Kulonga 13

Imwi milao yabana bataanzi ayazinkwa zitakwe bumena

1Lino Jehova wakaambila Musa kuti, 2#My 3:13; 8:16; 18:15; Lk 2:23; Kul 22:29,30; Lev 27:26; Dt 15:19Undisalazizye mwana umwi aumwi mutaanzi uujalula mulyango wazyalilo akati kabana ba-Israyeli, naba muntu naba munyama. Boonse buyo babe bangu.

3 # Kul 12:42; Dt 16:3; Kul 6:1 Nkabela Musa wakaambila bantu kuti, Amwiingasile buzuba obuno nemwazwa mu-Egepita kuzwa muŋanda yabuzike, nkaambo kunguzu zyajanza lyakwe Jehova wamupozya mucisi eci. Kutaligwi zinkwa zili abumena. 4#Kul 23:15; 34:18; Dt 16:1Buzuba obuno bwamumwezi wa-Abibi mwazwa. 5Lino Jehova naayoomusisya kunyika yaba-Kanana ayaba-Hiti ayaba-Amori ayabaHivi ayaba-Jebusi, nyika njindakasyomezya kulibamauso kumupa, nyika iikunka malili abuci, muleelede kubamba milimo eyi mumwezi uno. 6#Kul 12:15,16Mazuba aali musanu aabili muleelede kulya zinkwa zitakwe bumena, lino mubuzuba bwamusanu aabili kuyooba ipobwe lya-Jehova. 7Zinkwa zitakwe bumena nzezyeelede kuligwa mazuba aali musanu aabili; takweelede kubonwa zinkwa zili abumena akati kanu; takweelede kubonwa bumena mucisi canu coonse. 8#Int 44:1Elyo mubuzuba obo uleelede kupandulwida mwana wako kuti, Nkaambo kaceeco Jehova ncaakandicitila nendakazwa ku-Egepita. 9#Kul 12:14; My 15:39; Dt 6:8; 11:18; Is 49:16; Jer 22:24; Mt 23:5Ciyoomubeda mbuli citondezyo cakujanza lyako na mbuli ciibalusyo akati kameso aako, kuti mulao wa-Jehova ube mukanwa lyako, nkaambo Jehova wakamupozya kuzwa ku-Egepita ajanza ijumu. 10Nkaambo kako uleelede kubamba ciyanza eci kuciindi ceelede myaka yoonse.

11 # Matl 15:18; 17:8; Int 105:42-45 Alimwi Jehova naayoomusisya kunyika yaba-Kanana mbubonya mbwaakasyomezya kulibamauso, akwiipa nduwe, 12#Kul 34:19-20; Lk 2:23; Kul 22:29; Lev 27:26; My 18:15; Ezk 44:30uleelede kulondweda Jehova kufumbwa uujalula izyalilo. Boonse bataanzi kuzyalwa baŋombe zyako, nkokuti bapoho, bayooba ba-Jehova. 13#My 3:46Amutaanzi umwi aumwi wambongolo uleelede kumununuzya kabelele; watamununuzya uleelede kutyola insingo yakwe. Abalo bataanzi babana bako balombe uleelede kubanununa. 14#Kul 12:26; Dt 6:20; Jos 4:6,21Lino kuciindi ciboola, mwanaako aakubuzya kuti, Nkutyeni eci? uleelede kumwaambila kuti, Kunguzu zyajanza lyakwe Jehova wakatupozya kuzwa ku-Egepita kuŋanda yabuzike. 15Nkaambo Farao naakaliyumya kukutukasya kuya, Jehova wakajaya bana bataanzi boonse bamucisi ca-Egepita, bana bataanzi babantu abana bataanzi baŋombe. Nkaambo kako ndapaizizya Jehova boonse baalumi bajalula izyalilo, pele boonse bataanzi akati kabana bangu ndabanununa. 16#Dt 6:8Eci ciyanza cibe mbuli citondezyo cakujanza lyako na mbuli ciibalusyo akati kameso aako, nkaambo kunguzu zyajanza lyakwe Jehova wakatupozya kuzwa ku-Egepita.

Leza mbwaakapozya ba-Israyeli kuzwa ku-Egepita

17 # Kul 14:11; My 14:1; Dt 17:16 Lino Farao naakaleka bantu kuti baye, Leza takwakabeenzya kunzila yakwiinda kucisi caba-Filisti, nekuba kuti yakali kukosola, nkaambo Leza wakati, Na bantu babona inkondo, ambweni balatama akupiluka ku-Egepita. 18#Kul 11:2; My 33:6Leza wakeenzya bantu munzila iizyunguluka kunkanda ku-Lwizi Lusalala, Nkabela bana ba-Israyeli bakazwa kunyika ya-Egepita balilibambide kunkondo. 19#Matl 50:25; Jos 24:32; Inc 7:16Alimwi Musa wakatolelela zifuwa zya-Josefa, nkaambo Josefa wakakonkezya loko bana ba-Israyeli, wati, Ncobeni Leza uyoomuswaya; lino muleelede kutolelela zifuwa zyangu kuzwa okuno. 20#My 33:6Elyo bakalonga kuzwa ku-Sukoti, baakukala-kala ku-Etamu kumagolelo nankanda. 21#Dt 1:33; Neh 9:12,19; Int 78:14; Is 4:5; 1 Kor 10:1Nkabela Jehova wakali kubazulwida isikati amusumpululu wajoba kuti abatondezye inzila, amasiku amusumpululu wamulilo kuti abamunikile, kuti kabeenda amasiku asikati. 22#Int 121:5-8Taakwe naakabanyanzya musumpululu wajoba wasikati nuuba musumpululu wamulilo wamasiku.

Currently Selected:

Kulonga 13: Ibbaib63

Highlight

Copy