1 Samuele 22
22
Davida mbwaakaakukala mumpangala ya-Adulamu
1 #
Int 57:1; 142:1; Jos 12:15; 2 Sam 23:13; 1 Bam 17:3; Mik 1:15; Heb 11:38 Lino Davida wakazwa oko, wakacijila kumpangala ya-Adulamu. Nkabela babunyina bakwe abamukowa boonse bawisi nibakaswiilila, bakainka kulinguwe oko nkukonya. 2#Bab 11:3Mpawo kwakayoboloka kulinguwe boonse bantu ibakapengede aboonse ibakajisi zikoloto aboonse ibakabijilidwe mumyoyo, wakaba mwami wabo, nkabela abo ibakaba awe kabali mbuli myaanda yone.
3 #
Matl 47:11; Kul 20:12; Lev 19:3; Dt 5:16; Tus 10:1; 23:24; Mt 19:19; Joh 19:25-27; Ef 6:2; 1 Tim 5:4 Elyo Davida wakazwa oko, wakaya kuli-Mizipa waku-Moabu, wakaambila mwami wa-Moabu kuti, Sa inga bata abama baleza okuno kulinduwe, mane nkazibe Leza mbati ndicitile. 4Elyo wakabatola kumwami waMoabu, nkabela bakakala awe mazuba oonse Davida ngaakakede mumpangala. 5#2 Sam 24:11; 1 Mak 21:9; 2 Mak 29:25Lino musinsimi Gadi wakaambila Davida kuti, Toelede kukala mumpangala. Kozwa, uye kucisi ca-Juda. Mpawo Davida wakainka, wakatozya kulusaka lwa-Hereti.
Saulo mbwaakajaya bapaizi boonse baku-Nobi
6Lino Saulo wakamvwa kuti Davida ulijenwe, abantu mbaakali abo. Nkabela Saulo wakakede mu-Gibeya munsi lyamusika wamu-Rama, isumo lyakwe lyakali mujanza lyakwe, abalanda bakwe boonse bakaliimvwi kulinguwe. 7#1 Sam 8:14Mpawo Saulo wakaambila balanda bakwe mbakaimvwi abo kuti, Amuswiilile nubana ba-Benjamini. Sa mwana wa-Jese ulampua nyoonse nyika yakulima amyuunda yamasaansa na? Sa ulamucita basilutwe bankamu zyacuulu azyamwaanda na? 8#1 Sam 20:2; 18:3; 23:16-18Ino nkaambonzi nyoonse mwandivwiya kuti kutabi naba omwe uundaambila makani aya aakuti mwanaangu ulitangene buzolwani amwana wa-Jese? Taakwe akati kanu uundifwida insoni akundaambila mwanaangu mbwaabusya sinkondoma kuti andiyubilile mbuli mbwacita sunu. 9#1 Sam 21:1,7; 14:3Nkabela mpawo wakamvwa Doegi mu-Edomi, ngonguwe iwakajisi bwami bwabalanda ba-Saulo, wakati, Ndakamubona mwana wa-Jese wakasika ku-Nobi kuli-Ahimeleki mwana wa-Ahitubu. 10#My 27:21; 1 Sam 21:6,9Nkabela wakamubuzizya kuli-Jehova akumupa bulilu, alimwi wakamupa ipanga lya-Goliati mu-Filisti.
11Mpawo mwami wakatuma kuyoomwiita Ahimeleki mwana wa-Ahirubu mupaizi, abalo boonse bamukowa wawisi bapaizi baku-Nobi, Elyo boonse bakasika kumwami. 12Lino Saulo wakati, Swiilila, mwana wa-Ahitubu. Wakavuwa kuti, Mpendi, mwami. 13Nkabela Saulo wakamwaambila kuti, Nkaambonzi nomwandivwiya amwana wa-Jese? Nkaambonzi wamupa zilyo apanga, akumubuzizya kuli-Jehova, kuti andibukile akundiyubilila mbwacita sunu? 14#1 Sam 19:4,5; 20:32; 24:11; Tus 31:9Lino Ahimeleki wakavuwa kuti, Ma! Nguni akati kabalanda bako boonse uusyomeka mbuli Davida? Sa teensi mukwe wamwami na? Sa teensi silutwe wabasikukulanga na? Sa tali mulemu muŋanda yako na? 15Lino ntalike buti sunu kumubuzizya kuli-Leza? Ndicitondedwe. Mwami atandibiki kaambo, mebo nanka basimukowa boonse babata, nkaambo mebo ndemulanda wako taakwe cintu ncenzi, niciba cipati niciba ciniini, kumakani aya ngoamba. 16Elyo mwami wakati, Ncobeni uleelede kufwa, Ahimeleki, webo abasimukowa boonse babauso. 17#Kul 1:17; Inc 4:19; 5:29Mpawo mwami wakaambila batumwa mbaakaimvwi abo wati, Amuboole, mubajaye bapaizi ba-Jehova, nkaambo abalo balagwasya Davida, nkaambo bakalizi kuti waloboka, pele teebakandilwiida makani pe, Pele balanda bamwami teebakali kuyanda kuti maanza aabo abaume bapaizi ba-Jehova. 18#Int 12:5; Tus 28:15; 1 Sam 2:31; Kul 28:40Lino mwami wakaambila Doegi kuti, Boola webo, ukabaume bapaizi. Elyo Doegi mu-Edomi wakaboola kuzoobauma bapaizi, nkabela mubuzuba obo wakajaya bantu bali makumi aali musanu aatatu abasanu ibakasamide cikobela cituba cabupaizi. 19#Neh 11:32; Is 10:32; Job 20:19,20; Int 10:1-18; Is 26:13Awalo Nobi munzi wabapaizi wakausaala apanga, Baalumi abanakazi, bana balesi abacinyonka, iŋombe ambongolo ambelele, zyoonse buyo wakaziiaya apanga. 20#1 Sam 23:6; Bab 9:5; 1 Sam 2:33; Job 1:15,19Pele kwakaloboka umwi mwana wa-Ahimeleki mwana wa-Ahirubi, izina lyakwe kali Abiyatare. Oyu Abiyatare wakacijila kuli-Davida, 21wakamwaambila kuti, Saulo uliiayide bapaizi ba-Jehova. 22Nkabela Davida wakaambila Abiyatare kuti, Mubuzuba obo mbwaakaliwo Doegi mu-Edomu, ndakaziba kuti ncobeni ulaambila Saulo. Ndime ndakaletelezya lufu lwabasimukowa babauso boonse. 23#1 Bam 2:26; Mt 24:9; Joh 15:20,21; 16:2; Heb 12:1-3Atukale ayebo. Utayoowi pe, nkaambo oyo uuyandaula kundinyanzya buumi bwangu ngonguwe uuyandaula kukunyanzya buumi ayebo. Ndakubamba kabotu.
Currently Selected:
1 Samuele 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
