi mutala lya-Jordano kujwe lya-Jeriko bakasala Bezeri munkanda yakumabanda, munzi wamukowa wa-Rubeni, aRamoti-Gileadi wamukowa wa-Gadi, a-Golani wamu-Basana wamukowa wa-Manase. 9#My 35:15Njeeyi minzi njibakasalila bana boonse ba-Israyeli abeenzu ibakala-kala akati kabo, kuti kufumbwa muntu uujaya mweenzinyina anunzuunzu acijile nkuko, atajayigwi kumaanza aasikutema mulandu wabulowa mane akataangune kubetekwa kubusyu bwambungano.
Currently Selected:
Joshua 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
