Yo-ela 3
3
Byù Myû Wuì Târâ Jéyáng Hui Râ Hkyô
1Buìnyì haú pé eq ahkyíng ayòq haú má,
Yudaq ming eq Yerusalem wà mó mâ é shúm zûng hui bang lé,
Ngò dum shuî taû lo é hkûn,
2Ngò gi, byù myû bànshoq lé rahá lhoqtsîng yù mù,
Yehoshahpat Langhkaû má shuî gyó ê râ nghut lhê.
Ngò gi, Ngá é Isira-elaq byù,
Ngá é silî wunlî a-myû wuì lé yhángmòq kut byi bê é eq rajung za,
yhángmòq lé haú má târâ jéyáng râ nghut lhê;
hkâsu mù gâ le, yhángmòq gi, Ngá é byu pé lé byù myû wui chyáng lhoqpyo hâng kat kômù,
Ngá é maumyî lé gam yu pyám byî akô nghut ri.
3Yhángmòq gi, Ngá é byu pê é matú hkyîn shosé shê kômù,
shiwa myhî pê é matú, yùqgè zô pé lé wuìloq kut luî,
tsibyiq wing shuq râ matú, myiwe zô pé lé ung zô akô nghut ri.
4Gè gè yhang, Turuq wà, Sidon wà eq Hpilisiti mâ é mau bànshoq ê, núngmòq gi, Ngò eq haî sêng lhê lhú? Ngò kut é matú, Ngo lé lató hpuq kôrâ lhú? Núngmòq, Ngo lé lató hpuq é nghut jáng, Ngò gi, núngmòq kut é eq rajung za, han dik é dông eq dàn lòq tung, núngmòq é uhtoq má lató hpuq râ nghut lhê. 5Hkâsu mù gâ le, núngmòq gi, Ngá é ngùn eq hîng lé lú yû mù, Ngá é hpaudap zè pé lé wàq yù luî, núngmòq é hparà yhûm má ló tô tô akô nghut ri. 6Núngmòq gi, Yudaq mau eq Yerusalem wà mó mâ é byu pé lé, yhûmsing é yhum mau eq wê gâng é shut htòt pyám râ matú, Grik byu pê chyáng ung zô pyám bekô nghut ri.
7Wú keq; Ngò gi, yhángmòq lé, núngmòq ung zô kat é jowò pé mai htoq lô râ matú myìt nhaû toq byi râ nghut mù, núngmòq kut é eq rajung za, núngmòq é ulhum htoq má jé nhâng râ nghut lhê. 8Ngò gi, núngmòq é yùqzo byìzô pé lé Yudaq byu pê é lòq má ung zô pyám râ nghut mù, Yudaq byu pé gi, yhángmòq lé, mau we mâ é Sabe-a byù myû chyáng ung zô pyám râ nghut lhê.” gâ ri. Haû gi, Yhûmsîng Garai taí bê nghut ri.
9Byù myû wui chyáng shí hkyô taî pyô keq;
majan zan râ matú hen to keq!
Sârhe pé lé nhaû toq keq!
Gyè zan byù bànshoq gi, huî ê mù, ê htim kó sháng gàq.
10Núngmòq é yò hpuq jòqtoq long lé, shâm bàt htoq mù,
núngmòq é zaiyik lé, lhâm bàt htoq keq.
Wum nyhóm sû lháng gi,
“Ngò wúm bo lhê.” ga taí sháng gàq.
11Lhînghkyùq má nyi é byù myû wuì bànshoq ê,
hân lé lô mù, haú má zùp zing keq.
Yhûmsîng Garai ê, Náng é sârhe pé lé haú má gyó lô nhâng àq!
12Gótû a-myû wuì lé nhaû toq nhâng mù,
Yehoshahpat Langhkaû má dòq wang lò nhâng keq;
hkâsu mù gâ le, haú má, Ngò gi, zùng mù,
lhînghkyùq mâ é byù myû wuì bànshoq lé târâ jéyáng râ nghut lhê.
13Kyô shu yòq jé bê nghut é yánmai,
zaiyik lé hen to keq hkoi.
Tsibyiq shi pyik jang gi, byíng zân luî,
yam pé gi, byíng muî bê nghut é yánmai,
tsibyiq shi lé lé nâng pyeq keq hkoi;
hkâsu mù gâ le, yhángmòq é agè ashop hkyô myô dik é nghut ri.
14Târâ jéyáng é langhkaû má, haû Yhûmsîng Garaî é buìnyì chyáng bê nghut é yánmai,
târâ jéyáng é langhkaû má, byù ajùm ayò,
byù ajùm ayò yhang nyi tô bum ri.
15Buì eq lha-mó gi, nòq byùq râ nghut mù,
kyî pé gi, a dùq bó lo dùt râ nghut lhê.
16Haû Yhûmsîng Garai gi, Zi-un Bùm mai wùt garu mù,
Yerusalem wà mó mai maugum htê pé lhoqhtoq nhâng râ nghut lhê;
mauhkûng eq myigùng rèq rèq nán râ nghut lhê.
Nghut kôlhang, haû Yhûmsîng Garai gi, Yhâng é byu pê é matú,
nghêhkaû jowò dùt mù, Isira-elaq byu pê é matú, gingtíng jowò dùt râ nghut lhê.
Garai Gasâng É Byu Pê É Matú Shimân Jeju Pé
17“Haú hkûn, Ngò, núngmòq é Garai Gasang nghut é, haû Yhûmsîng Garai gi,
Ngá é chyoiyúng Zi-un Bùm má nyi to Sû nghut é lé, núngmòq sé kôrâ nghut lhê.
Yerusalem wà mó gi, chyoiyúng é jowò dùt râ nghut mù,
gó-mîng byu pé gi, haú lé, hkâ-nhám le wó dum htîm wàng râ a nghut lo.
18Haú buìnyì má, bùm pé gi, tsibyiq wing asik yui gyó mù,
kong pé gi, no-naú yuì râ nghut lhê;
Yudaq mau mâ é wuìhkung langhkop pé bànshoq má wuì yuì râ nghut lhê.
Haû Yhûmsîng Garaî é yhûm mai wuìbúm búm htoq lô mù,
Shitim langhkaû má lhoqbam byi râ nghut lhê.
19Nghut kôlhang, Yudaq mau mâ é byu pé lé ashop é dông kut kômù,
yhángmòq é mau má yhang, mara a bo é sui lhoqshûn bekô nghut é yánmai,
Egutuq ming gi, chamchyuîyui é jowò dùt byùq mù,
Edom ming gi, tô hâ tô é dánpyut yòso dùt byùq râ nghut lhê.
20Yudaq ming má gi, ahtum abyùq byù nyì râ nghut mù,
Yerusalem wà mó má gi, pyàt pyàt zaí zaí byù nyì râ nghut lhê.
21Ngò gi, mara a bò bâng é sui lhoqhtoq bang lé,
lató a hpuq é nyi to râ lhú?
A nyi to; Ngò lató hpuq râ nghut lhê.” ga haû Yhûmsîng Garai taî ri.
Haû Yhûmsîng Garai gi, Zi-un Bùm má nyi nyi ri!
Currently Selected:
Yo-ela 3: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
