Ezekieli 11
11
Leza mbwazoobeteka ba-Juda
1 #
1 Bam 8:12; Ezk 3:12,14; 8:3,16; 10:19 Lino Muuya wakandisumpula, wandisisya kumulyango wakujwe waŋanda ya-Jehova, uulangide kubuzwezuba, nkabela oko kumanjililo aamulyango ndakabona bantu bali makumi obile amusanu, alimwi akati kabo ndakabona Jazaniya mwana wa-Azuri a-Pelatiya mwana wa-Benaya, basilutwe babantu. 2Nkabela wakandaambila kuti, O mwana amuntu, mbaaba bantu bayeeya bubi akupa lulayo lubi mumunzi uno. 3#Jer 1:13Balaamba kuti, Ciindi cakuyaka maanda tacina kusika. Munzi nkanabwao, aswebo tuli nyama. 4Nkaambo kako uleelede kubasinsimina. Sinsima, O mwana amuntu. 5#1 Mak 28:9; Int 7:9; Jer 16:17; Joh 2:24; Heb 4:11Mpawo Muuya wa-Jehova wakandiselukila, wandaambila kuti, Amba kuti, Mbuboobu mbwaamba Jehova. Mbuboobo mbumuyeeya, O luzubo lwa-Israyeli, nkaambo ndizi miyeeyo iinjila mumyoyo yanu. 6Mwavuzya bajayidwe banu mumunzi uno, amigwagwa yawo mwaizuzya bajayidwe. 7#Mik 3:3Nkaambo kako mbuboobu mbwaamba Mwami Jehova. Bajayidwe banu mbemulazikide mukati kawo, mbembabo nyama, awalo munzi ngonguwo kanabwao, pele inywe muyoogwisigwa mukati kawo. 8#Tus 10:24Mwayoowa ipanga, pele ipanga ndendilyo ndinjoomuletela, mbwaamba Mwami Jehova. 9#Int 106:30Njoomugwisya mukati kawo, njoomwaaba mumaanza aabazwakule, njoobeteka makani akati kanu. 10#Jer 39:6; 2 Bam 14:25; Int 9:16Muyoowa kupanga. Njoomubeteka kumugaano wa-Israyeli, nkabela muyooziba kuti ndime Jehova. 11#Jer 39:6Munzi uno tuukooyooba kanabwao kanu, anywebo tamukooyooba nyama mukati kawo. Njoomubeteka kumugaano wa-Israyeli. 12#Dt 12:30; Ezk 8:10Lino muyooziba kuti ndime Jehova, nkaambo tamweendi mumilao yangu nikuba kubamba imbeta zyangu. Mwacita mbubonya mbuli ziyanza zyazisi zimweengelede.
13 #
Inc 5:5; Ezk 9:8 Lino nindakali kusinsima, Pelatiya mwana wa-Benaya wakafwa. Mpawo ndakawa cakuvundama, ndakwiila ajwi ipati, ndati, Akaka Mwami Jehova! Sa ulamanisya ba-Israyeli boonse bacisyeede?
Leza mbwazoosandula myoyo yabantu
14Lino ijwi lya-Jehova lyakandisikila, liti, 15O mwana amuntu, basikamukowanyoko, nkukuti beenzinyoko mboli abo mubuzike, aluzubo loonse lwa-Israyeli, boonse buyo mbembabo bantu ba-Jerusalemu mbebaamba kuti, Bali kule kuzwa kuli-Jehova, lino nyika ino yapegwa mumaanza esu kuti twiivube. 16#Int 31:20; Is 8:14Lino amba kuti, Mbuboobu mbwaamba Mwami Jehova. Nekuba kuti ndabatandila kule akati kabamasi akubamwaisya muzisi zipambukene, ndababeda cikombelo kaindi muzisi ezyo nzizyonya nkubabede. 17#Jer 24:5Nkaambo kako amba kuti, Mbuboobu mbwaamba Mwami Jehova, Njoomubunganya kuzwa kulibamasi akumuyobolola kuzwa kuzisi nkumumwailidwe, nkabela nzoomupa nyika ya-Israyeli. 18#Ezk 37:23Lino basike buyo kulinjiyo, bayoogwisya zyoonse zisesemyo azintu zibi zivundusya. 19#Dt 30:6; 2 Mak 30:12; Jer 24:7; 31:33; Zef 3:9; Int 51:10; Zek 7:12; Ezk 36:26-28Nkabela njoobapa moyo omwe, akubika muuya mupya mukati kabo. Njoogwisya moyo wabbwe kuzwa kunyama yabo akubapa moyo wanyama, 20#Jer 11:4; Heb 8:10; Ezk 14:11; 36:28kuti kabeenda mumilao yangu akubamba imbeta zyangu akuzicita. Lino bayooba bantu bangu, ambebo njooba Leza wabo. 21#Heb 3:12Pele abo bali amyoyo iiya butobela zisesemyo azintu zibi zivundusya, njoobweedezya bulumbu bwanzila yabo amitwe yabo, mbwaamba Mwami Jehova.
Bakerebimu mbubakauluka
22 #
Ezk 1:19; 43:2-5 Mpawo bakerebimu bakatandabika mababa aabo, aalo mavwili aakali kumbali lyabo, nkabela bulemu bwa-Leza wa-Israyeli bwakali ajulu lyabo. 23#Ezk 8:4; 43:4; Zek 14:4Lino bulemu bwa-Jehova bwakainka kuzwa mukati kamunzi, bwaakwiima atala lyacilundu cili kujwe amunzi. 24#Ezk 8:3; 2 Kor 12:2Elyo mucilengano icakazwa ku-Muuya wa-Leza, Muuya wakandibweza, wandisisya kunyika yaba-Kasidi, nkubakabede ba-Juda batandidwe. Lino cilengano ncindakabwene cakandisia. 25#Inc 20:20Nkabela ndakalwiida batandidwe makani oonse aa-Jehova ngaakanditondezya.
Currently Selected:
Ezekieli 11: Ibbaib63
Highlight
Copy
Compare
Share
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
