Ezekieli 22
22
Milandu ya-Jerusalemu
1Lino ijwi lya-Jehova lyakandisikila, liti, 2Webo, O mwana amuntu, sa tokonzyi kubeteka, sa tokonzyi kubeteka munzi wabulowa? Kouzibya zisesemyo zyawo zyoonse. 3#Mik 6:16Uleelede kwaamba kuti, Mbuboobu mbwaamba Mwami Jehova. Akaka, O munzi ootila bulowa mukati kako, kuti ciindi calubeta lwako cisike, oocita zikozyano zyakulisofwaazya. 4#Matl 9:6; 2 Bam 21:16; Int 106:38; 44:13,14; Dt 28:37; 1 Bam 9:7; 2 Mak 7:20; Jer 18:16; Dan 9:16Bulowa mbotilide mbobukupa mulandu, azikozyano nzocitide nzezikusofwaazya, Wafwanzya buzuba bwalubeta lwako; ciindi camyaka yako casika. Nkaambo kako ndakubika kuti ube cisampuko muneso aabamasi asikucapwa munyika zyoonse. 5Balakucapa boonse, nibaba bali afwiifwi nibaba bali kule, uwe simpuwo imbi oozwide lupyopyongano.
6 #
Is 1:23; Zef 3:3 Bona! Basilutwe ba-Israyeli bali mukati kako, boonse balatila, bulowa, umwi aumwi mbuli mbwaakonzya. 7#Kul 20:12; 22:21-22; Dt 5:16; 24:17; 27:16Mulinduwe bantu mobasampaula bamawisi abamanyina. Mulinduwe beenzu mobabbidwa, Mulinduwe bamucaala abamukabafu mobabisizigwa. 8#Lev 19:30; 26:2Zintu zyangu zisalalisya mwazisampaula, aalo masabata aangu mwaasofwaazya. 9Mulinduwe muli bantu balengelela beenzinyina twaambo kuti batizye bulowa, abamwi balya zipaizyo atala amalundu, abamwi bacita malweza. 10#Lev 18:19; 20:11; 1 Kor 5:1Mulinduwe muli bavumbula zinswe zyabamawisi, abamwi boona abanakazi kuciindi cabo cakutondwa. 11#Jer 5:8Bamwi balacita milimo iisesemya abamukabeenzinyina, bamwi balacita malweza abamukabana babo, abamwi baloona abacizi babo, bana babamawisi. 12#Kul 22:25; 23:8; Lev 25:36-37; Dt 16:19; 23:19; 32:18; Int 106:21; Jer 2:32; Ezk 23:35Mulinduwe balalya masinkamulomo kuti batizye bulowa. Mulakolotya mali kuti mujane impindu, mulatambula intantiko, mulanyanzya beenzinyoko imbono, anukuti mebo mwandiluba, mbwaamba Mwami Jehova.
13 #
Ezk 21:17
Ma! Ndakamba amaanza aangu cakuyoowa lunyanzyo lwako ndowakacita abulowa buboneka mukati kako! 14#Ezk 21:7; 17:24; Is 31:3; 1 Kor 10:22Sa moyo wako ulakonzya kwiimikila nji, amaanza aako sa alakonzya kuba anguzu mubuzuba obo mbwenjookubeteka? Ndime Jehova. Ndaamba, akucita njoocicita. 15#Dt 4:27Njoomumwaisya akati kabamasi akumupalanganya munyika zyoonse. Abusofwaazi bwako njoobumanisya. 16#Kul 8:22; Int 9:16Uyoousigwa insoni mumeso aabamasi, aboobo muyooziba kuti ndime Jehova.
17Lino ijwi lya-Jehova lyakandisikila, liti, 18#Is 1:22Omwana amuntu, luzubo lwaIsrayeli lwandibeda mankwisila. Boonse baba mukuba amundalila abutale alotwe mukati kabbila lyamulilo. Baba mankwisila aansiliva. 19Nkaambo kako mbuboobu mbwaamba Mwami Jehova. Mbuli mbumwaba mankwisila nyoonse njoomuyobolola mukati ka-Jerusalemu. 20Mbubonya mbuli insiliva amukuba abutale alotwe amundalila mbuziyobololwa mukati kabbila lyamulilo kuti zifulidilwe mulilo akweenzununwa, njooyobolola ndinywe mubukali bwangu buyoosya, njoomusikka akumweenzununa. 21Njoomubunganya akumufulidila mulilo wabukali bwangu mane lumwi nkamweenzunune mukati kawo. 22Mbubonya mbuli insiliva mbwiienzununwa mukati kabbila lyamulilo, muyooenzununwa anywebo mukati kawo, aboobo muyooziba kuti ndime nde-Jehova ndamutilila bukali bwangu.
23Lino ijwi lya-Jehova lyakandisikila, liti, 24Mwana amuntu, koiambila kuti, Nduwe nyika iitana kusalazigwa nikuba kuwidwa imvula mubuzuba bwabukali, 25#Hos 6:9; Jer 6:13; Mt 23:14; Inc 20:29; Mik 3:11; Zef 3:3Bami bayo mukati kayo bali mbuli mulavu uuvuluma uukwamauna zilyo zyakwe. Balalya bantu, balabweza imbono azintu ziyandika, bavuzya bamukabafu bayo mukati kayo. 26#Mal 2:8; 1 Sam 2:29; Lev 10:10Bapaizi bayo babisizya mulao wangu, basofwaazya zintu zyangu zisalala. Tabana kwaandaanya zintu zisalalisya azintu zyabuyo nekuba kuzibya bantu zintu zisalala azintu zisofweede mbuzibede. Aalo masabata aangu tabaalemeki pe, aboobo ndasampaulwa akati kabo. 27#Is 1:23Basilutwe bayo mukati kayo bali mbuli baumpe bakwamauna nyama yabo. Balatila bulowa akunyonyoona bantu kuti balijanine impindu yakubba. 28#Ezk 13:10Basinsimi bayo balabalambila mulambo, balababonena zilengano zyabuyo akubasondela zyakubeja. Balaamba kuti, Mbuboobu mbwaamba Mwami Jehova, anukuti Jehova tana kwaamba. 29#Jer 5:26Bantu banyika balapenzya cakubba, balanyanzya imbono. Balapenzya bacete abatengwana, abalo beenzu balabapenzya muciyanza citeelede. 30#Jer 5:1; Matl 18:23Ndakayandaula muntu akati kabo iwakakonzya kumamika bulambo, aime kubusyu bwangu akubusinka nkubukolomokede, kuti ntanyonyooni nyika, pele taakwe naba omwe iwakajanika pe. 31Nkaambo kako ndakabatilila bukali bwangu akubalobya mumulilo walunyemo lwangu. Inzila yabo ndaiboozya amitwe yabo, mbwaamba Mwami Jehova.
Currently Selected:
Ezekieli 22: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
