A-pûn Awang 28

1Haû mù, Isak gi, Yakup lé wùt yù luî, yhang lé shimân byi mù, “Nàng, Hkanan a-myû mâ é myiwe ge yù râ a nghut. 2Toq mù, Hpadan Aram#28:2 Hpadan Aram gi, Mesopotami-aq mâ é Mautsûng buìwàng hkyam lé gâ lhê. má nyi é, náng nû é yhâng wa Behtu-ela é yhûm má radá dâm ê àq. Haû mâ é, náng nû é mùng zo Laban é yhang zo byìzô pé mâ é rayùq yùq ê yû àq. 3Wum-o a-tsam dìk shoq bò Sû Garai Gasang#28:3 Wum-o a-tsam dìk shoq bò Sû Garai Gasang gâ é lé, Hebre má, Eli-Shadai gâ lhê. gi, nang lé shimân byi mù, myoluq jebe nhang é eq zo myo myhû nhâng luî, a-myû mó pé dùt nhâng sháng gàq. 4Yhang gi, Abraham lé byî é shimân jeju haû, nàng eq náng é awùt ashîn pé lé byi sháng gàq; haú hkûn, nàng gi, Abraham lé Garai Gasang byî é, ahkuî nàng byù bíng dông nyi tô é maumyî shî lé wó sing yù râ nghut lhê.” ga dangmó hkyô ri. 5Hau htâng, Isak gi, Yakup lé yhâng é hkyôwuì shut nhang kat bê nghut mù, Yakup gi, Hpadan Aram má nyi é, Aram byù Behtu-ela é yhang zo, Eso eq yhángnhik tang é yhâng nu Rebeka é mùngzo nghut sû Laban chyáng ê jé bê nghut ri.

6-7Isak gi, Yakup lé shimân byi mù, Hpadan Aram mâ é myiwe ê yû râ matú, haú shut nhang kat é hkyô lé le, yhang, Yakup lé shimân byî é hkûn, “Nàng, Hkanan a-myû mâ é myiwe ge yù râ a nghut.” ga taî é dang lé le, Yakup gi, yhâng nu eq yhâng wâ é jì-no gyo mù, Hpadan Aram shut e ló bê hkyô lé le, Eso sê byùq ri. 8Haú hkûn, yhang gi, yhâng wa Isak, Hkanan a-myû myiwe lé a ô naù dùt é hkyô lé sê gyo bê nghut ri. 9Haû mù, yhang gi, Ishima-elaq chyáng ê luî, myiwe í yùq wó to gù má, Abraham hku é Ishima-elaq é yhang zo byìzo, Nebaiyut é yhâng nhammó Mahalat lé dum yu jàt bê nghut ri.

Behtela Jowò Má Yakup Yhupmòq Myang É Hkyô

10Yakup gi, Berasheba mai htoq luî, Haran wà shut e ló bê nghut ri. 11Yhang gi, jowò rawò má ló jé é hkûn, buì wang byùq mù, haú myîn haú má nô ri. Yhang gi, lùqgòk racham wàq yù mù, uhkuq kut luî, yhup to bê nghut ri. 12Yhang yhup tô é hkûn, yhupmòq rahkat myang ri; yhupmòq haû gi, mauhkûng hkap é zùmhtâng ralhum, myìdàm htoq má htung to mù, Garai Gasâng é maumang lagyô pé, haú má dòq dòq gyó gyó kut nyi bum akô. 13Haû Yhûmsîng Garai gi, zùmhtâng hpyo má yàp to mù, “Ngò gi, náng é îchyí îwa Abraham é Garai Gasang eq Isak é Garai Gasang, haû Yhûmsîng Garai nghut lhê. Ngò gi, nàng eq náng é awùt ashîn pé lé, haû nàng lèq tô é maumyî byi râ nghut lhê. 14Náng é awùt ashín pé gi, myìdàm htoq mâ é hpuílhup su myo râ nghut mù, núngmòq gi, buìhtoq, buìwàng, maupyî, mautsûng nyi jam ló kôrâ nghut lhê. Myìdàm htoq mâ é byù myû lhúnglhâng bang gi, nàng eq náng é awùt ashîn é yánmai, shimân jeju wó kôrâ nghut lhê. 15Ngò gi, nàng eq rahá nghut nyî mù, nàng, hká ê hká ló kôlhang, nang lé wú mâgum nyì râ; Ngò gi, nang lé, maumyî shî má dum shuî taû lò râ nghut lhê. Nang lé Ngò danghtum htûm to byî é lé a lhoqdìk dìk gi, Ngò, nang lé tô pyâm to râ a nghut.” ga taî ri.

16Yakup yhup bûn lo é hkûn, yhang gi, “Haû Yhûmsîng Garai gi, gè gè yhang, shí jowò má nyi ri myhî-nhûng é lé, ngò a sê kat.” ga wó myìt ri. 17Yhang gi, gyùq byùq mù, “Shí jowò gi, gyai yhang gyùq chiq râ é jowò nghut ri myhî-nhung! Shî gi, Garai Gasâng é yhûm eq mauhkûng hkum yhang nghut bê.” ga taî ri.

18Yakup gi, htang nàpkyó noq le, yhang uhkuq kut é lùqgòk lé yù mù, pyîlàt zìng dông xuq luî, haú má xû hut hkyô gyûn ri. 19Yhang gi, wà mó haú lé Luza ga myhîng laî lò kôlhang, haú jowò lé Behtela#28:19 Behtela gâ é gi, Garai Gasâng é yhûm gâ é nghut lhê. ga myhíng bê nghut ri. 20-21Hau htâng, Yakup gi, “Ngò, ngá wâ é yhûm má ngón za wó taû lò râ matú, Garai Gasang gi, ngò eq rahá nghut nyî mù, ahkuî ngò sô nyi é hkyôwuì má mâgum yù luî, ngò zo râ zoshuq eq ngò wùt râ mèbu lé byi râ nghut jáng, haû Yhûmsîng Garai gi, ngá é Garai Gasang dùt râ nghut mù, 22shî pyîlàt zìng dông ngò xuq é lùqgòk gi, Garai Gasâng é yhûm dùt râ nghut lhê; haû mù, ngò gi, Nàng, ngo lé byî é lhúnglháng mâ é xê gàmbùm ragàmbùm, Nang lé byi râ nghut lhê.” ga dakâm danghtum htûm to bê nghut ri.

Currently Selected:

A-pûn Awang 28: znot

Highlight

Copy