2 Samuele 7
7
Natani mbwaakasinsimina Davida makani aamwanaakwe mbwazooyakila Leza iŋanda
1 #
1 Mak 17:1; Dan 4:29,30 Lino mwami naakakede muŋanda yakwe, alimwi Jehova naakaumuzya basinkondonyina boonse kumabbazu oonse, 2#2 Sam 5:11; Kul 26:1; 40:21elyo mwami wakaambila Natani musinsimi kuti, Bona! Mebo ndikede muŋanda yaziyako zyakedari, pele ibbokesi lya-Leza lilikede muŋanda yamasani buyo. 3#1 Bam 8:17; 1 Mak 22:7; 28:2Mpawo Natani wakaambila mwami kuti, Mbubo, kocita coonse cili mumoyo wako, nkaambo Jehova uli ayebo.
4Pele ayo masiku ngaonya ijwi lya-Leza lyakasika kuli-Natani, liti, 5Koya ukaambile mulanda wangu Davida kuti, Mbuboobu mbwaamba Jehova. Ulayanda kundiyakila iŋanda yakukala na? 6#1 Bam 8:16Ncobeni nsina kuba aŋanda yakukala ciindi coonse kuzwa kubuzuba obo mbundakapozya bana ba-Israyeli kuzwa kucisi ca-Egepita akusikila kuciindi ecino. Ndali kweendeenda muŋanda yamasani na mucilao. 7#Lev 26:11; Dt 23:14; 2 Sam 5:2; Int 78:72; Ezk 34:2,15,23; Mt 2:6; Inc 20:28; 1 Pet 5:2Lino koonse nkundakali kweendeenda abana ba-Israyeli boonse, sa ndakaambila naba umwi wababetesi ba-Israyeli mbundakeembezya bantu bangu ba-Israyeli ijwi lili boobo? Sa ndakati, Nkaambonzi nomutandiyakila iŋanda yazisamu zyakedari? 8Lino majwi ngoelede kwaambila mulanda wangu Davida ngaaya, Amba kuti, Mbuboobu mbwaamba Jehova wamakamu makamu, Ndakakugwisya kucimpati nkowakali kweembela imbelele kuti ube mweendelezi wabantu bangu ba-Israyeli. 9#Matl 12:2; 1 Mak 17:8; Lk 1:52Alimwi ndakali ayebo koonse nkuwakali kuya, ndakanyonyoona basinkondonyoko boonse kubusyu bwako, nkabela ndakakucitila impuwo impati mbuli impuwo yabantu bapati baansi. 10#Int 44:2; 80:8; Jer 24:6; Am 9:15Lino bantu bangu ba-Israyeli ndabapa busena bwakukala, njoobazitikizya mpoonya awo, kuti bakalilile kulimbabo akutatuntulika limbi, Nkabela bana ba-Saatani tabakooyoobakataazya limbi mbuli mbubakabakataazya kukusaanguna, 11kuzwa kuciindi eciya nindakabika babetesi kuti babe basilutwe babantu bangu. Nkabela njookuumuzizya basinkondonyoko boonse. Jehova wakwaambila kuti, Mebo nde-Jehova njookwiimikizizya iŋanda. 12#Int 89:3-4; 132:11; Joh 7:42; Inc 2:30; 13:36; 1 Bam 2:1; 8:20; Dt 31:16; Is 11:1-3,10Alimwi mazuba aako aakukala ansi naazoomana nosi kaone abauso baciindi, elyo njoobusya mwana wako iwakazyalwa kumaala aako, kuti alye izina lyako, nkabela njooimikizya bwami bwakwe. 13#1 Bam 5:5; Int 89:4Ngonguwe uusi yakile izina lyangu iŋanda, nkabela cuuno cabwami bwakwe njoociimikizya akutamani. 14#Int 89:26-27,30; 2 Kor 6:18; Heb 1:5Njoomubeda mbuli wisi, alakwe uzooba mwanaangu. Na wabisya, njoomuuma amusako wabantu azyuumo zyabana ba-Adamu, 15#1 Sam 15:23pele buuya bwangu nsikooyoomunyanzya mbubo pe. Nsikonzyi kumunyanzya mbuli mbundakanyanzya Saulo iwakasaanguna kugwisigwa nowakataina kupegwa bwami. 16#Int 89:36-37; Joh 12:34Nkabela iŋanda yako abwami bwako zilaima nji kukabe kutamani, acalo cuuno cako cilaimikwa kabotu mazuba oonse. 17Lino Natani wakaakwaambila Davida majwi aya oonse aacilengano coonse.
