Deuteronomo 30
30
Lweempo lulaboozya luzyalo lwa-Jehova
1 #
Lev 26:40; Dt 28:1-68; 1 Bam 8:47; Ezk 18:28; Lk 15:17 Lino makani aya oonse naayoomusikila, nkokuti lulongezyo alutuko ndondabika kunembo lyanu, na mwaibuluka makani, oko akati kabamasi boonse Jehova Leza wanu nkwamutandila, 2#Neh 1:9na mwaboola kuliJehova Leza wanu akuswiilila ijwi lyakwe, mbubonya mbundamulailila buzuba obuno, nywebo abana banu, camoyo woonse acamuuya woonse, 3#Int 106:45; 126:1,4; Jer 29:14; Malo 3:22; Int 147:2; Jer 32:37; Ezk 34:13lino Jehova Leza wanu uyoolobya buzike bwanu, uyoomufwida luzyalo akumuyobolola alimwi kuzwa kumasi oonse Jehova Leza wanu nkwaakamutandilide. 4#Dt 28:64; Neh 1:9Nekuba kuti batandidwe banu bali kumagolelo aanyika, Jehova Leza wanu uyoomugwisya kuzwa oko akumuboozya. 5Jehova Leza wanu uyoomuboozya munyika njebakavuba bamauso, kuti mwiivube, nkabela uyoomupa coolwe akumuvuzya kwiinda bamausowanu. 6#Dt 10:16; Ezk 11:19Jehova Leza wanu uyoopalula myoyo yanu amyoyo yalunyungu lwanu, kuti muyandisye Jehova Leza wanu camoyo woonse acamuuya woonse, kuti mube abuumi. 7Lino Jebova Leza wanu uyookazika lutuko olu loonse kulibasinkondonyoko akulibaabo bamusulide ibakali kumupenzya. 8Anywebo muyooboola alimwi kuswiilila ijwi lya-Jehova akubamba milazyo yakwe yoonse njendamulailila buzuba obuno. 9#Ezk 34:27; Jer 32:41; 33:9; Zef 3:17; Lk 15:6,10,32; Joh 15:11Nkabela Jehova Leza wanu uyoomuvuzizya coolwe mumilimo yoonse yamaanza aanu, munyungu zyamibili yanu amunyungu zyaŋombe zyanu amunyungu zyamicelo yanyika yanu, nkaambo Jehova uyookondwa alimwi kumupa coolwe, mbubonya mbwaakakondwa kulibamausowanu, 10nkokuti na mwaswiilila ijwi lya-Jehova Leza wanu akubamba milazyo yakwe ambeta zyakwe zilembedwe mubbuku eli lya-Mulao, na mwaboola kuli-Jehova Leza wanu camoyo woonse acamuuya woonse.
Inzila yabuumi anzila yalufu
11 #
Is 45:19
Nkaambo mulazyo oyu ngundamulailila buzuba obuno tuuyoosyi pe, alimwi tuuli kule. 12#Rom 10:6-8; Tus 30:4; Joh 3:13Tuuli kujulu; tamukonzyi kwaamba kuti, Ngwani uukonzya kuya kujulu kuyoouleta, kuti tuuswiilile akuucita? 13Tuuli mutala alwizi; tamukonzyi kwaamba kuti, Ngwani uukonzya kuzubuka lwizi kuyoouleta, kuti tuuswiilile akuucita? 14Pe! Ijwi lili kufwaafwi loko, lili mukanwa lyanu amumyoyo yanu.
15 #
Mk 16:16; Joh 3:16; Gal 3:13,14; 1 Joh 3:23 Amubone! Buzuba obuno ndamubikila buumi acoolwe, lufu amapenzi. 16Na mwaswiilila milumbe ya-Jehova Leza wanu njendamulailila buzuba obuno, na mwayandisya, Jehova Leza wanu, na mweenda munzila zyakwe akubamba malailile aakwe amilazyo yakwe ambeta zyakwe, muyoopona akwaanda, nkabela Jehova Leza wanu uyoomulongezya omo munyika njemuyoovuba. 17Pele na myoyo yanu yaleya, na mwabula kuswiilila, na mwaongelezegwa kukotamina baleza bambi milimo, 18#Dt 4:26; 8:19; Jos 23:15,16; Is 63:17,18ndamuzibya buzuba obuno kuti ncobeni muyoonyonyooka; tamukooyoongola munyika eyo njemuyoovuba omo mutala lya-Jordano. 19Ndatamba ijulu anyika buzuba obuno, kuti zyoonse zibe bakamboni bangu, kuzibwe kuti buumi alufu, lulongezyo alutuko, zyoonse ndazibika kuti mulisalile. Amusale buumi, kuti mupone, nywebo abana banu. 20#Matl 12:7; 13:15; 15:18; 26:3; 28:13; Job 12:10; Int 27:1; 66:9; Dan 5:23; Joh 11:25; Inc 17:25,28; Inc 7:5Amuyandisye Jehova Leza wanu, amuswiilile ijwi lyakwe, amumukakatile, nkaambo kucita obo kulamuletela buumi akoongola, kuti mukale munyika eyo Jehova njaakakonkezya kupa bamausowanu, Abrahamu a-Izaka a-Jakobo.
Currently Selected:
Deuteronomo 30: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.