Ezekieli 48
48
Amwi makani aalwaabano lwali yika
1 #
My 34:7-9; Ezk 47:15 Ngaaya mazina aamisyobo. Kumagolelo aakunyika, kuzwa ku-Lwizi akwiinda ku-Hatiloni kusikila kumanjililo aa-Hamati akusikila ku-Hazari-enoni (uuli kumugaano wakunyika wa-Damasko, uulangene a-Hamati), koonse koonse kujwe akumbo ba-Dani bayoopegwa caabilo comwe. 2Lino kumbali kubambene amugaano wa-Dani, kuzwa kujwe kusikila kumbo, ba-Aseri bayoopegwa caabilo comwe. 3Akumbali kubambene amugaano wa-Aseri, kuzwa kujwe kusikila kumbo, ba-Nafitali bayoopegwa caabilo comwe. 4Akumbali kubambene amugaano wa-Nafitali, kuzwa kujwe kusikila kumbo, ba-Manase bayoopegwa caabilo comwe. 5Akumbali kubambene amugaano wa-Manase, kuzwa kujwe kusikila kumbo, ba-Efraimu bayoopegwa caabilo comwe. 6Akumbali kubambene amugaano wa-Efraimu, kuzwa kujwe kusikila kumbo, ba-Rubeni bayoopegwa caabilo comwe. 7Akumbali kubambene amugaano wa-Rubeni, kuzwa kujwe kusikila kumbo, ba-Juda bayoopegwa caabilo comwe.
8 #
Ezk 45:1
Akumbali kubambene acaabilo ca-Juda, kuzwa kujwe kusikila kumbo, nkokuyooba caabilo cisalala ncemuyoopa Leza; bwaamba bwaco buyooba tukokola tuli zyuulu zili makumi obile amusanu; abulamfu bwaco buyooba mbubonya mbuli zyaabilo zimwi, kuzwa kujwe kusikila kumbo. Abusena busalalisya buyooba mukati kaco, 9Mweenya uusalala ngumupaizya Jehova uyooba abulamfu bwatukokola tuli zyuulu zili makumi obile amusanu abwaamba bwatukokola tuli zyuulu zili makumi obile. 10Alimwi mweenya uusalala uleelede kwaabwa obo, Bapaizi bayoopegwa caabilo cijisi bulamfu bwatukokola tuli zyuulu zili makumi obile amusanu kulubazu lwakunyika, abwaamba bwatukokola tuli zyuulu zili ikumi kulubazu lwakumbo, abwaamba bwatukokola tuli zyuulu zili ikumi kulubazu lwakujwe, abulamfu bwatukokola tuli zyuulu zili makumi obile amusanu kulubazu lwakumusanza, Acikombelo ca-Jehova ciyooba akati kaco. 11#2 Mak 29:4,5; Neh 9:34; Jer 23:11; Ezk 22:26; 44:10; Zef 3:4; Mal 2:7,8Eci ciyooba cabapaizi basalala, bana ba-Zadoki, ibakabamba imbeta zyangu kuciindi eco bana ba-Israyeli nebakaleya, abalo ba-Levi nebakaleya. 12Ciyoobabeda caabilo mukati kacaabilo cisalalisya canyika cibambene amugaano waba-Levi, 13Lino kuntu kubambene amugaano wabapaizi, ba-Levi bayoopegwa caabilo; bulamfu bwaco buyooba tukokola tuli zyuulu zili makumi obile amusanu, abwaamba bwaco buyooba tukokola tuli zyuulu zili ikumi. Aboobo bulamfu boonse buyooba zyuulu zili makumi obile amusanu, abwaamba buyooba zyuulu zili makumi obile. 14#Kul 22:29; Lev 27:10Tabeelede kuulisya nekuba kucincana cipanzi neciba ciniini mukati kaco; tabeelede kuswekelwa nyika niiba imwi mulincico, nkaambo cilasalala mumeso aa-Jehova,
15 #
Dt 20:5; Ezk 42:20; 44:23; 45:6 Lino nyika iicisyeede, iili abwaamba bwatukokola tuli zyuulu zyosanwe abulamfu bwatukokola tuli makumi obile amusanu, iyooba yabantu buyo. Iyooba yamunzi, ube azikalilo amyuunda. 16Njeeyi myeelwe yayo. Lubazu lwakunyika luyooba tukokola tuli zyuulu zyone amyaanda yosanwe, lubazu lwakumusanza luyooba tukokola tuli zyuulu zyone amyaanda yosanwe, lubazu lwakujwe luyooba tukokola tuli zyuulu zyone amyaanda yosanwe, alubazu lwakumbo luyooba tukokola tuli zyuulu zyone amyaanda yosanwe. 17Alimwi munzi uyoozyungulukwa lubuwa: kulubazu lwakunyika tukokola tuli myanda yobile amakumi osanwe, kumusanza tukokola tuli myanda yobile amakumi osanwe, kujwe tukokola tuli myanda yobile amakumi osanwe, akumbo tukokola tuli myanda yobile amakumi osanwe. 18Abulamfu busyeede kumbali lyamweenya uusalala buyooba tukokola tuli zyuulu zili ikumi kujwe atukokola tuli zyuulu zili ikumi kumbo. Eyi nyika iyooba kumbali lyamweenya uusalala, nkabela micelo yayo iyooba zilyo zyabasimilimo bamumunzi, 19#Ciy 7:5Basimilimo bamumunzi bamisyobo yoonse yaba-Israyeli mbobeelede kwiilima. 20#My 24:5; Is 33:20; Ciy 21:16Nkabela caabilo coonse ncimusalazya, nkokuti mweenya uusalala anyika yamunzi yoonse, ciyooba azyooko zyone zyeelene; bulamfu bwaco buyooba tukokola tuli zyuulu zili makumi obile amusanu, abwaamba bwaco buyooba tukokola tuli zyuulu zili makumi obile amusanu.
