Isaya 25

Leza ulatembaulwa nkaambo kalufutuko lwakwe

1 # Kul 15:2; My 23:19 O Jehova, nduwe Leza wangu. Njookutembaula, njoolemeka izina lyako, nkaambo wacita milimo iigambya, makani aakakanzwa kalekale cakusyomeka acalusinizyo. 2#Jer 51:37Nkaambo wakamwaya munzi kuti ube citantaala, amunzi uuli alubaya kuti ube matongo, Iŋanda yabwami bwabazwakule wainyonyoona, aboobo tuucili munzi, tuukooyooyakululwa limbi. 3#Ciy 11:13Nkaambo kamakani aya bantu bayumu bayookulemeka, awalo munzi wamisyobo iiyoosya uyookuyoowa. 4#Int 46:1-11; Nah 1:7Nkaambo waba macijilo aabacete, macijilo aamutengwana mumapenzi aakwe, Kulinduwe nkokuyubwa ciindi camvula, kulinduwe nkokuyusilwa izuba nilibala. Nkaambo muuya wabantu bakwe bayoosya uli mbuli iguwo liungisya kubulambo. 5Mbuli inkasaalo mubusena buyumu, ulabombya lupyopyongano lwabazwakule. Mbuli izuba mbulibombesegwa kucenzule cajoba, ulabombya mbubonya ciyabilo cabantu bayoosya. 6#Tus 9:2; Mt 22:4; Dan 7:14; Mt 8:11Lino Jehova wamakamu uyoocitila bantu boonse mucilundu ecino ipobwe lyazintu zyamafuta, ipobwe lyawaini uulwela, zintu zyamafuta zibotu, waini uulwela uusefedwe kabotu. 7#2 Kor 3:15; Ef 1:17Alimwi mucilundu ecino uyoomenenena civunisyo civunikidwe kumisyobo yoonse acivumbyo civumbide zisi zyoonse. 8#Is 26:19; Hos 13:14; 2 Kor 5:4; Heb 2:14; Matl 49:18; Tit 2:13; 1 Kor 15:54; Ciy 7:17; 21:4Lufu walumenenena mane kukabe kutamani. Mwami Jehova uyoosindula misozi kumasyu oonse, akwalo kusampaulwa kwabantu bakwe uyookumanisya, nkaambo mbubeobo Jehova mbwaamba.

9Lino mubuzuba obo kuyooambwa kuti, Amubone! Ngooyu Leza wesu, Twali kumulindila kuti atufutule, Ngooyu Jehova. Twali kumulindila. Atukondwe akusekelela mulufutuko lwakwe. 10#Is 15:1–16:14; Jer 48:1-47; Ezk 25:8-11; Am 2:1-3; Zef 2:8-11Nkaambo ijanza lya-Jehova liyoolazikwa acilundu ecino, elyo cisi ca-Moabu ciyoolyataulwa mbubonya mbuli bwizu mbubulyataulwa mukati kamaanzi aacitantala. 11#Job 40:11,12; Is 2:10-12,15-17Elyo uyootandabika maanza aakwe mukati kaco mbubonya mbuli sikuyamba mbwatandabika maanza aakwe mukuyamba, nkabela uyoofwiinsya kulikankaizya kwakwe alweeno lwamaanza aakwe. 12#Is 26:5Ncobeni malambo aako malamfu aalompolokede uyooafwiinsya, uyooabombya, uyooaboozya ansi akati kalusuko.

Currently Selected:

Isaya 25: Ibbaib63

Highlight

Copy