Daniele 1
1
Daniele abeenzinyina mbubakakaka kulisofwaazya azilyo zyamwami wa-Babuloni
1 #
2 Bam 24:1; 2 Mak 36:5-7 Lino mumwaka watatu wabwami bwa-Jehoyakimu mwami wa-Juda, Nebukadinezara mwami wa-Babuloni wakasika ku-Jerusalemu, wausinkinizya. 2#Jer 27:19; Matl 10:10; Is 11:11; Zek 5:11; 2 Bam 20:17-18; 24:10-16; Is 29:7-8Nkabela Mwami wakaaba mumaanza aakwe Jehoyakimu mwami wa-Juda azibelesyo zimwi zyaŋanda ya-Leza, elyo wakazileta kunyika ya-Sinara kuŋanda ya-leza wakwe, azibelesyo wakazileta mucilondwedo caŋanda ya-leza wakwe. 3Lino mwami wakalailila Asipenazi silutwe wabazibe bakwe kuti alete bamwi babana ba-Israyeli, basilunyungu lwabwami alwabapati, 4#Lev 21:18; Bab 8:18; Inc 7:20,22balombe batakwe tumpenda, bali aziwa zibotu, bajisi maanu abusongo boonse, babwene makani aakumvwisya luzibo, beelede kubeleka milimo muŋanda yamwami, akubaiisya malembo amwaambo waba-Kasidi. 5Nkabela mwami wakababambila zilyo zyabuzuba abuzuba, caabilo cazilyo zinono nzyaakali kulya mwami acawaini ngwaakali kunywa. Wakalailila kuti balelwe myaka yotatwe; yamana myaka yotatwe, baime kubusyu bwamwami. 6Lino akati kabo kakuli bamwi bana ba-Juda, Daniele, Hananiya, Misayeli a-Azariya. 7#Matl 41:45; Dan 5:12Nkabela silutwe wabazibe wakabaulika mazina. Daniele, wakamuulika izina lya-Belitsazara; a-Hananiya, wakamupa izina lya-Sadrake; Misayeli, wakamupa lya-Mesaki; a-Azariya wakamupa lyaAbedinego.
8 #
Dt 32:38; Int 141:4; Ezk 4:13; Hos 9:3,4 Pele Daniele wakalibeteka mumoyo wakwe kuti atalisofwaazye azilyo zinono zyamwami awaini ngwaakali kunywa, nkabela wakakumbila kulisilutwe wabazibe kuti atalisofwaazyi. 9#Matl 39:21; 1 Bam 8:50Lino Leza wakacita kuti Daniele afwidwe lweetelelo aluzyalo kulisilutwe wabazibe. 10Nkabela silutwe wabazibe wakaambila Daniele kuti, Ndayoowa mwami simalelaangu, ngonguwe iwakabamba zilyo zyanu azyakunywa zyanu. Sa ncibotu kuti abone ziwa zyanu tazili kabotu mbuli ziwa zyabasanyokwe? Na caba obo, muyoondipesya mulandu kumwami, ambweni ulandigonka mutwe. 11Mpoonya awo Daniele wakaambila mulangi, silutwe wabazibe ngwaakabikide kukulanga Daniele, Hananiya, Misayeli a-Azariya. Wakati, 12Utusoleke toba landa bako mazuba aali ikumi. Batupe zisyu zyakulya amaanzi aakunywa. 13Lino ziwa zyesu zilingulwe, ubone mbuzibede, azyalo ziwa zyabalombe balya zilyo zinono zyamwami, Wamana kubona, utucitile mbubonya mbobona. 14Elyo wakabaswiilila mumakani aya, wabasoleka mazuba aali ikumi. 15Amane mazuba aali ikumi, ziwa zyabo zyakalingulwa, nkabela kwakabonwa kuti zili kabotu, zilineneede, kwiinda balombe boonse ibakali kulya zilyo zinono zyamwami. 16Aboobo mulangi wakagwisya zilyo zinono awaini wakunywa, wakali kubapa zisyu.
17 #
1 Bam 3:12; Muk 2:26; Int 119:98-100; Tus 2:6; Is 28:29; Inc 7:22 Lino aba balombe bone, Leza wakabapa luzibo amaanu aakumvwisya mabuku oonse abusongo boonse. Alimwi Daniele kezi kupandulula zilengano zyoonse aziloto. 18Lino nicakamana ciindi mwami ncaakabikide kuti baletwe kulinguwe, silutwe wabazibe wakabaleta kuli-Nebukadinezara. 19Elyo mwami wakaambaula abo, nkabela akati kabo boonse teekwakajanwa naba omwe uuli mbuli Daniele, Hananiya, Misayeli, a-Azariya, Nkaambo kako bakaima kunembo lyamwami. 20Nkabela mumakani oonse aaluzibo amaanu mwami ngaakabuzya kulimbabo, wakajana kuti balainda ziindi zili ikumi basondi abacape boonse bamucisi cakwe coonse. 21#Dan 6:28; 10:1Nkabela Daniele kacipona mane kusikila kumwaka mutaanzi wabwami bwa-Koresi.
Currently Selected:
Daniele 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.