21 #
Jos 18:1; Is 2:2; 11:10; Hos 1:11; Hag 2:7,9; Mt 11:28; 13:16,17; Joh 12:32; Rom 15:9,12; Ciy 2:1; 21:3 Lino nyika iisyeede, kumabazu oonse obile aacaabilo cisalala anyika yamunzi, iyooba yasilutwe wacisi. Kuzwa kubwaamba bwatukokola tuli zyuulu zili makumi obile amusanu bwacaabilo cisalala kusikila kumugaano wakujwe, akuzwa kubwaamba bwakumbo bwatukokola tuli zyuulu zili makumi obile amusanu kusikila kumugaano wakumbo, nyika iibambene azyaabilo zyamisyobo, yoonse iyooba yasilutwe wacisi. Acaabilo cisalala acikombelo ziyooba akatikati. 22Nyika yamunzi iyooba akatikati kanyika yasilutwe. Nyika yasilutwe iyooba akatikati kacaabilo ca-Juda acaabilo ca-Benjamini,
23Amisyobo imwi iisyeede njeeyi. Kuzwa kujwe kusikila kumbo, baBenjamini bayoopegwa caabilo comwe, 24Lino kumbali kubambene amugaano wa-Benjamini, kuzwa kujwe kusikila kumbo, ba-Simeoni bayoopegwa caabilo comwe, 25Akumbali kubambene amugaano wa-Simeoni, kuzwa kujwe kusikila kumbo, ba-Isakara bayoopegwa caabilo comwe. 26Mumbali kubambene amugaano wa-Isakara, kuzwa kujwe kusikila kumboyba-Zebuloni bayoopegwa caabilo comwe. 27Akumbali kubambene amugaano wa-Zebuloni, kuzwa kujwe kusikila kumbo, ba-Gadi bayoopegwa caabilo comwe. 28#2 Mak 20:2; Ezk 47:19; Matl 15:18; My 34:15; Jos 15:47; Is 27:12Alimwi kumbali kubambene amugaano wa-Gadi, kulubazu lwakumusanza, mugaano uyoozwa ku-Tamara kusikila kumaanzi aa-Meribati Kadesi, akuzwa oko uyootobela kalonga ka-Egepita kusikila ku-Lwizi Lupati. 29#Ezk 47:14,21,22Mbwiibede nyika njimuyoowaalila cisolo akwaabila misyobo yaba-Israyeli. Mbuzibede zyaabilo zyabo, mbwaamba Mwami Jehova.
30 #
Ciy 21:12-13
Mapolelo aamunzi ayooba obo: kulubazu lwakunyika, bulamfu bayooba tukokola tuli zyuulu zyone amyanda yosanwe, 31#Is 60:18; Ciy 21:12amilyango yamunzi iyooambwa mbubonya mbuli mazina aamisyobo yabana ba-Israyeli. Kulubazu lwakunyika kuyooba milyango yotatwe: mulyango wa-Rubeni, mulyango wa-Juda amulyango wa-Levi, 32Akwalo kulubazu lwakujwe, bulamfu buyooba tukokola tuli zyuulu zyone amyanda yosanwe, amilyango iyooba itatu: mulyango wa-Josefa, mulyango wa-Benjamini, amulyango wa-Dani. 33Akwalo kulubazu lwakumusanza bulamfu buyooba tukokola tuli zyuulu zyone amyarida yosanwe, amilyango iyooba itatu: mulyango wa-Simeoni, mulyango wa-Isakara amulyango wa-Zebuloni, 34Akwalo kulubazu lwakumbo bulamfu buyooba tukokola tuli zyuulu zyone amyanda yosanwe, amilyango iyooba itatu: mulyango wa-Gadi, mulyango wa-Aseri amulyango wa-Nafitali. 35#Int 72:8; Is 2:2; Mal 1:11; Kul 17:15; Bab 6:24; Ciy 21:3Bulamfu bwakuzyunguluka munzi woonse buyooba tukokola tuli zyuulu zili ikumi amusanu azitatu. Akuzwa kubuzuba obo izina lyamunzi liyootegwa JEHOVA MPABEDE.
Currently Selected:
Ezekieli 48: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.