1 Petro 4
4
1 #
Rom 6:2,7 Lino mbuli Kristo mbwaakatupengela mumubili, anywebo amuliyumye amuyeeyo oyu nguwenya wakuti kufumbwa muntu uupengede mumubili ulaanzeene kucibi, 2#1 Joh 2:16,17kuti kuciindi coonse cicimusyaalide ansi ano mutaceendi muzisusi zyanyama pele mumakanze aa-Leza, 3#Ef 2:2,3; Tit 3:3Nkaambo cakomena ciindi ncimwakasowa kale kukucita mbuli mbubacita bamasi. Mwakali kweenda mubumpuwe amuzisusi zibi, mukukolwa amunjalalando, muku senga bukoko amukukomba mizimo iitondwa, 4lino sunu balagamba kubona kuti tamuceendi abo mukuya buvuzya butaka, nkabela balamuvwiya ankuko. 5#Inc 10:42; 2 Tim 4:1; Rom 14:9,10Pele bayoolivwiilila kulinguwe uuti beteke bantu boonse buyo, baumi abafwide. 6#1 Pet 3:19; Rom 8:10; 1 Kor 5:5Nciconya eco Makani Mabotu ncaakakambaukilwa kulibafwide, kuti nobabetekwa ambobabetekwa bantu mumibili, bakapone mbwapona Leza mumuuya.
Mamanino aaciindi ali afwaafwi
7 #
1 Kor 10:11; 1 Joh 2:18 Lino mamanino aazintu zyoonse ali afwaafwi. Amulibatamike akulisitikizya kukukomba. 8#Tus 10:12; 1 Pet 1:22; Jak 5:20; 1 Kor 13:7Kwiinda zyoonse amusungwaale kuyandana, nkaambo luyando ndoluvumba zibi zinjizinji. 9#Heb 13:2Amukasamausyanye, mutatongaukani. 10#Lk 12:42Kufumbwa zipego zya-Muuya nzimutambwide, amugwasyanye anzizyo, nkaambo mbubonya obu mbubeelede abo baabilwa luzyalo lwa-Leza lubeleka muziyanza ziyanza. 11#Rom 3:2; 12:7; 1 Kor 10:31Naakuli uukambauka, akambauke mbuli uuamba majwi aa-Leza. Naakuli uubeleka milimo, abeleke kunguzu nzyamupa Leza, kuti kumakani oonse Leza akalemekwe muli-Jesu Kristo, Ngonguwe ngusyaatwakwe abulemu abwami lyoonse alyoonse kukabe kutamani. Ameni.
Ulabakombelezya kuti babe banakristo bayumu
12 #
1 Pet 1:6,7 Nomuyandwa mutagambi aamasukusyo aayaka mhuli mulilo aamusikila kuti musukusigwe ngao. Mutayeeyi kuti mwasikilwa cintu ceenzu, 13#Inc 5:41; Jak 1:2; Rom 8:17; 2 Tim 2:12pe, nkaambo mwaba bapenzinyina Kristo, aboobo muleelede kukondwa, kuti mukakondwe akusekelela kuciindi eco acalo ncibuyooyubununwa bulemu bwakwe. 14#1 Pet 2:20; Is 11:2; Int 89:50,51Na mwasampaulwa nkaambo kazina lya-Kristo, elyo muli basicoolwe, ikuti ndilyonya ndimukalilide Muuya wabulemu, nkokuti Muuya wa-Leza. 15Tacili cibotu kuti umwi wanu wapenzegwa nkaambo kabujayi na kubba na kucita zibi, nanka nkaambo kakuti ngusindimi zyobile, 16#Inc 11:26; Flp 1:20pele na ulapenzegwa nkaambo kabunakristo bwakwe, eci tacili cintu cakumufwisya bweeme, pe, ncintu nceelede kulumba Leza,
17 #
Ezk 9:6; Jer 25:29; 2 Tes 1:8 Casika ciindi calubeteko, nkabela lulatalikila k uciinga ca-Leza. Pele na lwatalikila kulindiswe, ino balacitilwa buti abo batazumina ku-Makani aa-Leza? 18#Tus 11:31; Lk 23:31Na nciyumu akubaluleme kufutulwa, ino balaba buti basikasampusampu abasizibi. 19#Int 31:5Eno abo bapenga caluyando lwa-Leza kabaya bucita milimo mibotu akupa myuuya yabo mumaanza aa-Leza Cilenga uusyomeka.
Currently Selected:
1 Petro 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.