Htoq Ló 37
37
Sàksé Dò
1Bezalela gi, htángmó gâm sik sàksé dò saî ri; sàksé dò haû gi, hîng hpyang í dúng èq rahtô, làm hpyang radúng èq rahtô, myhâng hpyang radúng èq rahtô bo ri. 2Yhang gi, hau é ahte ahtoq má, hîng gyíng shup mù, ahpyo lhînghkyùq má, hîng shup dúng tô ri. 3Yhang gi, hau é matú hîng góng myi góng saî yù mù, rahkyam shut í góng góng kut, myi hkyî má tap tô ri. 4Hau htâng, yhang gi, htángmó gâm sik lé gán-yang í hkat saí mù, hîng shup tô ri. 5Yhang gi, sàksé dò haû wàq râ matú, gán-yang haû í hkat lé, í shut mâ é agóng má chyoi tô ri.
6Yhang gi, hîng hpyang í dúng èq rahtô, làm hpyang radúng èq rahtô bo é, hîng gyíng èq saî é jeju dò a-myhi saî ri. 7Hau htâng, yhang gi, bàtdu èq hîng hkerubim í lhum saî htoq yû mù, a-myhi í htâng má saî tap tô ri. 8Yhang gi, rahtâng shut hkerubim ralhum saí mù, góhtâng shut le hkerubim ralhum saí luî, haû a-myhi mâ é í htâng shut má saî tô é hkerubim lé ralong za kut xoq lhûm tô ri. 9Haû hkerubim í lhûm é gi, myòqdong hkyúm kut luî, jeju dò a-myhi shut wú to mù, dùng lé tu myhang to luî, jeju dò a-myhi lé shum nghop tô ri.
Mùkgyàp
10Yhángmòq gi, htángmó gâm sik mùkgyàp ralhum saî akô; haû gi, hîng hpyang í dúng, làm hpyang radúng, myhâng hpyang radúng èq rahtô bo ri. 11Hau htâng, yhángmòq gi, haú lé hîng gyíng shup mù, ahpyo lhînghkyùq má hîng shup dúng tô akô. 12Yhángmòq gi, hau é lhînghkyùq má lòqwa rahup lhoqze htoq to mù, haû ze htoq tô é jang má hîng shup dúng tô akô. 13Yhángmòq gi, mùkgyàp hau é matú hîng góng myî lhum saî htoq yû mù, mùkgyàp hkyî myí hkyi é achyûn má tap tô akô. 14Hîng góng haú pé lé, mùkgyàp wàq htòt râ matú, gán-yang chyoî jang dông, haû htoq ze tô é jang a-nàm má tap tô akô nghut ri. 15Mùkgyàp haú lé wàq râ matú, htángmó gâm sik gán-yang í hkat saí mù, haú má hîng shup tô akô. 16Hau htoq agó, yhángmòq gi, haû mùkgyàp má chûng râ matú, hkoq hpyén pé, gòmhtung pé, htûdòk pé eq shuq jung hkungga hut râ hkoq pé lé, hîng gyíng èq saî akô nghut ri.
Myi-kok Tsûngjang
17Yhángmòq gi, hîng gyíng lé myi-kok tsûngjang ralhum saî akô. Haú lé tsung é achuq, alòq, xû hkoq pé, abu pé eq abó pé lé, ralong za dùt shoq bàt htoq akô nghut ri. 18Myi-kok tsûngjâng é zîng haû mai, rahkyam shut sum koq koq kut luî, hkyuq koq saî htoq tô akô. 19Akoq ralhum má gi, alamon banbó pé su abu eq abó dàp é xû hkoq sum hkyap saî tap mù, hau é ayàm mâ é akoq má le sum hkyap saî tap tô akô; myi-kok tsûngjang mâ é akoq hkyuq koq má haú dông chyat kut tô akô. 20Myi-kok tsûngjang zìng má gi, alamon banbó pé su abu eq abó dàp é xû hkoq myi hkyap saî tap tô akô. 21Myi-kok tsûngjang mâ é sânghî akoq í lhum zùp é a-ô má abu ralhum, htâng akoq í lhum zùp é a-ô má abu ralhum, hau htâng akoq í lhum zùp é a-ô má abu ralhum kut, akoq hkyuq lhum bànshoq é a-ô má saî tap tô akô. 22Abu pé eq akoq pé bànshoq lé gi, myi-kok tsûngjang eq ralong za kut, hîng gyíng èq bàt htoq tô akô nghut ri.
23Yhángmòq gi, hau é myi-kok nyhit lhum lé le, nyàp pé eq nyàp kat hkoq pé lé le, hîng gyíng èq saî akô. 24Yhángmòq gi, myi-kok tsûngjang haû eq haú mâ é chûngzè pé bànshoq lé, hîng gyíng raxe rajoí ko èq saî akô nghut ri.
Namngón Jung Nyhé Hkungga Gyàp
25Yhángmòq gi, htángmó gâm sik lé, namngón jung nyhé hkungga gyàp ralhum saî akô; haû gi, hîng hpyang radúng, làm hpyang radúng, myhâng hpyang í dúng kut myi chyûn bo ri. Hau é hkyuî pé gi, haû eq ralong za xoq lhûm tô ri. 26Yhángmòq gi, hau é ahpyo má le, ayàm pé bànshoq má le, hkyuî pé má le, hîng gyíng èq shup kômù, hau é lhînghkyùq má hîng shup dúng tô akô. 27Yhángmòq gi, haû hkungga gyàp dúng tô é a-ô hé hkyam shí hkyam shut, rahkyâm má í góng góng tap râ matú, hîng góng myi góng saî akô; haû gi, wàq râ matú gán-yang pé chyoî jang nghut ri. 28Yhángmòq gi, gán-yang haú pé lé htángmó gâm sik èq saí kômù, hîng shup tô akô nghut ri.
29Hau htoq agó, yhángmòq gi, bùt râ chyoiyúng namngón xû lé le, namngón jung lé le, namngón shôm saí su é lòqmú dông saî akô nghut ri.
Currently Selected:
Htoq Ló 37: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
