Deuteronomo 31
31
Majwi aa-Musa aakusyaalizya aakuyumya Joshua abantu bakwe
1Lino Musa naakamana kwaambila ba-Israyeli boonse majwi aya; 2#My 20:12; 27:13; Kul 7:7; Dt 34:7; My 27:17; 1 Bam 3:7; Dt 3:27wakabaambila kuti, Sunu ndijisi myaka iili mwanda amakumi obile. Nsicikonzyi kuya bweendeenda, Alimwi Jehova wakandaambila kuti, Tokoozubuka oyu Jordano. 3#Dt 9:3Jehova Leza wanu uyoomuzulwida mwini; nguuyoomunyonyweda aba bamasi kuti mubatande, Alakwe Joshua uyoomuzulwida mbubonya mbwaakaamba Jehova. 4#My 21:21-35Jehova uyoobacitila mbubonya mbwaakacitila Sihoni a-Ogi, bami baba-Amori, anyika yabo, mbaakanyonyoona. 5#Dt 7:2Jehova uyoobaaba mumaanza aanu, nkabela muyoobacitila muzintu zyoonse mbubonya mbundamulailila. 6#Jos 10:25; 1 Mak 22:13; Dt 1:29; 7:18; 20:4; Int 118:6; Jos 1:5; Heb 13:5Amuyume, mube bakozu. Mutabayoowi nikuba kukankama kubusyu bwabo, nkaambo Jehova Leza wanu nguumuli awe. Taakwe nayoomusia nanka kumulekelezya.
7 #
Dt 1:38; 3:28 Mpoonya awo Musa wakaita Joshua, wamwaambila mumatwi aabaIsrayeli boonse kuti, Koyuma akuba mukozu, nkaambp nduwe ooyoonjizya bantu aba munyika Jehova njaakakonkezya kupa bamawisaabo, nduwe ooyoobavubya njiyo. 8#Jos 1:5; Heb 13:5; Kul 13:21; 33:14; Int 37:3; Rom 8:31; 1 Mak 28:20Jehova nguumuzulwida, uyooba anywebo, taakwe nayoomusia nanka kumulekelezya, Mutayoowi na kukankama.
Mbubakalaililwa kunoobala Mulao kwamana myaka iili musanu aibili
9 #
Dt 17:18; My 4:15; Jos 3:3; 1 Mak 15:12 Lino Musa wakalemba oyo Mulao, wapa bapaizi, bana ba-Levi, basikuyumuna ibbokesi lyacizuminano ca-Jehova, abapati boonse ba-Israyeli. 10#Dt 15:1; 16:13-15; Lev 23:34Nkabela Musa wakabalailila kuti, Lyoonse kwamana myaka iili musanu aibili, kuciindi cibikidwe camwaka walwaangunuko, kupobwe lyazilao, 11#Dt 16:16; Jos 8:34; 2 Bam 23:2; Neh 8:1ba-Israyeli boonse nibabungana kubusyu bwa-Jehova Leza wanu mubusena obo mbwasala, muleelede kubala oyu Mulao mumatwi aaba-Israyeli boonse. 12#Dt 4:10Amubunganye bantu boonse, baalumi abanakazi abana abeenzu bakede muminzi yanu, kuti baswiilile, baiye, balemeke Jehova Leza wanu akucenjela kubamba majwi oonse aa-Mulao oyu; 13#Dt 11:2; Tus 22:6; Ef 6:4; Int 78:6,7abalo bana babo batana kuziba makani baswiilile, baiye kulemeka Jehova Leza wanu, mazuba oonse ngemucipona munyika njimuyoovuba mutala lya-Jordano.
Joshua mbwaakabikwa kuti alye izina lya-Musa
14 #
My 27:13
Lino Jehova wakaambila Musa kuti, Bona! Ciindi cako cakufwa cili kufwaafwi. Ita Joshua, mukanjile mutente lyambunganino, kuti nkamulailile. Mpawo ba-Musa a-Joshua bakaakunjila mutente lyambunganino. 15#Kul 33:9; Int 99:7Nkabela Jehova wakalibonya mutente mumusumpululu wajoba, nkabela musumpululu wajoba wakaima kumulyango watente.
