Hose-a 2
2
1Núngmòq é gu-mang wuì lé, ‘Ngá é byu pé’ nghû mù, núngmòq é nhammó wuî lé, ‘Ngá é chyit sû’ nghû taí keq.
Isira-elaq Lé Mara Dam Byi Mù Dum Hkyi Xe Yu É Hkyô
2Núngmòq é yhâng nu#2:2 Núngmòq é yhâng nu gâ é gi, Isira-elaq lé taî é nghut lhê. lé tan keq; yhang lé tan keq;
hkâsu mù gâ le, yhang gi, Ngá é yhûmsîng myhí a nghut;
Ngò le, yhâng é yhûmsîng hpó a nghut.
Yhang gi, yhâng é myòqdong mâ é shiwa myhí su dùt é hkyô lé le,
yhâng é wànggàng mâ é a jujúm é hkyô lé le, hî pyám sháng gàq.
3Haû a nghut jáng, Ngò gi, yhang lé mèbu hkyut shang pyám byi mù,
yhang hku lé lo é hkûn su gùngchîn dùt nhâng râ nghut lhê;
Ngò gi, yhang lé, dánpyut yòso su dùt nhâng mù,
kyuq huî é maumyî su dùt nhâng luî,
wuìshit mù shî nhâng râ nghut lhê.
4Yhâng é zoshâng wuì gi, myi shut làng shut hkyô mai wó é zo wuî nghut mù,
Ngò gi, yhángmòq lé chyitdàp myìt shit râ a nghut.
5Yhángmòq é yhâng nu gi, a jujúm kut bê nghut mù,
ahoq ahî hkyô mai yhángmòq lé zogûng wun é nghut ri.
Yhang gi, ‘Ngo lé, zoshuq, wuì, saumaú, nú nhâm é jihkyîng pán,
tsanlun xû eq shuq jung byi bê nghut é,
ngá é chyit bâng htâng cháng râ nghut lhê.’ ga taî ri.
6Haû mù, Ngò gi, yhang lé, zuhpup pê èq kyâm lhûng to mù,
yhang htoq râ hkyô a myang hô loshoq wam lhûng pyám râ nghut lhê.
7Yhang gi, yhâng é chyit bang lé châng hkat râ nghut kôle, châng hkyit râ a nghut;
yhang gi, yhángmòq lé châng hô râ nghut kôle, myang hô râ a nghut.
Haû mù, yhang gi, ‘Hí lhê é ngá é yhûmsîng hpó shut taû ló râ nghut lhê;
yhang eq nyì jáng, ahkui lhê htoq yùqyò râ nghut lhê.’ ga taí râ nghut lhê.
8Ngò gi, yhang lé, gùqzò muilhum,
tsibyiq wing asik eq xû byi Sû nghut é lé le,
Balaq hparà lé yhángmòq nhông byî é ngùn eq hîng lé lhoqmyo byi Sû nghut é lé le,
yhang a sé nghut ri.
9Haû mù, Ngò gi, kyô shu yòq mâ é Ngá é gùqzò muilhum lé le,
rì rì lajâng to bê nghut é Ngá é tsibyiq wing asik lé le,
yhâng é gùngchîn lé nghop râ nghut é, Ngá é saumaú eq nú nhâm é jihkyîng pán lé le,
yu pyám byi râ nghut lhê.
10Haû mù, ahkuî, Ngò gi, yhâng é chyit bâng é myòq hí má,
achîn kut pyám byi mù, hoq hpu nhâng râ nghut lhê;
ó yùq le, yhang lé Ngá é lòq mai wó shuî htoq yu pyám râ a nghut.
11Ngò gi, yhâng é zàn wui é poî pé,
yhâng é Lhôxan Lhôsik poî pé, Bánno Buìnyì pé eq,
yhâng é tû ge tô é poî pé nghut é,
ngón poî pé bànshoq lé hkûm zing pyám râ nghut lhê.
