Hose-a 11
11
Isira-elaq Lé Garai Gasang Chyitdàp É Hkyô
1Isira-elaq gi, zoshâng nghut nyi é hkûn,
Ngò gi, yhang lé chyitdàp mù,
Ngá yùqzo lé Egutuq ming mai wùt htoq yu é nghut lhê.
2Nghut kôlhang, yhángmòq lé je wùt jáng,
yhángmòq gi, Ngá chyáng mai je wê gâng ló byùq akô nghut ri.
Yhángmòq gi, Balaq hparà pé lé hkungga nhông byi mù,
hparà lhô pé lé namngón jung nyhê nhông byî akô nghut ri.
3Ehprim byu pé lé hkyô shuî sô mhoq mù,
yhángmòq lé lòq èq bún é sû gi, Ngò nghut lhê;
nghut kôlhang, yhángmòq lé lhoq gê byî é sû gi,
Ngò nghut é hkyô lé yhángmòq a sé kó nghut ri.
4Ngò gi, yhángmòq lé, xângzo byu é chyit myìt nghu é,
chyitdàp myìt tuî èq she é nghut lhê.
Ngò gi, yhángmòq é matú,
zoshâng zo lé bowâm má bún tap é sû nghut mù,
ngóm luî yhángmòq lé zoshuq tsô é nghut lhê.
5Yhángmòq gi, myìt lhîng a wó naû kó nghut é yánmai,
Egutuq ming má taû ló kôrâ nghut luî,
Asuri hkóhkâm gi, yhángmòq lé ùp râ nghut lhê.
6Shâm gi, yhángmòq é wà pé má jé râ nghut mù,
yhángmòq é hkumkyáng pé lé myui pyám râ nghut luî,
yhángmòq htung tô é hkyô pé lé lhoqhtûm pyám râ nghut lhê.
7Ngá é byu pé gi, Ngá chyáng mai lhing ló byùq râ matú myìt hpyit bekô nghut ri.
Myhang Htáng Garai Gasang ga yhángmòq Ngo lé wùt kôlhang,
Ngò gi, yhángmòq lé wàq toq râ a nghut.
8Ehprim ê, Ngò gi, nang lé hkâsu wó tô pyám râ lhú?
Isira-elaq ê, Ngò gi, nang lé hkâsu wó àp pyám râ lhú?
Ngò gi, Adama wà lé kut é su, nang lé hkâsu ge kut râ lhú?
Ngò gi, Zeboyim wà lé kut é su, nang lé hkâsu ge kut râ lhú?
Ngá é i-myìt nhiklhum gi, Ngá é ahkaû má htaî lhik bê nghut ri;
Ngá é shogyo nhikmyin hkyô bànshoq, myìt toq to bê nghut ri.
9Ngò gi, Ngá é nhikmó-yo hkyô mai mû kut htoq râ a nghut;
Ehprim lé le dum lhoqhpyoq pyám râ a nghut.
Hkâsu mù gâ le, Ngò gi, byù a nghut, Garai Gasang ru nghut lhê;
núngmòq chyáng nyi nyi é Chyoiyúng Sû nghut lhê.
Ngò gi, yhángmòq é wà pé lé htuqhtíng râ matú dum lé râ a nghut.
10Haû Yhûmsîng Garai gi, hkanghkyi su mying garu râ nghut mù,
yhángmòq gi, Yhâng htâng cháng kôrâ nghut lhê.
Yhang mying garu jáng, yhâng é zodù wuì gi,
buìwàng hkyam mai gyùq nán é èq lé kôrâ nghut lhê.
11Yhángmòq gi, Egutuq ming mai,
jòhkyáng su gyùq nán lé kôrâ nghut mù,
Asuri ming mai, dùng nán é hpûngkyui su lé lô kôrâ nghut lhê.
Ngò gi, yhángmòq lé, yhûmsing é yhûm má dum nyi to nhâng râ nghut lhê.” ga le taî ri;
haû gi, Yhûmsîng Garai taî pyo ri.
Isira-elaq É Yubàk Mara
12Ehprim gi, mhaú dang taî é èq,
Isira-elaq gi, mhaú zo mhaú shuq é èq,
Ngá é lhînghkyùq má nyi tô akô nghut ri.
Nghut kôlhang, Yudaq gi, Garai Gasâng é jì-no gyô nyì mù,
Chyoiyúng Sû lé jujúm nyi ri.
Currently Selected:
Hose-a 11: znot
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