16 #
2 Sam 7:12; Kul 32:6; 34:15; Bab 2:17; 10:6,13; Dt 32:15; 1 Bam 11:31-33; 2 Bam 22:16,17; Is 1:4; Jer 2:13; 17:3 Lino Jehova wakaambila Musa kuti, Bona! Uli afwaafwi koona mukabanda kulibamauso, Wafwa buyo, aba bantu banooya buvuula abaleza bambi banyika eyo njebayookala akati kabo. Bayoondisia mebo akujaya cizuminano cangu ncindakatangana abo. 17#2 Mak 15:2; 24:20; Dt 32:20; Int 104:29; Is 8:17; 64:7; Ezk 39:23; My 14:42; Bab 6:13; Is 63:17Lino, mubuzuba obo bukali bwangu buyoobabukila; njoobasia akubasisila busyu bwangu, nkabela bayoosyukuta, Bayoosikilwa bubi bunji amapenzi manji mane lumwi bakaambe kuti, Sa aya mapenzi taatusikili nkaambo kakuti Leza wesu tali akati kesu? 18Ncobeni njoosisa busyu bwangu mubuzuba obo nkaambo kabubi boonse mbobacita, nkaambo batobela baleza bambi. 19Lino lemba olu lwiimbo akwiiyisya bana ba-Israyeli, Kolubika mumilomo yabo, kuti olu lwiimbo lube kamboni wangu kubana ba-Israyeli. 20#Dt 32:15; Neh 9:26; Int 17:10; 73:7; Jer 5:28; 50:11; Hos 13:6Nkaambo nenjoobaletede kunyika njendakakonkezya kulibamawisi, nyika iikunka malili abuci, nebanooyoolide cakukuta akuneneya, bayootobela baleza bambi akubakomba, pele mebo bayoondisampaula akujaya cizuminano cangu. 21#1 Mak 28:9; Hos 5:3; 13:5; Joh 2:24; Ciy 2:23; Am 5:25Pele nebayoosikilwa mapenzi mabi manji, olu lwiimbo luyooba kamboni wakubapa mulandu, nkaambo talukoolubwa mumilomo yanyungu zyabo; nkaambo ndizi miyeeyo yabo njebayeeya kale, nekuba kuti nsina kubasisya kunyika njendakakonkezya. 22Elyo Musa wakalemba olu lwiimbo mubuzuba obo akwiiyisya bana ba-Israyeli.
23 #
My 27:23; Jos 1:6 Nkabela Jehova wakalailila Joshua mwana wa-Nuni, wati, Koyuma akuba mukozu, nkaambo nduwe ooyoonjizya bana ba-Israyeli munyika njindakakonkezya kubapa. Mebo njooba ayebo.
24Lino Musa naakamaninizya kulemba majwi aa-Mulao oyu mubbuku, 25Musa wakalailila ba-Levi basikuyumuna ibbokesi lyacizuminano ca-Jehova kuti, 26#1 Bam 8:9; 2 Bam 22:8; 2 Mak 34:14,15Amubweze eli ibbuku lya-Mulao, mulibike kulubazu lwabbokesi lyacizuminano ca-Jehova Leza wanu, likale nkukonya oko, libe kamboni kulindinywe. 27#Dt 9:24; Kul 32:9; 2 Mak 30:8; Int 78:8; Is 48:4Nkaambo ndizi cinguni canu abuyumu bwamyoyo yanu, Asunu nencili muumi akati kanu, muli basicinguni kuli-Jehova. Sa tamukooyooindila ndaakufwa? 28#Dt 30:19; 32:1Amuyobolole kulindime bapati boonse bamisyobo yanu abasilutwe banu, ngambe majwi aya mumatwi aabo, ntambe ijulu anyika kuti zyoonse zibe bakamboni kulimbabo. 29#Bab 2:19; Hos 9:9Nkaambo ndizi kuti, ndamana kufwa, ncobeni muyoobisya akuleya kuzwa kunzila njindamulailila, nkabela mumazuba aaboola mapenzi ayoomusikila nkaambo mwacita bubi mumeso aa-Jehova akumukalazya kumilimo yamaanza aanu.
30Mpawo Musa wakaamba majwi aalwiimbo olu mumatwi aambungano yoonse ya-Israyeli. Wakalumaninizya loonse buyo.
Currently Selected:
Deuteronomo 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.