12Ngò gi, ngá é chyit bang byî é chyûnghuq nghut lhê ga yhang taî é,
yhâng é tsibyiq nuî pé eq hkohúm gâm pé lé lhoqhtên pyám mù,
haú pé lé yòso mó kut pyám râ nghut luî,
haú pé lé tân jung yòsô zè pê èq zô pyám râ nghut lhê.
13Ngò gi, yhang, Balaq hparà pé lé namngón jung nyhê nhông byî é buìnyì pê é yánmai le,
yhâng é gùng má nogóng pé eq hîng zè pé mhôn chûng mù,
yhâng é chyit bâng htâng cháng luî,
Ngo lé tô-myhî pyâm é yánmai le,
yhang lé mara dam byi râ nghut lhê.” ga,
haû Yhûmsîng Garai taî pyo ri.
14Hau htoq agó, “Haû mù, Ngò gi, yhang lé mhuî yù mù,
yòso shut shuî ê luî, yhang lé dang ngón nyò râ nghut lhê.
15Haú má, Ngò gi, yhang lé, yhâng é tsibyiq hkyâm pé tau byi mù,
wuîhke hkyô gâ é Ahkora Langhkaû lé myìt myòqbyù hkum kut pyám râ nghut lhê;
haú má, yhang gi, yhâng é zo-myî pyàt má,
Egutuq ming mai htoq lo é hkûn su, ngo lé tû taí râ nghut lhê.
16Haú buìnyì má, nàng gi, ngo lé,
‘Ngá é yhûmsîng hpó’ ga râ nghut mù,
‘Ngá é yhûmsîng’ ga râ a nghut lo;
haû gi, Yhûmsîng Garai taî pyo ri.
17Ngò gi, Balaq hparà pê é myìng lé, yhâng é nhutwuî mai shang pyám byi râ nghut mù,
myìng haú pé lé dum taí lo kôrâ a nghut.
18Haú buìnyì má, Ngò gi, yhángmòq é matú,
pá mâ é tân jung yòsô zè pé, maulat nghoqzô pé,
myigùng má dô yê é kângsoq bo é dui jung pé eq dangshikaq to mù,
yhángmòq bànshoq bang ngón za wó lèq yhup shoq,
lai, shâm eq majan pé lé,
mîngdán haú mai lhoqzîm pyám byi râ nghut lhê.
19Ngò gi, ahtum abyùq Ngá é yhûmsîng myhí kut râ matú nang lé dûng yù râ nghut lhê;
Ngò gi, díngmán é, târâ ràp-rá é, chyitdàp é eq shogyo myìt shit é dông,
nang lé dûng yù râ nghut lhê.
20Ngò gi, nang lé jujúm é dông dûng yù râ nghut mù,
nàng gi, haû Yhûmsîng Garai lé sé râ nghut lhê.
21Haû Yhûmsîng Garai shî su ga taî pyo ri;
haú buìnyì má, Ngò gi, gyo byi râ nghut lhê;
Ngò gi, mauhkûng lé gyo byi râ nghut mù,
mauhkûng gi, myigùng lé gyo byi râ nghut lhê;
22myigùng gi, gùqzò muilhum,
tsibyiq wing asik eq tsanlun xû pé lé gyo byi râ nghut mù,
haú pé gi, Yezirela#2:22 Yezirela gâ é gi, Garai Gasang hô hkyô é nghut lhê gâ é lichyúm nghut ri. lé gyo byi râ nghut lhê.
23Ngò gi, mîngdán haú má Ngá é matú Isira-elaq lé hô htoq râ nghut lhê;
Ngò gi, ‘Ngá é chyit sû a nghut.’ nghû taî é sû lé,
Ngá é chyitdàp myìt tûn shit râ nghut lhê;
Ngò gi, ‘Ngá é byù a nghut.’ gâ é hui bang lé,
‘Núngmòq gi, Ngá é byu pé nghut akô.’ nghû taí râ nghut mù,
‘Nàng gi, ngá-mòq é Garai Gasang nghut ri.’ ga,
yhángmòq taí kôrâ nghut lhê.” ga le taî ri.
Currently Selected:
Hose-a 2: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
