1 Petro 3
3
Zyeelelo zyabakazi azyabalumi
1 #
Ef 5:22; Kol 3:18; Tit 2:5 Mbubonya obo, anywebo nobanakazi, amulibombye kubalumi banu nobeni, kuti kwanooli bamwi bataswiililisyi kumakani, basanduke nkaambo kanyendelo zyabakazi babo, kuti tabaambilwi zintu, 2#1 Pet 2:12kukulangilila inyendelo zyanu zisalala nzimweendela cakuyoowa. 3#1 Tim 2:9; Is 3:18-24Kulisakatizya kwanu kutabi kwaatala, kwakupesa masusu akusama ingolida akusamisya masini, 4akube kwamukati kamoyo, nkokuti lulisakatizyo lwamoyo mubombe mutontozi, uuyandika loko mumeso aa-Leza, 5Nkaambo mbubonya obo mbobakali kulisakatizya anakazi basalala baciindi abakali kusyoma kuli-Leza. Bakali kulibombya kubalumi babo. 6#Matl 18:12; Tus 3:25Mulizi Sara mbwaakali kuswiilila kuli-Abrahamu akumwaamba kuti mwami, nkabela nywebo muli bana ba-Sara na mwacita kabotu akutazundwa kumacijo aali buti.
7 #
Ef 5:25; Kol 3:19 Anywebo nobalumi, mbubonya obo, amukale kabotu abakazi banu, nkaambo mukazi uli mbuli cilongo cikompeme, mulumi nguuinda inguzu, Amubalemeke, mbobali baswaananyoko kubuumi mbomuti pegwe, kuti kukomba kwanu kutabi kwabuyo.
Makani aakuyandana akulibombya akulekelelana
8 #
Rom 12:16
Eno kukumana, amube amoyo omwe, amube akweetelelana akuyandana kwabunyina, aluzyalo, amoyo mutete. 9#Int 34:12-16; Jak 1:26; Mt 5:44; 1 Tes 5:15; 1 Pet 2:23Mutabweedezyi cibi kucibi, naaba matusi kumatusi, pe, embo, pele amubweedezye kulongezya. Nkaambo nciconya eci, ncimwakaitilwa, kuti mukavube zilongezyo nobeni, 10#Int 34:12-16; Jak 1:26Nkaambo kulaambwa kuti,
Uuyandisya kubona buumi,
Akulijanina mazuba mabotu,
Alesye lulimi lwakwe kububi,
Amulomo wakwe utaambi calweeno,
11Aleye kububi, acite kabotu.
Ayandaule luumuno akulutobela.
12Nkaambo meso aa-Jehova ali kubaluleme,
Amatwi aakwe alijukide kukukomba kwabo,
Pele busyu bwa-Jehova mbukali kulibacitazibi.
Waamba kuti, Bali acoolwe bapenzinyina Kristo
13Ino nguni uuti mubisye mwasungwaalila zintu zibotu? 14#Mt 5:10; Is 8:12-13; 1 Pet 2:20Pele nekuba kuti mwapenzegwa nkaambo kabululami, mulaba basicoolwe. Mutayoowi kuyoosya kwabo, nikuba kulikataazya, 15#Is 8:13; 1 Pet 1:3,13pele amulemeke Kristo mumyoyo yanu kuti ngo-Mwami. Amube balibambide lyoonse, kuti mubapandulwide boonse bamubuzya makani aalusyomo lumukalilide, pele amuvuwe amoyo mutete akuyoowa Leza. 16#1 Pet 2:12Alimwi amube amanjezeezya aasalala, kuti nobamuvwiya kuti muli babi, bakausidwe bweeme abo basendaula kweenda kwanu kubotu kwabanakristo.
17 #
1 Pet 2:20-24
Nkaambo kakuti ncibotu kupenzegwa ciindi cakucita kabotu, nobuti be boobo bukanze bwa-Leza, kwiinda kupenzegwa nkaambo kakucita zibi.
18 #
Rom 6:10; Ef 2:18; Heb 9:28; 10:10 Nkaambo kakuti alakwe Kristo wakafwida kale zibi, uululeme wakafwida bataluleme, kuti atuswenye kuli-Leza. Wakajayigwa kumubili, pele wakabusigwa kunguzu zya-Muuya. 19#1 Pet 4:8Mbubonya obo mbwaakainka kuyookambaukila myuuya iyakaangidwe, 20#Matl 6:1–7:7,17,24njenjiyo iyakaba basicinguni kalekale, ciindi Leza ncaakacili kukazika moyo wakwe mumazuba aa-Nowa, naakacili mukuyaka bwaato. Mumonya omo mubwaato mumwakavunwa kumaanzi bantu bace, nkokuti bali musanu mubatatu. 21#Ef 5:26; Heb 10:22Aya makani ncecikozyano calubapatizyo mboluvuna ndinywe sunu (taakweensi kwaamba kuti mwalisalazya kutombe lyamubili, pele nkokuti mulayandaula manjezezya mabotu mumeso aa-Leza) kububuke bwa-Jesu Kristo, 22#Ef 1:20,21; Int 110:1; Kol 1:16uukala kululyo lwa-Leza, nkaambo wakainka kujulu, abaangelo abasibwami abasinguzu boonse balibikidwe kunsi lyakwe.
Currently Selected:
1 Petro 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.