18 #
Matl 32:10
Mpoonya awo mwami Davida wakaakukala kubusyu bwa-Jehova, wakati, Ino mebo ndimeni, amukowa wangu uli buti, O Mwami Jehova, nondisisya kubulemu buli boobu? 19#Is 55:8Alimwi aya makani akali mbuli makani maniini buyo kumeso aako, O Mwami Jehova, nkaambo waamba aabasiŋanda bangu abakuciindi ciciza cicili kule. Sa mbuboobu mbuubede mulao wabantu, O Mwami Jehova? 20#Matl 18:19; Int 139:1Lino sa kacisyeede ijwi Davida ndyakonzya kukwaambila? Nkaambo ulindizi mwembede ndemulanda wako, O Mwami Jehova, 21#Ef 4:32Nkaambo kajwi lyako akuyanda kwamoyo wako ncowacitila aya malweza oonse kuti mulanda wako aazibe. 22#1 Mak 16:25; 2 Mak 2:5; Int 48:1; 86:10; Jer 10:6; Dt 3:24; 4:35; 1 Sam 2:2; Int 86:8; 89:6; Is 45:5Nkaambo nduwe mupati, o Leza Jehova. Taakwe umbi uuli mbuli nduwe, taakwe Leza umbi, pe, mbuli mbutwaswillila amatwi esu. 23#Dt 4:7,34; 33:29; Int 147:20; Neh 1:10Nguli musyobo umwi waansi ano uuli mbuli bantu bako ba-Israyeli, Leza mbaakaakunununa kuti babe bantu bakwe, kuti alijanine izina lili ampuwo? Wakamucitila makani mapati, akutondezezya cisi cako malweza kumeso aabantu bako mbowakavuna kuzwa ku-Egepita akumasi akumizimu yao, 24#Dt 26:18Ncobeni wakalisalila bantu bako ba-Israyeli kuti babe musyobo wako lyoonse, nkabela webo, O Jehova, wakaba Leza wabo. 25Lino, O Leza Jehova, eli ijwi ndyoamba aamulanda wako abasiŋanda bangu kolimikizya lyoonse, kuti ucite mbubonya mbuwaamba. 26#Int 72:19; Mt 6:9Izina lyako libe abulemu lyoonse akutamani, kukaambwe kuti, Jehova wamakamu makamu ngu-Leza uuendelezya ba-Israyeli, ayalo iŋanda yamulanda wako Davida iime nji kubusyu bwako. 27Nkaambo nduwe Jehova wamakamu makamu Leza wa-Israyeli. Wandiyubunwida ndemulanda wako kuti, Njookuyakila iŋanda. Nciceeco moyo wangu ndemulanda wako ncuuyandila kukukombela eci cikombyo. 28#Joh 17:17Lino O Mwami Jehova, nduwe Leza, amajwi aako ngalusinizyo. Wandisyomezya ndemulanda wako eci cintu cibotu, 29Lino kotalika kulongezya ciinga cangu ndemulanda wako, kuti cikalilile kubusyu bwako lyoonse, nkaambo mbuboobo mbuwaamba, o Mwami Jehova. Ciinga cangu ndemulanda wako cilongezegwe alulongezyo lwako mazuba oonse akutamani.
Currently Selected:
2 Samuele 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.