Deuteronomo 27
27
Bantu mbubakalaililwa kulemba milao amabwe mutala lya-fordano
1Lino Musa abapati ba-Israyeli bakalailila bantu kuti, Amubambe malailile oonse ngensi mulailile buzuba obuno. 2#Jos 4:1; 8:30-32Lino mubuzuba obo nimuyoozubuka Jordano kuya kunyika Jehova Leza wanu njamupa, muleelede kuliyakila mabwe mapati akwaalamba amulambo, 3mukalembe alingao majwi oonse aamilao eyi. Amucite obo kuciindi cakuzubuka kuyoonjila munyika njamupa Jehova Leza wanu, nyika iikunka malili abuci, mbubonya mbuli Jehova Leza wabamauso mbwaakamwaambila. 4#Dt 11:29; Jos 8:30Mwazubuka buyo Jordano, amuyake mabwe aya ngendamulailila sunu acilundu caEbala, mukaalambe amulambo mpoonya awo. 5#Kul 20:25; Jos 8:31Alimwi amuyakile Jehova Leza wanu cipaililo nkukonya oko, nkokuti cipaililo camabwe; mutabelesyi cibezyo cabutale alincico. 6Amuyakile Jehova Leza wanu cipaililo camabwe aatabezedwe, mukatuulile Jehova Leza wanu zituuzyo alincico. 7Amutuule zipaizyo zyakutontozya nkukonya oko, mukalye akusekelela kubusyu bwaJehova Leza wanu. 8#Hab 2:2Alimwi amulembe mpoonya awo amabwe majwi oonse aamilao eyi. Amwaalembe kabotu kabotu.
9Mpawo Musa abapaizi ba-Levi bakaambila ba-Israyeli boonse kuti, Amuumune, muswiilile noba-Israyeli. Buzuba obuno mwaba bantu baJehova Leza wanu. 10Amuswiilile ijwi lya-Jehova Leza wanu, mubambe milazyo yakwe ambeta zyakwe nzendamulailila buzuba obuno.
Lulongezyo lwaku-Gerizimu alutuko lwaku-Ebala
11Lino mubuzuba obo Musa wakalailila bantu kuti, 12#Dt 11:29; Jos 8:33-35; Bab 9:7Mwazubuka Jordano, mbaaba beelede kwiima kuti balongezye bantu acilundu caGerizimu: Simeoni, Levi, Juda, Isakara, Josefa, a-Benjamini. 13Abaaba mbobeelede kwiima acilundu ca-Ebala kuti batuke: Rubeni, Gadi, Aseri, Zebuloni, Dani a-Nafitali. 14#Dt 33:10; Jos 8:33; Neh 8:7,8; Dan 9:11; Mal 2:7-9Nkabela ba-Levi baleelede kwaambila bantu boonse ba-Israyeli ajwi ipati, cakuti.
15 #
Kul 20:4; 34:17; Lev 19:4; 26:1; Dt 4:15-18; 5:8; Is 44:9; Hos 13:2; My 5:22; Jer 11:5; 1 Kor 14:16 Uli alutuko muntu uupanga cikozyano cibezedwe cifulidwe, cisesemyo kuli-Jehova, milimo yamaanza aamufuzi, akuciimika mucinkutikwa. Lino bantu boonse bavuwe cakwaamba kuti, Akube boobo.
16 #
Kul 20:12; Dt 5:16; Lev 19:3 Uli alutuko muntu uusampaula wisi abanyina. Lino bantu boonse baambe kuti, Akube boobo.
17 #
Dt 19:14; Tus 22:28 Uli alutuko muntu uusunzulula munyinza wamweenzinyina. Lino bantu boonse baambe kuti, Akube boobo.
18 #
Lev 19:14; Job 29:15; Tus 28:10; Mt 15:14; Ciy 2:14 Uli alutuko muntu uulebya moofu munzila, Lino bantu boonse baambe kuti, Akube boobo.
19 #
Kul 22:21; 23:9; Lev 19:33-34; Dt 10:18; 24:17-18; Mal 3:5 Uli alutuko muntu uubisya imbeta zyabeenzu na zyabamucaala na zyabamukabafu. Lino bantu boonse baambe kuti, Akube boobo,
20 #
Lev 18:8; 20:11; Dt 22:30; 1 Kor 5:1 Uli alutuko muntu uulalika mukawisi, nkaambo wausya wisi insoni. Lino bantu boonse baambe kuti, Akube boobo.
21 #
Kul 22:19; Lev 18:23; 20:15 Uli alutuko muntu uulalika munyama naba umwi. Lino bantu boonse baambe kuti, Akube boobo.
22 #
Lev 18:9; 20:17; 2 Sam 13:1 Uli alutuko muntu uulalika mucizi wakwe, naba mwana wawisi naba mwana wabanyina. Lino bantu boonse bambe kuti, Akube boobo.
23 #
Lev 18:17; 20:14 Uli alutuko muntu uulalika banyinazyala, Lino bantu boonse baambe kuti, Akube boobo.
24 #
Lev 24:17; My 35:31 Uli alutuko muntu uuma mweenzinyina cakuyubilila, Lino bantu boonse baambe kuti, Akube boobo.
25 #
Kul 23:7; Dt 10:17; 16:19; Int 15:5; Ezk 22:12 Uli alutuko uulya makulo kuti ajaye muntu uutakwe kaambo, Lino bantu boonse baambe kuti, Akube boobo.
26 #
Gal 3:10; Int 119:21; Jer 11:3 Uli alutuko muntu uutazuminini majwi oonse aabbuku eli lya-Mulao kuti aazuzikizye. Lino bantu boonse baambe kuti, Akube boobo.
Currently Selected:
Deuteronomo 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.