Romaq 2

Garai Gasang Târâ Jéyáng É Hkyô

1Haû mù luî, góyùq lé târâ jéyáng é sû nàng ê, nàng gi, mara mai wó he lùt râ hkyô a jòq lo; hkâsu mù gâ le, nàng yhang jéyáng nyî luî, mû haú pé lé, nàng kut nyi é yánmai, byù góbang lé jéyáng é hkûn, náng gûng nàng mara byî nyì bê nghut ri. 2Haú dông kut nyi é bang lé, Garai Gasang gi, tengmán é dông târâ jéyáng é lé, ngá-nhúng sê nyi lhê. 3Haû mù, byù za nghut to luî, góbang lé gi, jéyáng mù, yhûmsîng gi, haú dông roq châng kut nyi é sû nàng ê, nàng gi, Garai Gasâng é târâ jéyáng hkyô mai wó hpang lùt râ su ngam nyi lhê lhú? 4Haû a nghut jáng, nàng gi, Garai Gasâng é ge é hkyo èq nang lé myìt wó shuî lhîng nhang é lé a sê é za, Yhâng é agùn agó é ge é hkyô lé le, myìt hing é hkyô eq jân shirang é hkyô lé le, wú tiq pyâm nyi lhê lhú?

5Nghut kôlhang, náng é myìt htân hkyô eq myìt a lhing é nhiklhûm é yánmai, haû Garai Gasang díngmán é dông târâ jéyáng shit râ nghut é, Yhâng é nhikmó-yô é buìnyì má hkâm zo râ nhikmó-yo hkyô lé, yhûmsing gùng yhang hkong tô nyì bê nghut ri. 6Garai Gasang gi, yùq hkangmó lé, ó le ó kut é má cháng luî, hkâm zo nhâng râ nghut lhê. 7Jân shirâng mù, ge é hkyô kut nyi é dông, hpungwup shingkang lé le, xânghpoq nge wó hkyô eq htên byòq a sê é hkyô lé le, ho é bang lé, Yhang gi, ahtum abyùq é chyungxe byi râ nghut lhê. 8Nghut kôlhang, haû yhûmsing wuízàt hkyô za hô luî, tengmán hkyô lé he-ngìk pyám mù, agè ashop hkyô lé cháng bâng é matú gi, nhikmó-yo hkyô eq nhikjum yo hkyô jé râ nghut lhê. 9Wuîhke hkyô eq iyon yon hkyô gi, agè ashop kut é xângzo byù yùq hkangmó chyáng jé râ nghut lhê; sânghi má Yudaq byu pê chyáng jé mù, tûngbaù pê chyáng le jé râ nghut lhê. 10Nghut kôlhang, hpungwup shingkang, xânghpoq nge wó hkyô eq nguì ngón hkyô gi, haû ge é hkyô kut é bang yùq hkangmó chyáng jé râ nghut lhê: sânghi má Yudaq byu pê chyáng jé mù, tûngbaù pê chyáng le jé râ nghut lhê. 11Hkâsu mù gâ le, Garai Gasang gi, myòqdong a hkyin é Sû nghut lhê.

12Haû jep é târâ lé a sê é mara kut shut é bang lhúnglháng gi, jep é târâ dông a nghut é za htên byòq kôrâ nghut lhê. Haû jep é târâ hkaû má mara kut shut é bang lhúnglháng gi, jep é târâ dông jéyáng é hui zo kôrâ nghut lhê.#2:12 Haû jep é târâ lé a sê é bang gâ é gi, tûngbaù pé lé gâ é nghut luî, haû jep é târâ hkaû mâ é bang gâ é gi, Yudaq byu pé lé gâ é nghut lhê. 13Hkâsu mù gâ le, haû jep é târâ lé wó gyô é bang lé, Garai Gasâng é hí má díngmán bang gâ é a nghut é za, jep é târâ lé châng kut é bang za shèq, díngmán bang gâ é hui râ nghut lhê. 14Haû jep é târâ lé a wó é tûngbaù pé gi, jep é târâ hkyô lé, yhang baú yhang châng nyì kô é hkûn, jep é târâ lé a wó kôlhang, yhûmsing gùng yhûmsing é matú târâ dùt bekô nghut ri. 15Yhángmòq gi, haû jep é târâ hkyô pé lé, yhángmòq é i‑myìt ûnghkaû má kâ to bê nghut é lé, tûn shit bekô nghut mù, yhángmòq é myìt má hkâm zô é hkyô le, haú lé sàksé hkám byî nyi é eq, yhángmòq myìt é hkyô gi, ahkuî mara hun kat, ahkuî mara hkyut kat kut nyi ri. 16Haú hkyô gi, ngò taî pyo é gabú danglù eq rajung za, byu pê é zaú nghop tô é hkyô pé lé, Hkrisidùq Yesuq dông mai Garai Gasâng èq târâ jéyáng é buìnyì má dùt râ nghut lhê.

