Hose-a 12
12
1Ehprim gi, laì lé shuq mù,
ra-nyí buî, buìhtoq hkyam laì lé châng hkat luî,
mhaû é dang pé eq lú lhum bàt zìk hkyô pé lé lhoqmyô yu nyi ri.
Yhang gi, Asuri ming eq dangshikaq to mù,
Egutuq ming shut tsanlun xû dé byî ri.
2Haû Yhûmsîng Garai gi, Yudaq lé mara hûn râ hkyô wó mù,
Yakup lé, yhâng é hkyô pé má cháng luî,
mara dam byi mù, yhâng é nyì yàp sâmlai má cháng mù,
lató hpuq râ nghut lhê.
3Yakup gi, yhâng nû é ûnghkaû má yhang mâng é hkyîhtáng la-nhik lé zuî zing tô ri;
yhang gi, zorâm nghut é hkûn, Garai Gasang eq dàp lhûm ri.
4-5Gè gè yhang, yhang gi, maumang lagyo eq dàp lhum mù, yhang lé ung pyâm ri;
yhang gi, ngaù luî, yhang lé dûng tôngbán ri.
Yhang gi, Behtela wà má, haû Wum-o a-tsam dìk shoq bò Sû Yhûmsîng Garai Gasang lé hui luî,
haú má Yhang lé dáng nyo ri.
Yhâng é myìng gi, Yhûmsîng Garai gâ ri!
6Haû mù, Yakup é awùt ashín pé ê, núngmòq é Garai Gasâng chyáng lhing taû ló ra kôrâ nghut mù,
chyitdàp myìt eq târâ ràp-rá hkyô xoq châng nyì luî,
núngmòq é Garai Gasang lé ayang láng nyî keq.
7Wuìloq kut#12:7 Wuìloq kut gâ é lé, Hebre laiká cham má, Hkanan gâ é htê htoq lhê; haû taí nau é gi, Isira-elaq byu pé gi, Hkanan byu pé eq haî a shai lhum gâ é lichyúm lé taí nau é le nghut lhê. sû gi, a mán é jàng lé chûng mù,
mhaú zo mhaú shuq hkyô lé chyitdàp ri.
8Ehprim gi, “Ngò wó sû nghut lhê;
ngò gi, sùtzè gyai wó bê nghut lhê.
Ngò wó é sùtzè bànshoq mai,
ngò má shut byùq é hkyô eq mara bo é hkyô myàng râ a nghut.” ga nghutbun dang taî ri.
9“Nghut kôlhang, Ngò gi, nang lé Egutuq ming mai shuî htoq lo é,
náng é Garai Gasang nghut é, haû Yhûmsîng Garai nghut lhê;
tû tô é poî buìnyì pé má nyi é su,
Ngò gi, nang lé zúm pé má dum nyì nhâng râ nghut lhê.
10Ngò gi, myìqhtoî pé lé dang nyô mù,
shing-rán pé myo myo byi luî,
yhángmòq dông dangtú pé byi bê nghut lhê.” ga Yhûmsîng Garai taî ri.
11Gile-at wà gi, yubàk mara a bo é nghut lhê lhú?
Haú mâ é byu pé gi, a-kyû a bo bùm nghut ri!
Yhángmòq gi, Giligala wà má nohtó pé nhông byî akô nghut lhê, a nghut lhí?
Yhángmòq é hkungga gyàp pé gi,
hpuq to bê é yò mâ é lùqgòk bùm su dùt byùq râ nghut lhê.
12Yakup gi, Aram mau má hpang ló bê nghut ri;
Isira-elaq gi, myiwe wó yû râ matú dójaú mù,
hpau kat râ matú sau rém ri.
13Haû Yhûmsîng Garai gi, Isira-elaq byu pé lé,
Egutuq ming mai myìqhtoî é lòq dông shuî htoq yû mù,
myìqhtoi dông yhángmòq lé hku baú ri.
14Nghut kôlhang, Ehprim gi, Yhûmsîng Garai lé nhikmó lhoqyo bê nghut mù,
Yhûmsîng Garai gi, yhang lé, byù sat sui lhoqshun é chyîn wò yù nhâng luî,
yhang haî su a ngàm kut pyâm é hkyô lé lató hpuq râ nghut lhê.
Currently Selected:
Hose-a 12: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
