Gyung So 34
34
Hkanan Maukyo Pé
1Haû Yhûmsîng Garai gi, Mosheq lé, 2“Haû Isira-elaq byu pé lé îsu nghû hkunmó hkyó aq; ‘Núngmòq Hkanan mau má jé wang ló kô é hkûn, núngmòq sing yù râ silî wunlî maumyî maukyo pé gi, a-ô mâ é eq rajung za nghut lhê.
3Núngmòq é maupyî hkyam shut gi, Zin Yòso mai hî luî, Edom maukyo cháng râ nghut lhê. Maupyî hkyam mâ é maukyo haû gi, Xo Nhong é maupyî hkyam achyûn buìhtoq hkyam mai hî luî, 4maupyî Akrabim#34:4 Akrabim gâ é gi, gogok le gâ é nghut lhê. bùm hkyèt jé, haû mai Zin yòso jé, haû mai Kadesha Barine-a é maupyî jé râ nghut lhê. Haû mai Hazara Adara dòq jé mù, haû mai Azimon hpyot ló ròt ri; 5haú mai, Egutuq ming mâ é Wuìlàng má ló lhing jé luî, Medihteri-an Wuimau má ló htum râ nghut lhê.
6Núngmòq é buìwàng hkyam maukyo gi, Medihteri-an Wuimau yàm nghut râ nghut lhê. Haû gi, buìwàng hkyam shut mâ é núngmòq é maukyo nghut râ nghut lhê.
7Núngmòq é mautsûng hkyam mâ é maukyo gi, Medihteri-an Wuimau mai Hora Bùm jé, 8Hora Bùm mai Lebo Hamat jé, haú mai Zedat ló jé luî, 9Zihpron má lo ròt htoq mù, Hazara Enan má ló htum râ nghut lhê. Haû gi, mautsûng hkyam shut mâ é núngmòq é maukyo nghut râ nghut lhê.
10Núngmòq é buìhtoq hkyam mâ é maukyo gi, Hazara Enan mai Shehpam ló jé râ nghut lhê. 11Shehpam mai Ayin jowo é buìhtoq hkyam mâ é Ribala má gyó jé luî, Galile Nhong é buìhtoq hkyam hkêgyó pé cháng luî, 12Yodan làng má ló gyó jé mù, Xo Nhông má ló htum râ nghut lhê. Haû gi, núngmòq é maumyî eq hau é lhînghkyùq mâ é maukyo pé nghut lhê.’ nghû àq.” ga taî ri.
13Haû mù, Mosheq gi, Isira-elaq byu pé lé, “Maumyî haú lé hkyîn shosé shê mù chôm gam sing yù râ dùt é nghut lhê. Haú lé gi, a-myû up gau up eq a-myû up rahkyam lé byî râ matú haû Yhûmsîng Garai hkunmó hkyô tô é nghut lhê; 14hkâsu mù gâ le, Rubin up, Gat up eq a-myû rahkyam nghut é Manase koq rahkyam gi, yhángmòq é silî wunlî maumyî lé wó yû bekô nghut ri. 15A-myû up í up èq rahkyam shí bang gi, Yerihko wà tû-tap, Yodan làng buìhtoq hkyam má yhángmòq é silî wunlî maumyî myang yù bekô nghut ri.” ga hkunmó hkyô ri.
16Haû Yhûmsîng Garai gi, Mosheq lé, 17“Hkyangjong Ele-aza eq Nun é yhang zo Yoshuq gi, núngmòq é matú silî wunlî maumyî dông, haú lé gàm byi ra râ nghut lhê. 18Núngmòq gi, maumyî haû gam é má bo garúm râ matú a-myû up hkangmó mâ é ushuq rayùq yùq hkyin htoq ra râ nghut lhê. 19Haú bâng é myìng gi,
Yudaq up mâ é, Yehpuna é yhang zo Hkalep;
20Sime-on up mâ é, Amihut é yhang zo Shemu-ela;
21Ben-yamin up mâ é, Hkisilon é yhang zo Elidat;
22Dan up mâ é ushuq nghut sû, Yogili é yhang zo Buki;
23Yosep é yhang zo Manase koq mâ é ushuq nghut sû, Ehpot é yhang zo Hani-ela;
24Yosep é yhang zo Ehprim koq mâ é ushuq nghut sû, Shihpitan é yhang zo Kemu-ela;
25Zebulun up mâ é ushuq nghut sû, Parinak é yhang zo Elizahpan;
26Yisahka up mâ é ushuq nghut sû, Azan é yhang zo Palati-ela;
27Asheri up mâ é ushuq nghut sû, Shelomi é yhang zo Ahihut;
28Naphtali up mâ é ushuq nghut sû, Amihut é yhang zo Pedahela pé nghut akô.” ga taî ri.
29Shí bang gi, Hkanan mau má Isira-elaq byu pé lé silî wunlî maumyî bo gàm byi râ matú, haû Yhûmsîng Garai mai hkunmó hkyô tô é bang nghut lhê.
Currently Selected:
Gyung So 34: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.