Ezekieli 5
5
Citondezyo cakugela masusu
1 #
Lev 21:5; Is 7:20; Ezk 44:20 Lino uwe, O mwana amuntu, bweza ipanga libosya, ukalibelesye mbuli imbeli yasikunyoola, ukaliyunde mumutwe akucilezu, Wamana obo, bweza zyeelesyo, ukapime bulemu, ukapambule zipanzipanzi. 2#Ezk 4:1Cipanzi cimwi catatu uleelede kucitenta mumulilo mukati kamunzi, mazuba aakusinkinizya naazoozulila. Acipanzi cimwi catatu, uleelede kucibweza akucuumya ipanga cakuzyunguluka munzi. Acimwi catatu cisyeede uleelede kucipupulula amuuwo, nkabela njoosomona ipanga kusule lyaco. 3#Jer 40:6Alimwi uleelede kubweza tususu tuce akutwaanga mumoombe wacikobela cako. 4#Jer 41:1,2Alimwi tumwi akati kantuto, uleelede kutubweza akutusowela mumulilo, ukatutente mumulilo; kuzwa nkuko kuyoozwa mulilo kuluzubo loonse lwaIsrayeli,
Mbwaakasinsima lunyonyooko lwa-Jerusalemu
5Mbuboobu mbwaamba Mwami Jehova, Ngooyu Jerusalemu. Ndaubika akati kabamasi, azisi nkuzili zyeengelede. 6#Rom 1:25; Jud 1:4Pele wapapila imbeta zyangu, wacita bubi kwiinda bamasi, amilazyo yangu wait yola kwiinda nyika zyuuengelede. Imbeta zyangu bazisampaula, amilazyo yangu tabeendi mulinjiyo pe. 7#Jer 2:10; Ezk 11:12Nkaambo kako mbuboobu mbwaamba Mwami Jehova. Mbuli mbumwalipilinganya kwiinda bamasi bamweengelede, alimwi tamweendi mumbeta zyangu nikuba kucita milazyo yangu, alimwi tamuciti mbuli imbeta zyabamasi bamweengelede, 8nkaambo kako mbuboobu mbwaamba Mwami Jehova. Bona! Mebo ndakulwisya! Njoocita imbeta mukati kako kumeso aabamasi. 9#Malo 4:6; Dan 9:12; Am 3:2; Mt 24:21Njoocita akati kako cintu cigambya, ncintanacitide abuniini ancintakooyoocita limbi, nkaambo kazisesemyo zyako. 10#Dt 28:53; Jer 19:9; Malo 2:20; 4:10; Lev 26:33; Ezk 12:14Nkaambo kayaaya, bamawisi bayoolya bana babo mukati kako, abalo bana bayoolya bamawisaabo, Njoomubeteka, abaabo basyeede mukati kako njoebamwaisya kumabazu oonse. 11#2 Mak 36:14; Ezk 7:20; 11:21Mbubonya mbundi muumi, mbwaamba Mwami Jehova, mbumwasofwaazya cikombelo cangu azintu zyanu zivundusya azisesemya, ncobeni njoomukosola. Meso aangu taakooyoomufwida luse, nsikooyoomufwida luzyalo pe. 12#Jer 15:2; 9:16; Ezk 6:8,12; 12:14Cipanzi canu cimwi catatu ciyoojazigwa malwazi akumanisigwa apamba mukati kanu, acipanzi cimwi catatu ciyoojazigwa ipanga muzisi zimweengelede, acimwi catatu cisyeede njoocimwaisya kumabazu oonse akusomona ipanga kusule lyaco.
13 #
Malo 4:11; Dan 9:2; Dt 32:36; Is 1:24 Mbuboobu bukali bwangu mbubuyoozuzikizigwa. Njookazika lunyemo lwangu alimbabo, aboobo moyo wangu uyooatulukwa, nkabela bayooziba kuti ndime Jehova nendakaamba mubusungu bwangu, ninzoomana kubatilila bukali bwangu. 14#Lev 26:31; Neh 2:17Njookubika kuti ube matongo acisampauzyo akati kabamasi bakweengelede, amumeso aaboonse bainda. 15#Dt 28:37; Int 79:4; Jer 24:9; Malo 2:15; 1 Kor 10:11; Ezk 25:17Uyooba cisampauzyo acitukizyo, cicenjezyo aciyoosyo, kulibamasi bakuzyungulukide, ninzookubeteka cabukali buyoosya acakukoma loko, (Ndime Jehova nendaamba), 16#Dt 32:23,24; Ezk 14:21aninzoobatumina mivwi yangu mibi yapamba, mivwi yalunyonyooko, njinzootuma kukumunyonyoona, aninzooyungizizya pamba akumanisya malilu aanu oonse. 17#Lev 26:22; Ezk 38:22; Ciy 6:8Njoomutumina pamba abanyama babi, kuti bamujayile; aalo malwazi abulowa, zyoonse ziyooinda akati kanu, alimwi njoomuletela ipanga lyakumulwisya. Ndime Jehova nendaamba.
Currently Selected:
Ezekieli 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