Yudaq Byu Pé Eq Jep É Târâ

17Nghut kôlhang, nàng gi, náng gûng nàng Yudaq byù rayùq nghut lhê ga mù, haû jep é târâ lé lùmhkau nyi é eq Garai Gasang lé xoq é hkyô má nghutbûn nyi é sû; 18Yhang ô nau é hkyô lé sê é eq haû jep é târâ mhoqshit é hkyô wó yû bê nghut é yánmai, je ahkyàk é hkyô lé sê gam hkoq é sû; 19haû jep é târâ má, hpàqchyî eq tengmán hkyo é alik wó sû nghut é yánmai, haû myòqjìt bâng é matú hkyô-u shê sû eq mauchut hkaû mâ é bâng é matú maubó nghut sû; 20byù ngòk pé lé mhoqshit sû eq zoshâng wui é sará nghut sû nghut é lé, sê gyô to sû nghut é nghut le gi, 21nàng, góbang lé mhoq byi sû nhîng, yhûmsing gùng yhûmsîng a mhoq yû lhú? A wó hkau ga hko taí luî nhîng, nàng gi, hkaû lhê a nghut lhú? 22Su-myi sulàng lú hkyô a wó kut ga byu pé lé taí luî nhîng, nàng gi, su-myi sulàng lú hkyô kut lhê a nghut lhú? Hparà lhô lé a naù a wôm dik sû nàng gi, noqkuq yhûm lé hpyoq zo hpyoq shuq nyi lhê a nghut lhú? 23Jep é târâ eq séng luî nghutbun sû nàng gi, haû jep é târâ lé lu laî é dông, Garai Gasang lé a hkúngga kut lhê a nghut lhú? 24Haû gi, “Garai Gasâng é myìng gi, núngmòq é yánmai, tûngbaù pê chyáng lhoqhpoî pyâm é huî ri.”#Esai 52:5 ga kâ tô é eq rajung za nghut ri.

25Haû jep é târâ lé nàng châng é nghut jáng, ahpyo-kuq hpyit hkyô gi, a-kyû bò bê nghut ri. Nghut kôlhang, nàng, jep é târâ lé lu laî é nghut jáng, a hpyit é eq rajung za dùt bê nghut ri. 26Ahpyo-kuq a hpyit kôlhang, jep é târâ hkyô pé lé châng é bang lé gi, ahpyo-kuq hpyit bê bang dông ge són byî lhê a nghut kó lhú? 27Kâ tô é târâ lé wó mù, ahpyo-kuq hpyit hkam to gù nghut é, târâ lu laî é sû nang lé, gùngsho má ahpyo-kuq a hpyit kôlhang, jep é târâ lé châng é sû gi, mara hûn râ nghut lhê.

28Hkâsu mù gâ le, shinggan má za Yudaq byù nghut é sû gi, Yudaq byù kyîng a nghut; gùngsho má za ahpyo-kuq hpyit é gi, ahpyo-kuq hpyit kyîng a nghut. 29Ahte myìt hkaû má Yudaq byù nghut sû za, Yudaq byù kyîng nghut lhê. Kâ tô é târâ dông a nghut é za, So èq myìt má ahpyo-kuq hpyit é gi, ahpyo-kuq hpyit kyîng nghut bê. Haú yùq é hkya-on kúngtôn hkyô gi, byù mai lo é a nghut, Garai mai lo é ru nghut lhê.

Currently Selected:

Romaq 2: znot

Highlight

Copy