Sânghkyang 13
13
1Hpàqchyî bo é zo gi,
yhang wa mhoqshit é dang lé gyô ri;
nghut kôlhang, ahpau ayùm kut sû gi,
tân mhoqshit é dang lé a gyo nghut ri.
2Byù rayùq gi,
yhûmsing é nhutwuî ashi mai,
ge é zè pé lé myang hkam yu é nghut lhê;
nghut kôlhang, a jujúm sû gi,
ashop é dông htân htân kut é hkyô lé,
o gadaú nyi ri.
3Yhûmsing é nhut lé ùpzúng é sû gi,
yhûmsing é chyungxe lé ùpzúng é sû nghut ri;
nghut kôlhang, a myìt wú é za dang taî é sû gi,
htên byòq é hui râ nghut lhê.
4Lagon sû gi, yùt yùt ô nau nyì kôlhang, haî a wó nghut ri;
nghut kôlhang, shi-kùt sû ô nau é hkyô gi,
nhik dìk shoq wó râ nghut lhê.
5Haû díngmán sû gi, mhaû é lé,
a nguì nghut ri;
nghut kôlhang, agè ashop sû gi,
hoq hpu hkyô eq gùng-yuì hkyô
lhoqhtoq ri.
6Díngmán hkyô gi,
jô é têng é hkyô cháng sû lé,
ùpzúng byî ri;
nghut kôlhang, agè ashop hkyô gi,
yubàk byù lé lhoqmhuq lhêng pyâm ri.
7Rayùq yùq gi, sùtzè wó sû su kut mhaú kôlhang,
haî le a wó nghut ri;
rayùq yùq gi, myùng sû su kut mhaú kôlhang, sùtzè myo myo wó ri.
8Byu é sùtzè gi, yhâng é chyungxê é matú,
gùnglik hkungga dùt râ nghut lhê;
nghut kôlhang, myùng sû gi,
tân kyuq é hui râ a nghut.
9Haû díngmán su é maubó gi,
san za dùq bang ri;
nghut kôlhang,
agè ashop su é myibung kúm gi,
shi byùq ri.
10Nghutbûn é hkyô gi,
mabyòq jishûm za lhoqhtoq ri;
nghut kôlhang, hpàqchyî byî é lé
gyô yù sû gi, hpàqchyî byéng-yá wó yu ri.
11A târa é dông wó é ngùnzè gi,
byùq ló byùq râ nghut lhê;
nghut kôlhang,
ra-tsuí tsuí mai tsîng yu é sû gi,
ngùnzè myô lò râ nghut lhê.
12Myòqbyù hkyô lé láng gom jáng,
i‑myìt wum gyuî lhê;
nghut kôlhang, myìt tuî nyi é hkyô
wó dùt bê nghut jáng,
haû gi, chyungxe sikgâm nghut ri.
13Mhoqshit mhoq kyô é dang lé,
wú shôm pyâm é sû gi,
htên byòq byùq râ nghut lhê;
nghut kôlhang,
hkunmó lé hpautap é sû gi,
a-kyû wó yû râ nghut lhê.
14Hpàqchyî bò sû mhoq kyô é dang gi,
chyungxe wuìbúm nghut nyî mù, byù lé,
shî‑nò hkyo é lhaí pé mai,
wó lùt nhâng râ nghut lhê.
15Rago sê gyô é u-nuq bò sû gi,
myòqdong wó ri;
nghut kôlhang,
a jujúm bâng é hkyôwuì gi,
wuî é hkyô nghut ri.
16Nhik gyîng é yùq hkangmó gi,
hpàqchyî bo é dông kut akô nghut ri;
nghut kôlhang, nghâ sû gi,
yhûmsîng ngha é hkyô lé lhoqhtoq shit ri.
17Agè ashop é mang so sû gi,
wuîhke jamjau hui zô ri;
nghut kôlhang, wó lum é lagyo gi,
wángzán hkyô byî é sû nghut ri.
18Mhoqshit é dang lé
haî su a ngàm sû gi,
asho awui dùt é eq,
hoq hpû é hui zô ri;
nghut kôlhang,
lhoqjo byî é lé gyô yù sû gi,
xânghpoq nge wó ri.
19Myìt tuî nyi é hkyô wó dùt bê nghut jáng gi,
i‑myìt nhiklhum lé gyai ngón nhang ri;
nghut kôlhang, ngha é bang gi,
agè ashop hkyô mai lhing pyám râ lé, chaq akô nghut ri.
20Hpàqchyî bò bang eq zùm yàp é sû gi,
hpàqchyî bo lò râ nghut lhê;
nghut kôlhang,
nghâ bâng é byìnzùm nghut sû gi,
hpuzo râ nghut lhê.
21Agè alhó hkyô gi,
yubàk byù lé châng hkat nyi ri;
nghut kôlhang, kô lò lam lò hkyô gi,
díngmán bâng é chyûnghuq nghut nyi ri.
22Byù gè rayùq gi,
zodù awùt ashîn pê é matú,
muìzè myhit to byî ri;
nghut kôlhang, yubàk byu pê é sùtzè gi,
díngmán su é matú hkong to byî é nghut ri.
23Myùng bâng é yò mai gi,
zoshuq agùn agó wó sê lhê;
nghut kôlhang,
târâ ràp-rá hkyô a cháng jáng,
haú pé htên byòq byùq râ nghut lhê.
24Gángse a chung é sû gi,
yhang zo lé a nguì sû nghut ri;
nghut kôlhang, zo lé chyitdàp é sû gi,
zo lé rago za mhoqshit ri.
25Haû díngmán sû gi,
nhik dìk shoq myàng zo myàng shuq ri;
nghut kôlhang, agè ashop bang gi,
zò-mut wuìshit é huî akô nghut ri.
© 2025, Wycliffe Bible Translators, Inc.