Ezekieli 15
15
Cikozyano camusaansa
1Lino ijwi lya-Jehova lyakandisikila, liti, 2#Int 80:8; Hos 10:1O mwana amuntu, Musamu wamusaansa ulainda buti misamu yoonse? Uli amilimonzi mutabi wamusaansa uucelwa akati kamisamu yalusaka? 3Sa zisamu zyawo zilabelesegwa mumilimo? Sa kulinzizyo kula temwa inembe yakwaanzikila zintu? 4#Joh 15:6Ncobeni ziladukuzigwa mulilo. Lino mulilo ulote buyo impela zyazyo, alimwi akatikati kazyo apya, sa zicijisi mulimo? 5We! Nizyakacilungene kazitajisi milimo, lino mulilo umane kuzilotya, kusyaale itwe buyo, zilainda loko kusampuka. 6Nkaambo kako mbuboobu mbwaamba Mwami Jehova. Mbubonya mbuli musamu wamusaansa akati kamisamu yamulusaka, ngundadukuzya mulilo, ndacitila bantu bakede mu-Jerusalemu mbubonya obo. 7#Lev 17:10; Int 34:16; Jer 21:10; 48:43,44; Is 24:18; Am 5:19; Ezk 6:7; 7:4Njoobalanga cankayikayi. Nekuba kuti bacija mulilo, mulilo uyoobajata. Lino kuciindi eco ninjoobalanga cankayikayi, muyooziba kuti ndime Jehova. 8Njoocita kuti nyika ibe matongo nkaambo kakukataazya kwabo, mbwaamba Mwami Jehova.
Currently Selected:
Ezekieli 15: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
