Ezekieli 28
28
Majwi Leza ngaamba aamwami wa-Turo
1Lino ijwi lya-Jehova lyakandisikila, liti, 2#Dt 8:14; 2 Mak 26:16; Tus 16:18; Dan 5:22,23; Is 2:12; 31:3; 1 Tim 3:6; Int 9:20O mwana amuntu, ambila mwami wa-Turo kuti, Mbuboobu mbwaamba Mwami Jehova. Moyo wako walisumpula. Waamba kuti, Ndime Leza, ndikede acuuno ca-Leza akati kalwizi. We! Uli muntu, toli Leza pe, nekuba kuti wayeeya kuba Leza. 3#Dan 2:48; Zek 9:2Ncobeni uli musongo kwiinda Daniele. Taakwe cintu cisisidwe kulinduwe. 4Busongo bwako amaanu aako, nzenzizyo zyakuletela buvubi, aboobo walivuzizya ingolida ansiliva muziyobwedo zyako. 5#Dt 8:12-14Maanu aako aakusambazya, ngengao aakuyungizizya buvubi, aboobo moyo wako walisumpula nkaambo kabuvubi bwako. 6#Dan 7:25,26; Inc 12:22; 2 Tes 2:4Nkaambo kako mbuboobu mbwaamba Mwami Jehova. Mumoyo wako wayeeya kuba mbubonya mbuli Leza. 7#Ezk 30:11Nkaambo kako ncobeni ndakuletela bazwakule, bantu bayoosya akati kabamasi. Bayoosomona mapanga aabo kuti balwisye busongo bwako bubotu, basofwaazye bweebesi bwako. 8Bayookuselemwida mudindi, nkabela uyoofwa mbubonya mbuli bayasidwe mbubafwa mubbonze lyalwizi. 9Ma! Sa unoocaamba kuti, Ndime Leza? Sa unoocaamba obo kumeso aabasikujaya? Mumaanza aabaabo bakuyasa uli muntu buyo, toli Leza pe! 10#Ezk 31:18Uyoofwa lufu lwabatapalwidwe mumaanza aabazwakule, nkaambo ndime ndaamba obo, mbwaamba Mwami Jehova.
Cilizyo cakulila mwami wa-Turo
11Lino ijwi lya-Jehova lyakandisikila, liti, 12#Ezk 27:3O mwana amuntu, imba lwiimbo lwakulizya mwami wa-Turo, Umwaambile kuti, Mbuboobu mbwaamba Mwami Jehova. Webo wakalilondokede. Wakalizwide busongo, akweebeka loko kwiinda boonse. 13#Matl 2:8; 3:23,24; Ezk 31:8,9; 26:13; Joel 2:3Wakali mu-Edeni, muunda waLeza. Kosakatide mabwe mayandisi oonse, mabwe aasalala pyu, mabwe aatopazi, mabwe aajaspi, mabwe aa-berulo, mabwe aaonukisi, mabwe aakrusalito, mabwe aasafiro, mabwe aanofeki amabwe aasmaragido; alimwi tuntimbwa twako anyeele zyako, zyoonse zyakaleengedwe angolida. Mubuzuba bwakulengwa kwako zyakabambwa. 14#Kul 25:20; Ezk 20:40Ndakakubika antoomwe aangelo kerubu uunanikidwe uuvumba. Wakali mucilundu cisalala ca-Leza, wakali kweendeenda akati kamabwe aamulilo. 15Wakalilondokede munzila zyako kuzwa kubuzuba bwakulengwa kwako mane kusikila kuciindi eco zibi nezyakajanwa mulinduwe. 16Mukusambala kwako kunji wakazuzigwa lunya, nkabela wakabisya, Nkaambo kaako ndakakutanda kuzwa kucilundu ca-Leza, alakwe kerubu sikuvumba wakakunyonyoona kuzwa kumabwe aamulilo. 17#2 Pet 2:6; Jud 1:7Moyo wako wakalisumpula nkaambo kakweebeka kwako, Wajaya busongo bwako nkaambo kakweebeka kwako. Ndakakuwaala ansi kumeso aabami kuti bakweebele. 18#Am 1:10Muzibi zyako zinji, mukupilingana kwakusambala kwako, wakasofwaazya masena aako aasalala, Nkaambo kaako ndakagwisya mulilo mukati kako kuti ukutente, Ndakusandula kuba itwe ansi mumeso aaboonse bakubona. 19Boonse bakuziba akati kabamasi bagamba kukubona. Ncobeni waba ciyoosyo. Tokooyooba limbi,
Makani ngaakasinsima aa-Zidoni
20 #
Joel 3:4-8; Zek 9:1-2; Mt 11:21-22; Lk 10:13-14 Lino ijwi lya-Jehova lyakandisikila, liti, 21#Is 23:4,12; Jer 25:22; Ezk 32:30Omwana amuntu, langa Zidoni cankayikayi, ukasinsime aanguwo. 22#Kul 14:4; Int 9:16; Ezk 39:13; 20:41Amba kuti, Mbuboobu mbwaamba Mwami Jehova. Ncobeni ndi sinkondonyoko, O Zidoni. Njoolemezegwa akati kako, nkabela bayooziba kuti ndime Jehova nenzoobeteka makani mukati kawo anenzoosalazigwa mulinguwo. 23#Ezk 38:22Njooutumina malwazi abulowa mumigwagwa yawo. Kuyoowa bayasidwe mukati kawo, ipanga neliyooulwisya kumabazu oonse, Lino bayooziba kuti ndime Jehova.
24 #
My 33:55; Jos 23:13 Lino luzubo lwa-Israyeli talukooyooba limbi amutubetube wakubayasa naaba mamvwa aakubakataazya akati kamisyobo yabantu bengelede ibakali kubasampaula. Elyo bayooziba kuti ndime Jehova.
25 #
Is 11:12; Hos 1:11; Ezk 20:41 Mbuboobu mbwaamba Mwami Jehova. Nenzooyobolola luzubo lwa-Israyeli kuzwa kulibamasi nkubamwaikilide, anenzoosalazigwa mukati kabo mumeso aabamasi, bazookala munyika yabo beni njindakapa mulanda wangu Jakobo. 26#Is 65:21; Am 9:14; Jer 31:5Bazookala mpoonya awo cakuliiba. Banoozooyaka maanda akulima myuunda yamasaansa akukala cakuliiba, kuciindi eco ninzoobeteka bantu boonse beengelede ibakali kubasampaula. Lino bayooziba kuti ndime Jehova Leza wabo.
Currently Selected:
Ezekieli 28: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
