Kulonga 14
14
Leza mbwaakavuna ba-Israyeli ku-Lwizi Lusalala
1Mpoonya awo Jehova wakaambila Musa kuti, 2#My 33:7; Jer 44:1Ambila bana baIsrayeli kuti bapiluke, bayake zilao zyabo kunembo lya-Pihahiroti, akatikati ka-Migidoli alwizi kunembo lya-Baala-Zefoni. Amuyake zilao zyanu nkukonya oko kumbali lyalwizi. 3#Int 35:21; 71:11Nkaambo Farao ulaamba aabana ba-Israyeli kuti, Balipatide munyika eyo; inkanda yabajalila. 4#Jak 1:13-17; Kul 9:16; Rom 9:17-23Lino ndayumya moyo wa-Farao, nkabela ulabatobela; lino njoojana bulemu kuli-Farao akumpi yakwe yoonse, nkabela ba-Egepita bayooziba kuti ndime Jehova. Elyo bakacita obo.
5Lino mwami wa-Egepita naakalwiidwa kuti bantu baloboka, moyo wa-Farao abalanda bakwe wakasandukila bantu. Bakati, Ma! Twacitanzi? Twalekelanzi ba-Israyeli kuti batanoocitumanina milimo? 6Mpawo wakabopa inkalaki yakwe, abalo bantu bakwe wakabatolelela. 7Wakatola inkalaki zisalidwe zili myanda iili musanu aumwi, ankalaki zyoonse zyaku-Egepita, abasilutwe bazyo boonse. 8#Kul 6:1; 13:9; My 33:3Jehova wakayumya moyo wa-Farao mwami wa-Egepita, aboobo wakatobela bana ba-Israyeli, nkaambo ba-Israyeli bakali kuya ajanza ijumu. 9#Kul 15:9; Jos 24:6Ba-Egepita bakabatobela, imbizi zyoonse zya-Farao ankalaki zyakwe abasimbizi bampi yakwe, babeenzya kulwizi nkubakayakide zilao, ku-Pihahiroti kunembo lya-Baala-Zefoni.
10 #
Jos 24:7; Neh 9:9; Int 34:17; 107:6 Lino Farao naakasika afwaafwi, bana ba-Israyeli bakatambya meso aabo, babona kuti ba-Egepita beza bubatobela. Mpawo bana ba-Israyeli bakayoowa loko, akukwiilila Jehova. 11#Int 106:7Nkabela bakaambila Musa kuti, Sa taakwe tubanda ku-Egepita? Watuletelanzi okuno kuti tufwe munkanda? Watugwisizyanzi ku-Egepita? 12#Kul 6:9Sa teensi ngemakani aya ngaonya ngetwakakwaambila ku-Egepita? Sa teetwakaamba kuti, Tuleke, tubelekele baEgepita? Nkaambo kubelekela ba-Egepita nkubotu kulindiswe kwiinda kufwa munkanda. 13#2 Mak 20:15,17; Is 41:10-14Pele Musa wakaambila bantu kuti, Mutayoowi, amwiime, mubone lufutuko Jehova ndwasi mucitile buzuba obuno, Aba ba-Egepita mbomubwene sunu tamukooyoobabona limbi. 14#Dt 20:4; Jos 10:14; 23:3; 2 Mak 20:29; Neh 4:20; Is 30:15; 31:4Jehova ulamulwida. Nywebo amuumune buyo.
15Lino Jehova wakaambila Musa kuti, Ulandikwiililanzi? Ambila bana ba-Israyeli kuti baye kunembo. 16#Kul 7:19Ayebo, sumpula musako wako, utandabike ijanza lyako atala alwizi, ulwaandule, kuti bana ba-Israyeli bainde anyika injumu akati kalwizi. 17#Tus 29:1Lino mebo ndayumya myoyo yaba-Egepita, kuti babatobele, aboobo njoojana bulemu kuli-Farao akumpi yakwe yoonse, kunkalaki zyakwe akulibasimbizi bakwe, 18Nkabela ba-Egepita bayooziba kuti ndime Jehova nenjoolemekwa kuli-Farao akunkalaki zyakwe akuli basimbizi bakwe.
19 #
Matl 48:16
Mpawo angelo wa-Leza iwakali kuzulwida makamu aaba-Israyeli wakajokela musule lyabo. Awalo musumpululu wajoba wakazwa kunembo lyabo, waima musule lyabo, 20#Is 8:14; 2 Kor 4:3weza akatikati lyamakamu aaba-Egepita amakamu aaba-Israyeli, nkabela kali ijoba amudima. Lino masiku akamana, nkabela masiku oonse inkamu ezi zyobile tazikwe nezyakaswanaana.
21 #
Jos 3:16; 4:23; Neh 9:11; Int 74:13; 106:9 Elyo Musa wakatandabika ijanza lyakwe atala alwizi, nkabela masiku oonse Jehova wakapilusya maanzi aalwizi amuuwo muyumu wakujwe, mane kwakaboneka nyika injumu akati kalwizi, amaanzi akapambukana. 22#1 Kor 10:1-2; Heb 11:29; Kul 15:19; My 33:8; Int 66:6; 78:13Lino bana ba-Israyeli bakainda akati kalwizi anyika injumu, amaanzi akababeda mbuli bulambo kululyo akucimwensi. 23Mpawo ba-Egepita bakabatobela, imbizi zyoonse zya-Farao ankalaki zyakwe abasimbizi bakwe, banjila mukati kalwizi. 24Lino kubucedo Jehova wakalanga makamu aaba-Egepita kuzwa kumusumpululu wajoba awamulilo, wapilinganya makamu oonse aabaEgepita. 25Nkabela wakaangatizya mavwili aankalaki zyabo, wazyeenzya cakusililika. Lino ba-Egepita bakaamba kuti, Atucije ba-Israyeli, nkaambo Jehova nguubalwida kuba-Egepita.
26Lino Jehova wakaambila Musa kuti, Tandabika ijanza lyako atala alwizi, kuti maanzi aboole aba-Egepita, ankalaki zyabo abasimbizi babo. 27#Jos 4:18Elyo Musa wakatandabika ijanza lyakwe atala alwizi, nkabela izuba nelyakapasula, maanzi aalwizi akaswanaana mbuli mbwaakabede lyoonse, aboobo ba-Egepita mukucija kwabo bakanjila mulindulo, nkabela Jehova wakabatapwida mulwizi. 28#Dt 11:4; Int 78:53; Neh 9:11; Hab 3:8Maanzi akapi luka, avumba inkalaki abasimbizi ampi yoonse ya-Farao, iyakabatobede mulwizi. Teekwakasyaala naba omwe, 29#Int 77:20; 78:52,53Pele bana ba-Israyeli bakeenda anyika injumu akati kalwizi, amaanzi akababeda bulambo kululyo akulumwensi. 30#Int 106:8-10; 58:10; 59:10Mbuboobu Jehova mbwaakafutula ba-Israyeli buzuba obo kuzwa kumaanza aaba-Egepita, Ba-Israyeli bakabona ba-Egepita bafwide ankomwe yalwizi. 31#Kul 19:9; Joh 2:11; 11:45Elyo ba-Israyeli nebakabona milimo mipati Jehova njaakacitila ba-Egepita, bantu bakayoowa Jehova akusyoma Jehova amulanda wakwe Musa.
Currently Selected:
Kulonga 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
